Hálfsögð saga. Margir möguleikar til að bæta samgöngur

Góð frétt og upplýsandi. Blaðamaðurinn Helgi Bjarnason leggur sig fram um að upplýsa og birtir margar tölur um kostnað og mælingar. Vegagerðinni er gert að greiða af sameiginlegum vegasjóð yfir milljarð á ári. Hún stendur eftir fátækari en ella til að bæta hringveginn. Auðvitað eiga Vestamanneyingar skilið að hafa góðar samgöngur við land en skoða verður hvern milljarð í réttu samhengi. 

Á Ísafirði er verið að stækka höfnina fyrir milljarð og greiða hafnarnotendur yfir 60% kostnaðar. Stærsta einstaka hafnarframkvæmd á landinu. Framkvæmd sem mun skapa stóra tekjumöguleika og auka hagvæmni á tíðari flutningum með skipum sem sigla með afurðir beint á neytendamarkað. Minnka þar með þörf fyrir ferjuflutninga yfir Breiðafjörð með fiskafurðir.

Galin þótti hugmynd fyrrverandi alþingismanns frá Vestmannaeyjum um að gera göng út í eyjar sem hefðu kostað að minnsta kosti tvo tugi milljarða. Ef til vill álíka upphæð og þegar hefur farið í Landeyjaævintýrið? Með jarðgöngum hefðu skapast möguleikar á að stytta ferðatíma frá Vestmannaeyjum til meginlanda Evrópu með skipum. 

Velta menn fyrir sér hvað árlega má gera fyrir einn milljarða til að halda uppi flugi milli lands og Vestmannaeyja? Yfir 3 milljónir á dag sem Vegagerðin leggur fram til að halda höfninni gangandi?

Alltaf nýjar upplýsingar um dýpið

Gunnar Smári á Vísir.is. Úlfar hafa hlutverk

Sósalistinn Gunnar Smári var við að ná inn á þing.  Hver veit nema hann hefði verið inni hefði hann rekið kosningabaráttuna eins og eldri menn Flokks fólksins, náð inn á þing með einlægni, hænufeti í einu.

Þingheimur hefði verið ólíkt litríkari með Gunnari kjörnum á þing. Fyrrverandi ritstjóri Gunnar S. Egilsson kann fyrir sér ýmislegt eftir langa vist með uppkaupakaupmönnum á hlutabréfum og útrásarvíkingum, "spilavítiskapítalsisma." Hann nálgast viðfangsefnið á einfaldan máta eins og með grein á Vísir þann 14.október. "Hænur sem dáðst að úlfum." Margur stjórnarsinni taldi sig vera að sópa gólf með því að úthýsa og formæla Gunnari, töldu að skjóta ætti hann í kaf eins og óvelkominn háhyrning á taflborði ríkiskapítalisma. 

Gunnar sparar bönkunum ekki kveðjurnar. Í fjármálaheimi sem er að mestu ríkisrekinn og að hans sögn tekur árlega þóknanir og vexti af hverri fjölskyldu í landinu sem nemur álíka og miðlungs mánaðarlaunum verkamanns, hátt í 800 þúsund. "Hagnaður þeirra er sóttur til þeirra sem búa til verðmæti;launafólks og rekstrafyrirtækja. Ofurhagnaður banka er sjúkdómseinkenni."

Hann dregur upp ýmsar hagtölur máli sínu til stuðnings. Aðeins tveir úr ranni formanna stéttarfélaga hafa andmælt hækkandi stýrisvöxtum en þegja þunnu hljóði um þúsundir, milljarðasjóði stéttarfélaga sem eru á hlaupabretti krónuverðbólgu. Sjóði sem kaupa íbúðir í heildsölu og selja síðan til launafólks með 15% álagningu.

Formaður Flokks fólksins hefur reynt að upplýsa alþingismenn um marga hnökra á fjármálakerfinu en dugar skammt. Miðflokkurinn brást og tók að boða ríkisgjafir á endaspretti kosningabaráttu. Fátt eitt breytist og ekki verður betur séð að nú sé hafið enn eitt höfrungahlaupið með flökt á krónu. Engir hákarlar á þing, en guðsmenn velkomnir. 

