Hafstraumar, eldgos og hitabylgjur

Er ísöldin í nánd eða um miðja þessa öld? Fréttir um kólnun loftslags á norðurhjara þegar hitabylgja sumarsins er að ganga yfir Evrópu með gróðureldum og hæstu hitatölum. Er það óborin von eða eru fræðimenn eða fréttamenn að friða óttaslegna? Þegar lofslagsmál eru orðin að hitamáli og peningamaskínu má segja að á öllu sé von?

Andstæðurnar eru miklar og maðurinn smár þótt ekki sé litið lengra en á forsíðu Morgunblaðsins í dag. Af Litla Hrúti má sjá mikið sjónarspil náttúru og engin veit hvað sú sýning stendur lengi yfir. Framlag Íslands við að hafa aðgengi að gosstöðvunum fyrir göngufólk og vísindamenn er í sjálfu sér mikið verkefni og almenningsfræðsla. Fréttamiðlar dreifa út mengunartölum af þessu "litla gosi" eins og komið sé að heimsenda.

Athyglisverðar eru skoðanir Halldórs Björnssonar í fréttinni á hita og hafstraumum við Ísland. Í framhaldi að bera hans skoðanir á hafstraumunum saman við útlistanir Jonas Damssbo á golfstraumnum á Tv2.dk. Straumurinn fer norðaustur með Íslandi og sekkur dýpra þegar hann mætir köldum Grænlandsstraumi. Allt sjónarspilið er með ólíkindum og álíka órannsakað og gosið við Litla Hrút? Samvinna Dana og Íslendinga á rannsóknarsvið hlýtur að vera fyrir hendi þótt tilvitnanir séu sóttar í Nature vísindatímarit.

 

 

"af Jonas Damsbo

De nordatlantiske havstrømme er før brudt sammen, hvilket har resulteret i større eller mindre istider.

Forskere forudser et koldere Europa og varmere troper om 30 år.

Det viser de dystre klimaberegninger foretaget i et nyt studie fra Niels Bohr Institutet og Institut for Matematiske Fag på Københavns Universitet.

Boða stöðvun hafstrauma við Ísland

Meistari Kjarval og fundurinn. Samstaða leiðtoga

Fjölmiðlar breytast ört og fárið mikið. Netöldin tekur miklum breytingum á hverju ári. Verður gervigreindin til að gera endanlega út af við blöðin eða endurreisa þau í nýju umhverfi? Hvað stendur upp úr sem sannleikur er tvíbent. 

Forsætisráðherra Breta taldi ekki ástæðu til að stoppa hér lengi við á toppfundi Evrópuráðsríkja. Viðveran innan við sex klukkustundir? Getgátur eru hafðar uppi um hvað hafi valdið? Ráðið för eða hversvegna hann hafi ekki borðað íslenska skyrið?Eitthvað þjóðlegt eða smáborgaralegt við þetta? Farið í fússi af landi brott eftir mikilvæga undirskrift?

Á blogginu er reynt að tortryggja eða snúa við staðreyndum.  Evrópuráðið sagt ætla að koma á fót nýjum stríðsglæpa dómstól? Fyrir löngu var kominn tími til að standa saman mót innrásum Rússa í nágranaríki.  Skráðar styrjaldir Rússa á einni og hálfri öld inn í nágrannaríki eru yfir eitthundrað.

Hvað eru menn að réttlæta? Þekkja yngri menn ekki glæpi Stalíns tímabilsins. Sjá menn ekki á skjánum eða heyra um skelfingu og grimmd einræðisherrans í Hvíta-Rússlandi? Nágranaríki Rússa óttast síendurtekna einræðistilburði þeirra, það kom skýrt fram á ráðherra fundinum. 

Rishi Sunak forsætisráðherra hefur augljóslega í mörgu að snúast. Tveimur dögum síðar birtist hann á sjónvarpsskermi á toppfundi suður í Arabíu. Þar var fyrir Biden forseti og  brosandi leiðtogi Ítalíu, Giorgia og fleiri fyrirmenni. Til að staðfesta enn betur samstöðuna meðal lýðræðisríkja fóru margir þjóðarleiðtogarnir til Japans.

