Ekkert bóluefni, engin smit? Nóg komið af sviðsljósi

Íslensku ríkisstarfsmennirnir ættu að láta Innkaupastofnun sjá um öll kaup á lyfjum. Þar er kunnáttan væntanlega fyrir hendi og óþarfi fyrir lækna að vantreysta sínu fólki? Nema þeir vilji sjálfir vera í sviðsljósinu. "díla og víla."

Samherjamenn hefðu eflaust getað gert betur væru þeir í náðinni og hér væru komin bóluefni fyrir alla er vilja hefðu þeir ráðið för? Þá væri nóg af bóluefni og smitvarnarlæknir ánægður? Engin vissa væri samt sem áður að hingað kæmu túristar í breiðþotum eða að íslenskir ferðamenn færu frjálsir ferða sinna í útlöndum.

Þegar að því kemur verður líklega búið að sigrast á ótal afbrigðum veirunnar. Fyrst búið er að koma í veg fyrir smit að mestu hér á landi er best að að stíga varlega til jarðar og bíða átekta, en ekki að fara út í nýjar tilraunir.

 

 

 

Pfizer fílaði ekki pressuna

Margar góðar greinar í föstudags Morgunblaðinu

Viðtöl við ungt fólk sem hefur tileinkað sér nýjan lífstíl, íþróttir og hreyfingu. Efni sem undirstrikar hvernig má fá aukið þrek til að mæta meðal annars óvæntum "veirufjanda" eða þegar fækkun vinnustunda blasir við. Nóg efni til aflestra á þrettándanum. Fer vel á því á stórstreymi og í byrjun Níuviknaföstu. Ekki að sjá að framundan sé neinn blaðadauði fyrir þá sem fylgjast með tíðarandanum.

Á opnu er áminning um einelti sem byrjar smátt og endar með skelfingu, voða sem virðist fylgja mannskepnunni. Við hvert fótmál getur verið kelda eða saklaust lón sem opnast þegar minnst varir. Helgi Pjéturss náttúrufræðingur kunni að lesa í landslag og skýra umbrot sem höfðu myndast á mörgum öldum. Hann var fagurkeri á málnotkun og ritaði vísindagreinar sem er sígildur lestur.  Sagan er ólygnust og gott að hafa hana í huga þegar menn ætla að taka fjöreggið, land hálendis, bænda og útilífsfólks sem hefur gert sér far um að skoða árlega töfra landslags og veðurbrigða. Land, himinn og haf sem boðað er að fari undir fámennis auðlindastjórn. 

Í blaðinu er komið inn á bankasöluna, atvinnu og fjármálastefnuna sem er óþrjótandi úrvinnslugrein hjá þjóð sem vill fara hratt yfir. Bankamál eru dæmi um viðfangsefni sem illa hefur tekist að höndla. Stjórnvöld og Alþingi hafa dregið að samrýma regluverk um fjármálastarfsemi því sem gerist á Norðurlöndum og Evrópu. Í eina tíð áttu togarar að leysa allan fjárhagsvanda þjóðar áður en tekist hafði að færa út landhelgina. Gjaldþrot eftir stríð og stríðsgróða minnir á hversu erfiðlega hefur tekist að búa til heildstæða löggjöf um banka. 

Kaupmaðurinn og alþingismaðurinn á staðnum var sá sem leysti málið farsællega. Allt frá byrjun tuttugustu aldar var stækkun á opnum vélbátum, samvinna sjómanna, sparisjóða og kaupmanns. Hundrað árum seinna þegar selja á lítinn hlut úr ríkisbanka tvístíga menn. Hlutur ríkisbankanna af fjármálamarkaði er talinn um 70% af veltu. Þeir hafa komist upp með að  vera í óbeinni samkeppni við viðskiptavini bankanna. Eru með stjórnarmenn í sjóðum sem eru í hótelrekstri, byggingu íbúða og fleiru.