„Leyfir ekkert kæruleysi“

Gjörningaveður, sýnd veiði en ekki gefin

Frá því kosningum lauk hafa pólitískar stórhríðir gengið yfir. Svikalýðræðið með áratuga atkvæðamisvægi afhjúpað nú sem aldrei fyrr. Öllum á óvörum birtist þingmaður miðjuflokksins eins og nýkominn af fjalli, alsnjóaður af baktali og misyndi að eigin sögn. Stuðningsmenn sem höfðu staðið í kosningasmölun um allt Suðurland eru enn ruglaðir eftir gjörninganótt kosninga sem og fleiri Vökumenn sem höfðu ekki búist við að ókrýndir birtust í þingflokknum.

Ekki nóg með að stofnanir hafa lagt sig fram um að auka bjartsýni í furðuveröld alþingismanna heldur hafa stórskyttur blaðanna lagst á eitt með að draga menn upp úr þunglyndinu. Fyrirsagnir um milljón tonna loðnukvóta á að gefa 4-6% aukið fé í þjóðarkassann. Fasteignaverð hefur og rokið upp um 14% í kjölfar hjálparstarfs reiknimanna. Einhuga um að bjarga einstökum sveitafélögunum frá gjaldþroti?

Hagstofa - Þjóðskrá sem heyrir undir forsætisráðuneytið fer trúlega eftir vísindaútreikningum, en það vekur umhugsun að stórfrétt um loðnukvóta birtast á sama tíma og viðræður um skipan næstu ríkisstjórnar eru að hefjast. Hafrannsóknir við Grænlandsstrendur þar sem farið er yfir sama hafsvæðið aftur og aftur? Hvar er hlutur Grænlendinga í loðnukvótanum og skyldu þeir getað komið inn í íslenska lögsögu og hafið "rallý" rannsóknarskipa til að mæla loðnukvóta sem þeir vilja veiða?

Sagt var að í eina tíð að vinnuþjakaðir togarasjómenn eyddu aflafé í ómynnisástandi í tveggja daga innilegu. Var allt talið réttlætanlegt til að koma þeim ómeðvitað á galeiðuna aftur áður en af þeim raknaði víman.

Eftir sýnda en ekki gefna veiði kemur svo enn einn bjargvætturinn, rafíþróttir sem á að bjarga kassanum í allsherjar gloríuveislu í Laugardagshöll eftir að boltamenn hafa verið sendir í frí. 

Vita ekki hvort Erna fylgi Birgi

Einlægni og vinnusemi skilaði óvæntum úrslitum

"Tómas kenndur við hamborgara..." sagði stjórnandinn á kosningavökunni þegar kom að Tomma. Jakob Frímann var og inni. Óvænt tíðindi úr Norðaustur kjördæmi og Reykjavíkur norður. Stór kosningasigur Ásmundar Einars barnamálaráðherra var skjótt merkjanlegur. Þeir félagar Sigurður Ingi og Ásmundur virtust ekkert hissa en olnbogaskot þeirra á milli við hverjar nýjar sigurtölur kættu áhorfendur. Úrslitin komu jafnvel kosningaspámönnum á óvart en allir samglöddust þremenningunum. 

Þeir fiska sem róa, gömul og ný sannindi. Vinnusemi og reynsla spiluðu án efa stærstan þáttinn. Hinn trúfasti Tómas hafði lengi gælt við hugmyndina að setjast á þing með bindi og í jakka. Ef hann var ekki á kosningafundum þá mátti sjá honum bregða fyrir á næstu gatnamótum í "amerískum gul máluðum kakka" Glæsibíl frá Saab og með merki flokksins. Báðir eru þeir Jakob og Tómas vanir sviðsmenn, þekktir fyrir vinnusemi og atvinnumennsku þar sem allt er breytilegt.

Góðmennið og tónlistamaðurinn Jakob Arnars Magnússon hafði engu gleymt frá því hann tók þátt í einum stærsta sigri Jóns Hannibalssonar sem varð til þess að Jón fór í víking til að hjálpa við að frelsa Eystrasaltsríkin undan oki sovéskra kommúnistastjórnar. 

Jakob Frímann lýsir vel hrossakaupum sem eiga sér stað í embættisveitingum og pólitísku plotti í ævisögu sinni sem kom út eftir aldamót. Þar dregur hann ekkert undan enda í eðli sínu listamaður með pólitíska innsýn. Hann ætlar að tala fyrir höfunda og eignarétti. Hann er ekki einn þeirra pólitísku sjónhverfingamanna sem tekur frá þeim ríku til að gefa fátækum, Hrói Höttur. Hann rær frekar í því rými þar sem fátækir, sjúkir og fatlaðir eiga að njóta allra sjálfsagða borgararéttinda til jafns við aðra. 