Sunak er augljóslega þrekmikill maður og dugnaðarforkur sem vinnur vel fyrir sinn flokk og þjóð. Áður höfðu Bretar hafnað tveimur frambærilegum frambjóðendum í embætti forsætisráðherra sem áttu að koma versnandi efnahag landsins í lag. Á sama tíma og stríðþjáðri Úkraínu er sýndur veglegur stuðningur.

Íslenskir gestgjafar á fundi Evrópuríkja sýndu með sama hætti framtak sem verður lengi haft í minnum.  

Kjarval málari hafði mikla kímnigáfu og vissi að með léttum töktum gengi allt betur. Ungur að aldri sá ég hann í Listamannaskálanum í aðdraganda að sýningu. Konunnar sem voru að aðstoða við hengja upp myndirnar spurðu Kjarval í þaula hvaða hæð hann vildi hafa eina litla mynd. Eftir að hafa fært hana upp og niður nokkra stund fyrir framan Kjarval sagði meistarinn: Príma og gekk í burtu. 

Verk Kjarvals munu standa fyrir sínu um ókomna framtíð. Misjafnlega útfærð en öll góðar minningar um óviðjafnanlegan listamann sem fórnaði sér fyrir listina. Hver dráttur í mynd eða litur í málverki hans var sannur gleðileikur þess sem sér lífið með innihaldi hins sanna listamanns. Þess sem vill að við sjáum fegurðina. Í litum og ljósbrigðum sem birtast okkur á hverjum degi. Ljóslifandi myndir sem eru ávarp um hið góða í lífinu.

Jón Magnússon er með skemmtilega sögu af Kjarval á bloggi sínu 18. maí. Þær eru margar sögurnar og gott verkefni fyrir þá sem vilja skrá betur sögu meistarans.

Lasta Kristersson og lofa Katrínu

Veðurfréttir í vámánuði? Lofa skal leiðtoga

Það eru margir sunnudagsprestar í flokkunum, þeir sjá leikfléttu í hverju skrefi hjá þeim sem standa vaktina. Dómsmálaráðherra Jón Gunnarsson er ódeigur við að velta málum upp og fá skýra stefnu fram. Einn gagnrýnandinn orðaði það þannig að ríkisstjórnin væri eyðslustjórn og með buxurnar á hælunum. 

Sá hinn sami er að taka til í sínum garði, minnka hraðann á prentvélunum. Hlusta á sannindi sem blöstu við fyrir löngu. Ekkert verður til úr engu, sviti, tár og endurskoðun er það sem flestir læra að þurfi til að ná árangri. Að tala mannalega um varnir og vöktun þarf til að búa fámenn í Norður-Atlandshafi? Lágmarks flugfloti er nauðsynlegur til að tryggja öryggi og þjálfun. Áður voru þyrluslys tíð en með betri tækjum, aukinni þjálfun og öryggisreglum er sá tími að baki. 

Hvort slönguvélin TF-Sif sé það nauðsynlegasta í breyttum heimi, þegar mörg fyrirtæki geta boðið upp á þá þjónustu sem hún kann að veita er ákvörðun fyrir Gæsluna og pólitískan yfirmann hennar. Merkilegt er að landamæraeftirlit á höfunum skuli ekki vera meira tengt starfseminni á Keflavíkurflugvelli. 

Það hefur komið í ljós í óveðrunum í vetur að þótt millilandaflugvélar geti lent fullar af farþegum komast þeir ekki útúr vélunum fyrir veðurofsa. Aftur erum við áminnt um að við búum á við eitt mesta veðravíti á norðurhveli. Framundan er sá kafli þegar veðurhæðin verður hvað mest.

Aðeins með umræðu og vangaveltum fram og aftur er hægt að breyta stöðunni. Láta flugvélarnar aka inn í veðurskýli og láta farþega fara út á upphituðu svæði. Síðan fara áfram neðanjarðar í lest til flugstöðvar? Ein hliðin á peningnum sem á að tryggja öryggi? Til þess þarf ráðamenn sem þora eða samheldan hóp sem tryggir málinu eftirfylgni.