Einn greinahöfundur föstudagsblaðsins, Vilhjálmur Bjarnason hefur komið inn á þessi mál. Í einum pistli hans í haust mátti lesa eftirfarandi: "Það fylgir trúnaðarsambandi banka og fyrirtækis að bankinn stendur með fyrirtækinu í gegnum erfileika, á grundvelli raunsærra áætlana um framtíðina." Ekki ósvipað og Landsbankinn reynir nú með því að afskrifa hundruðin milljóna og bjarga VHE vélsmiðju og byggingafélagi fyrir horn.

„Þetta er ástæðulaus ótti“

Ekkert grímugrín. Vel meinandi ráðherrar

Mikill og góður árangur í veiruvörnum líkt og hjá fámennum nágrönum. Færeyingar, Grænlendingar og Ísland á toppnum. Samt sem áður vantar eitthvað eða erum við einungis síóánægð? Krafa er um enn meiri sóttkví og einangrun í farsóttarhúsi á sama tíma og takmörkunum er aflétt.

Andstæðurnar eru miklar. Ekki er langt síðan ráðherrar í ríkisstjórninni kröfðust þess að stjórnendur á Filippseyjum yrðu rannsakaðir vegna ofbeldisbrota að frumkvæði Mannréttindanefndar Sameiniðuþjóðanna. Eins og til að sanna að hér byggi friðelskandi þjóð sem væri í forystuhlutverki. Vakandi yfir mannréttindum í Asíu, rétt eins og í heimalandinu? 

Vantar virkilega heimildir til að handtaka fólk og fara með það í yfirheyrslur að nóttu til eins og lesa má í endurteknum fréttum dagsins?

Hér hefur verið vani að handtaka fólk í skammdeginu og boðsenda ákærur eða niðurstöður á rannsóknum að kvöldi. Desember og dagarnir fyrir jól hafa verið sérlega vel nýttir í þessum efnum. Tryggvi Rúnar Leifsson var handtekinn á Þorláksmessu fyrir 45 árum. Ungur maður, settur saklaus í 600 daga einangrun og dæmdur til langra fangelsisvistar. Nærri 40 ár liðu þar til hann fékk leiðréttingu mála. Arnar Þór Stefánsson, lögmaður ritaði athyglisverða grein um val á dómara í máli samfanga Tryggva í mars 2020 þar sem bótakröfu var hafnað. Fáránleikinn tvímálaður.

Kolbrún Bergþórsdóttir blaðamaður var með grein í Morgunblaðinu 2010 sem hét "Vel meinandi mannfyrirlitning." Pistli hennar lauk þannig "Það ber að fagna því að í embætti umboðsmanns Alþingis sé hugsandi maður sem er ekki tilbúinn að ganga braut rétttrúnaðar þar sem einstaklingar eru hiklaust sviptir persónufrelsi vegna óljósra heildarhagsmuna.

Vafalaust finnst mörgum að innrás eins og sú sem gerð var í Tækniskólann hafi verið ósköp saklaus vegna þess að tilgangurinn hafi verið góður og þeir sem stóðu fyrir þessum gjörningi séu vel meinandi."

 

 

„Við verðum að fara mjög varlega“

Jarðföll á Seyðisfirði og í Noregi

Náttúran er óvægin og kemur alltaf á óvart. Umræðan í Noregi eftir jarðfallið í Noregi er víðtæk og almenn. Gæti gagnast Íslendingum ef þeir færu í svipaða naflaskoðun. Sakna að sjá ekki greinar frá jarðfræðingum sem gætu varpað ljósi á hvað skeður þegar skriður fara á stað.

Dr. Helgi Péturss náttúrufræðingur gat lesið í landslagið hvort sem var norður við Diskó eða á Rangárvöllum. Hann sá hvernig ísaldarjökullinn hafði farið um velli og hlíð og flatt út há fjöll. Helgi kom þessari þekkingu áleiðis með skrifum og greinum. Útvarpsstjóri Vilhjálmur Þ. Gíslason sá um prentútgáfuna til almennings nokkrum árum eftir dauða hans.