Fljótlega mun koma í ljós hvaða meirihluti mun verða ofan á til að stjórna landinu. Fjögur ár er langur tími í pólitík og fáar þriggja flokka stjórnir hafa náð að þrauka út kjörtímabilið. Vandi er í hverri þraut en kosningasigur Framsóknar bendir til að landsbyggðamenn vilji hafa hönd í bagga þegar miðhálendis og landsbyggðarmál eru leyst.

Smitaður einstaklingur á kosningavöku Framsóknar

Kusu með fótunum og fóru. Trúðu ekki á gilt loforð

Hátt í hundrað þúsund Íslendinga, flestir ungir og menntaðir hafa yfirgefið landið og leitað tækifæranna erlendis síðustu áratugi. Mikill blóðtaka, en hingað hafa komið útlendingar frá ólíkum löndum til að fylla í skarðið. Óvanir aðstæðum en hafa bjargað útflutnings atvinnuvegunum í manneklu.

Mikill hluti þessara einstaklinga fóru til búa við stöðugra verðlag og mynt sem ekki flakkar um tugi prósenta á milli ára. Til að getað eignast íbúð eða hús sem væri að fullu greidd áður en eftirlaunaaldri yrði náð.

Í fjölmiðlum er nú tilkynnt að stýra ASÍ og og stjóri SA samtaka ætli að biðja fyrir góðum byr og lágum vöxtum næstu fjögur árin. Alþingismenn hafa og sofnað á vaktinni, ekki tekist að koma á löggjöf sem kemur í veg fyrir sveiflur á vinnumarkaði. 

Færeyingar komast á milli eyja gegnum jarðgöng og fjármagna á lágum evru vöxtum án þess að vera í ESB, en með gagnkvæmum samningum eins og mörg smáríki í Evrópu hafa gert.

Viðreisn kynnir fjármögnun loforða sinna

Leifar fellibyls og stútfullur fimmtudags Moggi.

Leifar fellibyls og eldgos í Geldingadölum er ólíkindagos. Allur er varinn góður en snarpur vindur, flóð og þurrkar hluti af því að búa á eldfjallaeyju í Norður-Atlantshafi. Ferðamenn sem hingað koma taka þátt í þessum margbreytilegum aðstæðum en þeir þurfa góða leiðsögn þegar válynd veður eru í uppsiglingu.

Fimmtudagsblaðið er þéttfullt af fréttum um flóð í Skaftá, falsspámenn, ný kosningaloforð og gjafir frá hinu opinbera. Bóndinn á Ytri Ásum, Gísli er raunsær og dregur ekkert undan. Lýsingin hans á því þegar hestur festist í leirsteypu Skaftár er ótrúleg en sem betur fór voru gæsaskyttur til staðar og gerðu það sem knapinn náði ekki einn að gera.

Refur og hrafn eru fljótir að koma á vettvang ef skepnur festast eða eru ósjálfbjarga í hamförum elds og jökuls. Furðusögur af seiglu sauðkindar og brú sem hangir á einum stöpli er vel mynduð í frásögn blaðsins. Evrópumenn og eybúar eins og Bretar fá sinn skammt af flóðum og rigningarlægðum en aldrei hef ég séð í bresku sjónvarpi neitt líkt af ferðum sauðskindar í ógöngum.

Gísli nefnir sauðkindina búfénað og þar er hinn glöggi bóndi sannfærandi. Eybúar meta framlag sauðkindar mikils eins og sjá má í fréttum og frásögnum á Íslandi sem á Bretlandseyjum. Í viðtalinu vekur bóndinn athygli á minjum eftir Papa sem byggðu Skaftártungu áður en víkingar námu land.

Allt sem Skafá tekur með sér af jarðefnum úr jökli fyllir hraun og fletur land út þar sem áður voru klaustur ískra munka. Sveitin geymir ótrúlega mörg staðarnöfn sem komin eru frá Pöpum. Breytingar á landslagi eru með ólíkindum og bílferð sem tók í æsku yfir hraun klukkustundir er nú farin á stundarfjórðungi.