Varað við vondu veðri og stormi um allt land

Mikið jarmað og slysalaus stórhríð

Margar athyglisverðar fréttir af veðri og færð í dag. Enn og aftur áminntir um að við búum á Íslandi og því verður varla breytt. Sama hvað miklar kröfur eru gerðar um tækjabúnað og snjómokstur til að halda leiðum opnum. Ekki nægir að moka brautir ef ferðamenn komast ekki úr eða í flugvélar.

Fólkið sem vinnur sleitulaust við að halda vegum og brautum opnum í stórhríð og frostveðri vinnur ótrúleg afrek. Ferjar fólk á milli staða þar sem aðeins stór tæki og torfærubílar komast. Blindhríð á Reykjanesbraut og við Keflavíkurflugvöll fyrr í vikunni var látlaus og óvenjulega há veðurhæð. Í Reykjavík var nánast logn þegar linnulaus stórhríð og snjóveggur var suðvestan Kúagerði.

Öll tiltæk snjóruðningstæki, logregla og björgunarsveitabílar reyndu í hríðinni að koma starfsmönnum og fleirum suður á flugvöll. Starfsmenn Isavia og ruðningsmenn á stórvirkum tækjum mokuð látlaust vegi alla þriðjudagsnóttina við flugstöðina. Flugleiðamenn í eldhúsi flugvallar veittu farþegum í flugstöðinni sem áttu bókað flug máltíðir. Ferðamenn misjafnlega búnir fyrir stórhríðaveður sýndu nær allir einstaka þolinmæði eins og þeir væru innfæddir Grænlendingar. Einstök upplifun fyrir aðra.

Alvanalegt var að farþegar Icelandair á leið til Grænlands þyrftu að bíða eftir að krappar lægðir gengju yfir á hótelum í Reykjavík. Allt á kostnað flugfélagsins? Grænlendingar eru vanir að þurfa að bíða sólarhringum saman eftir að lægðir gangi yfir. Kanada og Bandaríkjamenn þekkja veðurham á norðlægum slóðum og alvanalegt er að umferð teppist við norðlæga flugvelli vegna snjókomu.

Það er því snautlegt að heyra ákveðna hópa blaðafulltrúa og kjörna alþingismenn halda uppi kröfum um að allt eigi að vera betra í hinum ófullkomna heimi. Lofa meiru en hægt er að standa við.

 

„Ljóst að tjónið er mikið“

Ullarsokkar og blóðidrifin slóð einveldis

Sanna Marin forsætisráðherra er skelleg og ákveðin þegar hún varar við hættunni í austri. Rússar hafa verið óútreiknanlegir og ráðist inn í nágranaríki þegar minnst varir. Þannig hefur á gengið í gegnum aldir og er hluti af einræðisstjórnarfari þar sem barist er hatramlega um völd á bak við tjöldin. 

Finnar þekkja árásarstefnu Rússa og hafa barist hetjulegri baráttu til að viðhalda landsvæðum sínum og frelsi. Annálaðir fyrir þrautseigju þegar lítinn utanaðkomandi stuðning var að fá. Með sama hætti hafa baltísku löndin mátt þola óbilgarna árásastefnu úr austri. Eldri kynslóð á Íslandi ólst upp við að lesa bækur um ógnir og árásir Rússa sem fluttu hluta íbúa Eystrasaltslandana til Síberíu og í Gúlagið. Almenna bókafélagi gaf bækurnar út og varaði þannig við rússneska Birninum.

Jón Baldvin utanríkisráðherra þekkti þessa sögu og Davíð Oddsson þýddi sumar bækur bókafélagsins, þeir vissu því hvað var í húfi. Við hverju var að búast þegar viðurkenna skyldi rétt Eystrasaltslandanna til sjálfstæðis og fullveldis. Í tvígang höfum við séð Sanna Marín ræða við íslenska ráðamenn. Ekki ólíklegt að hún hafi viljað leggja áherslu á við styddum fullhuga umsóknaraðild Finna að Nató. Seinagangur við afgreiðslu umsóknaraðild Finna og Svía að varnarbandalaginu er með ólíkindum og endurspeglast í ummælum Marin í Ástralíu um bandalagið.