Virðing Helga fyrir náttúrunni var undraverð og hann lagði sig í framkróka til að læra af innfæddum sem byggðu bæi sína á granít klöppum út á nesjum. Í Noregi fer fram ígrunduð umræða um hvað átti sér stað við Ask. Hvað var það í jarðveginum, efnasamsetningunni þarna sem losaði um leirinn eða olli skyndilegu jarðfalli um nótt.

Margar skriður falla hér árlega og hluti af húseigendum í fyrirtækjarekstri greiða milljarða í ofanflóðasjóði á hverju ári sem á að fara í varnarvinnu. Hvernig því fjármagni er varið er talsvert á huldu og ekki nægilega sýnilegt. Ánægjulegt að vita til þess að ríkisjóður geti styrkt vel við endurbótastarf. Nauðsynlegt er samt sem að íbúar komi meira að málum og geti betur ákveðið hvar þeir vilja búa. Þá eiga fyrirtæki á staðnum að geta séð hvað af ofanflóðapeningum er varið í héraði.

Smit kom upp í Gjerdrum

Dauðadeildin í utanríkisráðuneytinu og styttri lífaldur

BSRB sem stýrt er af vinstrimönnum og marxistum hafa náð samkomulagi um styttingu vinnuvikunnar í 32-36 stundir. Ekki hefur farið mikið fyrir þeirri umræðu í samfélaginu en venju samkvæmt er hún fordæmisgefandi. Fjármálaráðherra hefur verið borinn ofurliði eða er flokkurinn sammála þessu? Hér er væntanlega kauphækkun upp á tugi prósenta því venju samkvæmt fylgir styttingu vinnuviku aukin ómældur kostnaður. Síðar veldur hann fækkun verkefna, atvinnuleysi eða verðbólgu. VR og Samtök atvinnulífsins hafa áður sýnt sama ábyrðarleysi. Enginn af þeirra mönnum eru kosnir  af kjósendum til að stjórna og ákveða, aðeins kosnir af fámennum hópi félagsmanna.

Venjulega eru tvær hliðar á peningnum, en hér er peningurinn ferhyrningur teningur og einstakar hliðar koma aldrei upp fyrr en menn eru dauðir. Í "útlegðarútvarpinu vinsæla" Útvarpi Sögu fljóta gjarnan setningar ef ekki perlur sem ekki ná upp á yfirborðið og verða aldrei sýnilegar vinstrimönnum allra flokka. Fyrrverandi formaður Alþýðuflokks og utanríkisráðherra gat þess í morgunþætti, í samtali við dóttur sína Kolfinnu að inn í sölum utanríkisþjónustu væri til "dauðadeild." Hljómar eins og setning úr bók Franz Kafka. Hvað hann átti við nákvæmlega kemur eflaust fram í næsta spjalli. 

Jón Hannibalsson vakti á því athygli á þingi að það saki ekki að gera viðskiptamál skemmtileg til að ná áheyrn. Rétt er að debit og kredit er mest tvíhliða reikningur, en nú hefur talvan magnað upp  excel reikningssniðmát sem má teygja út og suður allt fram að dauða. Augljóst er að VG menn búast ekki við að vera í stjórnarforystu til eilífðarnóns samkvæmt flýtimeðferðinni á styttingu vinnutíma.