Á öðrum stað í blaðinu er getið um fyrirhugaða brúarsmíð yfir Stóru-Laxá, milljarða framkvæmd. Í Öræfasveit er verið að taka fjórar nýjar brýr í notkun og eflaust margir þakklátir þótt hvergi orðað.

Margt fleira mætti nefna eins og hófsama Hafnfirðinga að kanna vatnsveitu úr afgangsvatni úr Kaldárbotnum . Þá er fyrir kosningar hætt við 100% aukningu á gjaldi. Allt athyglisvert og fræðandi fréttir í blaðinu.

 

 

Eldgosið „á fullu“ í alla nótt

Heiðursmenn og íþróttaandi

Eru Ármann og Fylkir þá skrefinu framar en hin íþróttafélögin í íþróttamenningu? Eftirtektarvert er hvað einblínt hefur verið á tækni og líkamsþjálfun, ekki bara hér heldur í Bretlandi. Fjárhagshliðin hefur verið áberandi og íþróttafélög notað hana þegar gengið er eftir að að byggt sé yfir keppnisíþróttir og aðstöðu fyrir afreksmenn. Mikið talað um fjárhagslegan ávinning fyrir félögin þegar leikmenn eru "seldir". en dæmið sjaldan reiknað til enda.

Félagsandinn er mikilvægur og með honum voru unnir sigrar í frjálsíþróttum um miðbik seinustu aldar. Bakgrunnurinn var þjóðernismetnaður og ungmennafélagsandinn sem lagði grunninn að afrekum í íþróttum. Heilbrigð sál í hraustum líkama. Bindindisfélög höfðu náð miklum árangri á fyrri hluta aldarinnar, en upp úr 1950 þykir ekki lengur fínt að vera í stúku. Á síari hluta fyrri aldar náðu skákmenn miklum árangri á alþjóðlegum mótum.

Tímana tákn eru íþróttasálfræðingar sem fara um og kenna ný og gömul gildi. Það er traustvekjandi og óskandi væri ef meira væri gert að því að leggja áherslu á jafna aðstöðu fyrir öll ungmenni. Áberandi er t.d. hve góð aðstaða er í Kaplakrikanum í Hafnarfirði. Þar eru hvatningarorð á veggjum og góður andi. Valsmenn vitna oft í KFUM og Sr.Friðrik Friðrikssonar en Ármenningar horfa til brautryðjanda eins og skákmanninn og boxarann Guðmund Arason.

 

    

„Á íþróttum hvílir skylda“

Bréf til blogfélaga Ómars Geirsonar

Ómar Geirsson skrifar athyglisverðan póst á bloggsíðu Mbl. 2. september. sem hann nefnir "Landsleikur í skugga ofbeldis." Undanfarið hafa staðið yfir mikill skrif um unga drengi sem sendir eru korn ungir til stóra Evrópuliða að iðka knattspyrnu með eldri karlmönnum. Ósjaldan missa þeir öll tengsl við fjölskyldu sína og vini. Þórólfur Beck var knattsnillingur og skólafélagi, lagðist í víking og var umbunað vel á þeim tíma þegar lítið var um vinnu. Lenti í Glasgow. Eftir stutta dvöl hjá Glasgow Rangers var hann seldur til Frakklands og þaðan fór hann til Ameríku. Hann hafði misst föður sinn ungur og bjó ekki við þann bakgrunn sem margur hefur í dag. Dæmi eru til þess að feður hafi sótt efnilega syni sem höfðu lent á vergangi erlendis, en höfðu verið sendir erlendis til að leita að fé og frama. Jafnvel var ætlunin að greiðslur kæmu til íþróttafélagsins í heimabyggð.

"Sæll Ómar

Fyrirsögn er lýsandi fyrir ofdýrkun á fótbolta. Farið langt yfir skammt. Allar rannsóknir óþarfar ef byrjað er á vitlausum enda. Það voru góð ár í fótbolta og þú nefnir Lars og Heimir, samvinna þeirra einstök og samspil leikmanna eftir því.

Góðir stjórnendur Lars og Heimir vöktuðu sína ungu leikmenn. Fótboltinn sem sigraði lið Englendinga fyrir margt löngu er nú fjarri. Skipið lekt og á reki eftir leifturárás kvenna sem telja sig eiga rétt á réttlæti og beita stofnun fyrir sig sem nýtur opinber stuðnings til að ná nú óljósum markmiðun. 