Á öðrum stað í Mbl. bloggi í dag reifar Birgir Loftsson sagnfræðingur fátæklega þátttöku Íslands í varnarbandalaginu. Undir slagorðinu að hér skuli búa herlaus þjóð um aldur og ævi  er ákveðinn feluleikur sem gengur ekki upp. Lengi var hægt að hafa til afsökunar að hér búi fámenn þjóð í stóru landi, en ekki lengur hjá þjóð sem er með mjög háar þjóðartekjur á hvert mannsbarn.

Á meðan við þurfum ekki að eyða fjármunum í her gætum við stutt betur við bræður okkar í Úkraínu sem berjast við eitt öflugasta herveldi heims. Að hægt sé á netöld að ráðast inn í nágranaríki og láta öflugar nútímasprengjur rigna yfir íbúa er með ólíkindum.

Gott og gilt er að gefa ullarföt, prjónaðar af íslenskum mæðrum. Hinar bestu flíkur Íslendinga í gegnum aldirnar sem undirstrika að þjóðin komst í gegnum sínar myrkustu aldir með þrautseigju og aðstoð sauðkindarinnar. Betur má ef duga skal og kominn er tími til að sína stuðning sinn við lýðræðið í Evrópu. Sýna stuðning við kalda og stríðsþjáða þjóð, Úkraínu með verulegum fjárframlögum. Um leið sýna Bretum og Bandaríkjunum að við metum áhuga þeirra og framlag til varna Íslands. Gegnum heimstyrjöldina og allar götur síðan.

 

„Við værum í vandræðum án Bandaríkjanna“

Langur loforðalisti og nú þjóðarhöll.

Ekkert nýtt, annað en að staðurinn er fundinn og er við áformaða íbúðahúsabyggð. Suðurlandsbautinn verður því engin breiðgata með grænum pálmum í miðjunni eins borgarstjórnin var að gæla við? Í fréttinni er ekki sagt frá því hverjir fjármagna og ólíklegt að knattspyrnumenn nái miklu í kassann, nema með frjálsum fjárlögum og poti. Álíka dæmi og þegar Bændahöllin var fjármögnuð.

Vegamálaráðherra er sérlega loforðagjarn, lofar Sundabraut og enn tvöföldum tveggja akbrauta við álverið í Hvassahraun. Vegurinn er sagður á teikniborðinu og tvöföldun vegar lofað í mörg ár. Vegakaflinn er einn sá hættulegasti á Suðvesturlandi. Hann er framhald af tvíbreiðum veg ofan við Hafnarfjörð sem var góð framkvæmd á sínum tíma. Veginum við álverið átti að vera lokið fyrir löngu, en enn er óvissa um framkvæmdalok, líklega vegna þess að svo mörgu er lofað og fjármagni er of dreift. Tvíbreiður vegur alla leið að Leifsstöð er ein hagkvæmasta opinbera framkvæmd sem fyrir finnst á landinu. Honum átti að ljúka fyrir nokkrum árum en fjármagn en skammtað,en aðgengilegt erlent lánsfjármagn á lágum vöxtum til margra ára á að fást til arðbæra framkvæmda. 

Þar að auki hefur ríkisstjórnin sem nú situr sett í framkvæmd meiri opinberar nýbyggingar undir gæluverkefni til að hýsa allt allt að 20% fleiri starfsmenn en voru fyrir áður hún tók til starfa. Það eru ekki bara "teneferðir" sem hrjá stjórnendur Seðlabanka heldur er of mikið óbeislað innstreymi af nýju tekjum sem ekki voru fyrirhugaðar í óarðbæra eyðslu. Milljarðar rekstartekjur frá Landsvirkjun og sala á ríkisbönkunum fara allflestar í misjafnlega arðsamar framkvæmdir. Auk þess eru hærri skatttekjur en aldrei fyrr, þar er launaskattur af ferðaþjónustu drjúgur. Ferðamenn koma með enn meiri tekjur í ríkissjóð en búist var við, atvinnugrein sem tekur við sér fyrr vegna skynsamlegra aðgerða fjármálaráðherra í Kóvit. Á sama tíma er eitt glæsilegasta hótelið í höfuðborginni lagt undir nemendur og háskóla. Ígildi stærðar ferðamannaskips / nýtízku togara sem kemur ekki lengur inn með gjaldeyri í þjóðarbúið. Á sama tíma er fjárlagahalli hjá ríkissjóði. Lítið lagt til mögru áranna í sjóð eða til arðbæra nýframkvæmda til að jafna tekjur þegar mögru árin koma. Framkvæmdir við virkjanir og raflínuframkvæmdir eru t.d. í lágmarki. Enn aftur eru hagsmunaaðilar sem ráða för, vegferð sem stjórnmálamenn virðast illa ráða við nema í vinsældakeppni. Ástæða er til að hafa áhyggjur þegar litið er til fyrri tíma. 

Lengi vel var forsjáll fjármálaráðherra með lykillinn að farsælu ríkisstjórnar samstarfi sem átti að endast út kjörtímabilin. Ekki eru flokksmenn að tefja för eins og gert varí hinum breska íhaldsflokki. Gengur nokkuð vel meðan peningar eru í kassanum og brosið breitt.

Liz Truss þótti ekki traustverðug í fjármálagerningum. Ekki jókst það þótt hún sagðist bardagakona. Boris Johnson var búinn að oflofa eins og Tony Blair. Öll urðu þau að fara frá vegna þess að þau réðu ekki við fjármálin eftir gandreið. Þá kom aftur fram á sviðið forsætisráðherraefni. Rishi Sunak, snaggaralegur og rólegur. Lítt málgefinn forsætisráðherra, en með reynslu úr fjármálaheiminum. Kemur úr fjölskyldu innflytjanda og telur betra að framkvæma en eyða tímanum í málþóf og vinsældarkeppni, heimsækja Úkraínu og veita aðstoð. Rekstramaður sem er málefnalegur "nýbúi" og getur losað íhaldsflokkinn úr sjálfsheldu.

Nafnabrengl, eitthvað sem koma skal?

Ýmsu má eiga von þegar Veðurstofan er í útsendingum eða eru aðrir að breyta aðgengi að veðurspám Veðurstofunnar? Brenglað aðgengi að veðurspá í myndlíkingu undir vedur.is, veður.is? Er sagt stafa frá risa í umbrotum sem heitir Twitter. Miðill sem sagður er í skuldavanda eða vanta enn meiri auglýsingatekjur líkt og RÚV? Í Ríkisjónvarpinu eru veðurfréttir oftast auglýstar kl. 19.30 en eru í reynd aldrei á auglýstum tíma. Í snjallsímum birtast veðurfréttir oftast á forsíðu frá erlendum miðlum sem bera heiti á ensku. Hrakningar Veðurstofu Íslands eru því orðnar umtalsverðar og sjaldan er að vita hver uppruni veðurfrétta er.

Bretar leggja áherslu á að veðurfréttir nái til sem flestra á réttum tíma. Hjá sjónvarpi BBC, ríkissjónvarpi eru þær fyrir heilan og hálfan tíma. Afar skýrar og tíðar myndir af ferð Atlantshafslægða. Á yr.no eru veðurspár fyrir íslenska staði aðgengilegar allt að tíu daga fram í tímann. Veðurstofan er komin langt frá upphaflegum tilgangi sínum og stór hluti tekna kemur frá tilfallandi verkefnum sem oftast greiðast af sjóðum í umsjá ríkisins.

Frétt Mbl: Veðurstofan varar við eftirlíkingu 

 

Veðurstofa Íslands / Icelandic Met Office

 

@Vedurstofan

 

 

Replyingto

@vedurisl

Við

@Vedurstofan

biðjum vinsamlegast um að

@vedurisl

breyti nafni, merki og myndnotkun reikningsins. Höfum ekkert á móti áhugsömu fólki sem vill tísta um veður, en ekki að það sé gert í okkar nafni og undir fölsku flaggi.