Þú nefnir að blakkát hafi átt þátt í hegðun leikmanns. Á Rúv er Blakkát nafn á hljómsveit en annars varla sjáanlegt í orðabókum netsins.  Blakkát, ágætis íslenska en enskuskotið, ekki viðurkennt af lærðum. Á sjómannamáli er það notað þegar sjómaður man ekki eftir sinni drykkju. "Eldri borgarar drukku frá sér ráð og rænu í sólarferð." stóð í blaðinu. Algengt er að unglingar sem þekkja ekki heim áfengis missa minnið í fyrstu drykkjuför, fara í blakkát.  

Læknar á meðferðastofnunum þekkja orðnotkunina og fyrirbærið ráðleggja afeitrun. Flestir vita þegar blakkát er nefnt að komið er inn á varhugavert hættusvæði í áfengisneyslu. Margir telja að þeir geti falið þennan veikleika og viðurkenna ekki að þeir eru hjálpar þurfi og að best sé að leita eftir aðstoð. Aðrir taka til í sínum garði.

Knattspyrnuhetjan Ronaldo hafði skýrar línur í fótbolta. Neitir ekki áfengis eða hans fjölskylda, leiðsögn í trúarlífi múslima?" 

Tilkynningum um ofbeldi í íþróttaheiminum fjölgar

Völd og ofurdýrkun á karlmennskuímynd spilla

"Eitruð karlmennska" segir félagsfræðingurinn Viðar Halldórsson. Ungir menn teknir frá íslenskum heimilum allt niður í fjórtán ára drengi og sagt að æva í lokuðum karlaheimi erlendis?  

Brot sem kunna að hafa verið stunduð fyrir mörgum árum koma upp á yfirborðið og núverandi stjórnarmönnum gert að svara fyrir syndir þeirra sem fóru á undan. Lokuðu sig inn í heimi þar sem barátta fer fram um störf, völd og peninga.

Íslendingar eiga mörg slík aflandsmál þar sem kerfið var ekki tilbúið að takast á við stjórnendur sem fóru ofurfari í rekstri. Sakamál allt aftur til Geirfinns og biskupsmála. Ásakanir á presta og tónlistamenn má rekja til þess að lokuð kerfi mynduðust áður en blaðran sprakk og þolendur náðu að tjá sig ógreinilega þar sem skömm ríkir og að verða undir.

Nú bætist við mótmæli vegna áhrifa ofurpeninga frá knattspyrnuheimi sem fóru í gegnum FIFA, allt frá Spáni og Portúgal til Norður-Evrópu, þar sem milljónir hafa mótmælt ósýnileika.

Prófessorinn er sérstaklega með góðar skýringar á því hvernig ofurdýrkun á "afreksmönnum" verður til. Síðar verða ungmenni og ástleitnar konur fyrst fyrir vonbrigðum áður en fleiri uppgötva að meira er óskráð.

 

Mikil firring í fótboltaheiminum

Of stórar takmarkanir og afléttingar.

Af reynslu ættu yfirvöld ekki að endurtaka mistök? Klóvitfræðin eru engin vísindi heldur ágiskanir og trú að allt megi leysa með lyfjum, sprautum eða töflum. Vímuiðnaðurinn bætir svo gráu ofan á svart að hafa opið fram undir morgun á krám og veitingahúsum.

Þrátt fyrir endurteknar viðvaranir lögreglu og sóttvarnarlæknis er ekkert aðhafst í miðbæ Reykjavíkur þar sem samdrátturinn hefur haft stærstu afleiðingar og lokanir. Meðalhófið mun betra en að lifa í einhverskonar jó jó bandi. Lokað á morgun og annan dag allt gal opið. Þá eru skemmtanastjórar ákveðnir að hafa opið ef ekki bannað á útihátíðir?

Sóttvarnir ríkisins rekja síðustu smit til Bankastrætis og komu stóra hópa Íslendinga frá sólarlöndum. Allt kaldar staðreyndir, smitberar eru nú að stærstum hluta Íslendingar. Enginn alvarlega veikur en aðgerðir miðast við rautt og gult. Þá eru fyrirtækin í ferðaþjónustu búin að læra af bitri reynslu að ekkert er gefið.

 

Leggur til aðgerðir innanlands