Translate Tweet

Veðurstofan varar við eftirlíkingum

Flóttabörn og hraðlæsi. Leikarar með athyglisgáfu

Fyrsti sálfræðingurinn sem ráðinn var til Melaskóla var nýkominn frá námi í  Þýskalandi. Hann tók við okkur lesblindu börnunum í viðtalstíma og lét okkur leika með kubba og trémyndir. byggja brýr og hús. Allt á góðu nótunum og ég man að mér fannst upphefð í því að fara í viðtalstíma við ungan, lærðan mann.

Það var mikill léttir fyrir foreldrana að heyra að barnið gæti lært allt og hraðlæsi næðist seinna. Lesskilningur með lærdómi og þroska. Besta ráðið var þá að flytja hina treglæsu nemendur á milli bekkja. Gat leiðin legið úr B bekki í A, þaðan í C eða E. Losnuðu þá viðkomandi kennarar við hina hægfara og gátu haldið uppi hraða í lestímum. Leshraða til að komast yfir ákveðið magn bóka?

"Lesblindu" börnin sem voru misjafnlega hraðlæs notuðu tímann við að uppgötva og settu upp spurningamerki. Skildu lítið í þessum bekkjaflutningum. Önnur sem vantaði tilbreytingu og fjör gerðu grín að kennurunum ef ekki annað var tiltækt.

Mörg voru svo færð upp bekkja stafrófið áður en þau fóru í landspróf. Þar var einn ágætur kennari framsóknarmaður og borgarfulltrúi Kristján Benediktsson á leið minni, vildi hann öllum sínum nemendum vel. Hvort hann hafi uppgötvað hverskonar háska hraðbraut var framundan veit ég ekki. Landsprófið reyndist nemendum misjafnlega vel og aðrir lentu þar í kviksyndi hraða og stagls, beina braut út á sjó. Blindgötur eru margar í menntakerfinu eins og víða annars staðar og mörg flóttabörn.

Hef heyrt að velmeinandi barna og menntamálaráðherra ætli nú að umturna öllu mentakerfinu í leit sinni að hinum rétta sannleika. Nú sé von að leysa megi hnúta og þá verði að skipa nýja menn til að umbreyta. Veit ekki hvort Ilmur leikkona eða aðrir ólíkir leiksjáendur séu sammála, en víst er að kennsluvísindin hafa ekki uppgötvað allan sannleikann. 

Ilmur reif blaðið frá skólanum

Bræðralagið flokkur Giorgíu Meloni

Það þættu tíðindi hér ef flokkur einstæðra móður næði yfir 25% fylgi í kosningum. Merkilegt við Bræðralag Ítalíu, hins nýja hægri flokks er að stofnandinn hefur verið ráðherra í ríkisstjórn Berlusconi. Yngsti þingmaður Ítalíu 2008, þá þrjátíu og tveggja ára og þótti standa sig vel.

Að hún fari fram með eigin flokk nú bendir til að hún ætli að ná enn lengra og taka með sér enn meira fylgi óánægðra kjósenda. Kjósendur sem koma úr öllum stéttum þjóðfélagsins. Silvio Berlusconi, nú 85 ára náði að mynda ríkistjórn fjórum sinnum undir merki flokksins Forza Italia: Fram Ítalía , óvenju þrautseigur stjórnmálamaður sem enn mun væntanlega mynda ríkistjórn með Meloni?

Stríðið í Úkraínu kann að breyta miklu um hug kjósenda á Ítalíu, sem óska eftir tryggu heimalandi og öryggi fjölskyldna. Hvar væntanleg ríkisstjórn Meloni tekur stefnu í utanríkismálum er ekki nákvæmlega vitað, en trúlega forðast Meloni að binda sig böndum með hægristefnu sem höfða til fárra.

Liz Elizabeth Truss forsætisráðherra Bretlands og Meloni eiga það sameiginlegt að vera á svipuðum aldri. Fara báðar fram á hinn pólitíska völl ótrauðar fullar af sjálfstrausti. Eiga enn eftir að fara í gegnum pólitíska eldskírn á erfiðum tímum og raska ró vinstri manna.

 

Bræðralag Ítalíu leiðir í útgönguspám

Pistlahöfundar í öngstræti. Fagurt sólarlag í Hvalfirði

 

Keikur Skúli Mogensen tekur upp pennann vegna skrifa laugardags pistlahöfundar í Fréttablaðinu. Sturluhátíð virðist vera upprunninn á Fréttablaðinu og gengur í gegnum alla leiðaradálka blaðsins. Frítt borð til að hakka í sig þá aðila sem sem eru skapandi og ögra. Alltaf mistekst einhverjum og verður fótaskortur og þá er oft látið vaða í liggjandi manninn.

Góður gangur baðlóns í hrauninu var undanfari þess að hægt var að halda áfram útgáfu fríblaðs, en auglýsingatekjur, aðallega frá sjálfstæðum félögum hafa borið uppi mestan kostnað við blaðið, þar á meðal frá WOW flugfélögum. Enginn skyldi fleipra um áhætturekstur sem fylgir flugi. SAS, Norwegian og ótal fleiri stór og smá. Flugfélag Mogensen var undanfari þess að ýmis fyrirtæki tóku að blómstra og þar náði ferðamennskan og Bláa lónið einum hátindi. Enginn skákar útbroti í heilu eldfjalli, endurvakinni eldstöð.

Ríki og bæjarfélög, ásamt hjálparsamtökum leggja sitt að mörkum til að flestir geti notið sjónarspilsins við eldstöðina í Meradölum. Enginn fer í grafgötur með að það kostar að bjóða upp á farsæla leiðsögn dag og nótt. Án forspils Skúla Mogensen með vogun vinnur væri þessi einstæði möguleiki, að gefa sem flestum tækifæri á að sjá einstæðan náttúruviðburð í öllu sínu veldi ekki að skila sér í farsælu samstarfi einkaaðila og hins opinbera. Sem betur fer skila ferðamenn miklum virðisauka og gerir framtak opinbera þjónustuaðila kleift að fjármagna það sem fyrr var ókleift? Ekki má gleyma því að nokkur eldfjallaríki, eyríki þar sem gos eru tíð hafa lokað fyrir aðgang ferðamanna að eldstöðvum vegna fámennis og getuleysis.

Fyrir margt löngu stofnaði Mogensen Lyfjasali Garðsapótek, það þótti talsvert framtak á sinum tíma þegar banka þjónusta var 3 mánaða víxillán. Mogensen heitinn var brosmildur og öðlingur góður, örvaði okkur strákana í leik og starfi. Á sama tíma og Mogensen var að stofna apótek í Sogamýrinni var ég að koma á fót byggingaverslun. Það var mikill uppörvun ungum sjálfssprottnum fyrirtækjamanni að fá heimsókn borgarstjóra í verslunina á sama tíma. Auk heimsókna listamanna og skálda, orðháka þess tíma. Mörgum finnst það ef til vill barnaskapaur að hugsa hlýtt til fyrirmenna þegar þeir líta inn. Allavega ekki í Höfða. Geir Hallgrímsson kom víða við og var ötull, hlífði hvergi sjálfum sér við að auka fylgi Sjálfstæðisflokksins með borgarafundum og heimsóknum. Mesta fylgi sem Sjálfstæðisflokkurinn hefur fengið fylgdi á eftir, ef mig minnir rétt.

Það er ekkert að því að heimsækja Dalahátíðir sem leiddar eru með vinskap við rétta stjórnmálamenn, en þegar hinir ekki réttu baða sig í heitum sjó innarlega í Hvalfirði er eins og skrattinn sé uppvakinn hjá ákveðnum pistlahöfundum. Undur íslenskra náttúru er einnig að finna í Hvalfirði þar sem sjósund voru iðkuð af forngörpum. Fátt er eins fallegt eins og sólarlag og upprisa sólar innarlega í Hvalfirði. 

Frosin jörð í Reykjavík