Jón fór tiltölulega ungur út úr stjórnmálum, aðeins 56 ára eins og fleiri flokksbræður hans að vestan. Reynsla hans og áræði kom sér vel fyrir Ísland og Eystrasaltslöndin sem áttu sér fáa vini á Vesturlöndum þegar á reyndi. Vináttan við hersettu löndin í Eystrasalti hófst af alvöru í utanreikisráðherratíð hans 1988-1995. Eftir að hafa látið af stjórnmála störfum var hann í víking í erlendum háskólum. Skólaganga hans í vinnumarkaðshagfræði hefur eflaust sett mark á hans lífsstarf. Hefði hér verið öflugur og rótgróinn jafnaðarmannaflokkur hefði skilningur af aðgerðum BSRS verið dýpri nú með reynslu og stuðningi Jóns innan flokksins. Nú er tízka að velja unga efnilega lögmenn og reynslulitla í ráðherraembætti sem síðar getur reynst bjarnargreiði við viðkomandi í völundarhúsi flokksstýrða dómsmála.

Margir verða vitni að því að samtímamenn þeirra sem hafa unnið við skrifstofustörf deyja fyrir aldur fram þegar þeir hætta að vinna. Fara að "slappa af," spila golf eða leika sér í sumarhúsi. Ennfremur að uppgötva að tilviljakenndar lífeyrisgreiðslur lenda oft hjá ríkissjóði.

Þeir deyja ungir sem ekki lifa frjálsir segja þeir langlífu fjárbændur á tíræðisaldri suður í Kákasusfjöllum. Hæfileg iðjusemi, hreyfing, barnafjöldi og langur giftingaaldur auka ánægjulegar lífsstundir sögðu hinir lífspöku fjallamenn. Þegar aðeins tveir af fjórum vísindamönnunum sem vildu greina þá náðu að komast upp fótstíganna til þeirra í bröttum fjallshlíðum. 

 

„Klárlega tímamót í okkar baráttu“

Bretar leggja áherslu á sérstöðu sína

Ósjálfstæði Lyfjastofnunar og ruglingsleg pólitísk afskiptasemi þýðir seinkun á bólusetningu. Hér eru ráðamenn, sóttvarnarlæknir og forstjóri dótturfyrirtæki AstraZeneca að hringja út og suður til að fá athygli. AstraZeneca er eina fyrirtækið sem býður upp á eina sprautu til að ná umbeðnum árangri, auk þess er afhending og meðhöndlun lyfsins auðveldari.

Bretar vilja auðvitað styðja við sína vísindamenn og iðnað sinn þegar hann getur gert betur til að auka öryggi og afhendingu. Þeir hafa og farið illa útúr faraldrinum. Ísraelar hafa náð bestum árangri í að tryggja landsmönnum bóluefni með samvinnu heilbrigðistofnana og innkaupateymis sem vinnur eins og vel smurð hernaðarvél.

Allt tal um að við eigum að nýta sérstöðu okkar utan bandalaga og  ESB þegar á reynir er fyrirsláttur, 

 

 

Vilja bíða eftir ESB

Bjarni saklaus. Fjaðrafok á netinu og ríkisstyrktum fjölmiðlum

Lýgveldið í allri sinni mynd? Lögreglan harmar að lög um persónugreiningu hafi verið brotin. Á eftir yfirlýsingu rekstraaðila salarins hlýtur að koma afsökunarbeiðni frá stjórnmálamönnum og ríkisstyrktum fjölmiðlum sem hafa krafist afsagnar ráðherra.

Margir í útvarpi og á netinu hafa viljað bera saman afsagnir ráðherra í stjórn Boris Johnson sem flaug til Skotlands á viðkæmum tímum. Sighvatur Björgvinsson sagði af sér fyrir mörgum árum sem heilbrigðisráðherra og enginn var bættari við þá afsögn? Mikilvægt er að stjórnmálamenn geti staðið af sér hríðarveður. Hér var um verslun að ræða sem láðist að biðja um grímuskyldu eða hafði ekki grímur aflögu fyrir gesti?  

Eftirtektarverð er að fyrirtæki og hægrimenn eru dæmdir mun harðar en vinstrimenn sem halda sig við ríkisjötuna. Ríkisstyrktir fjölmiðlar ganga á undan eins og siðferðispostular og forbanna, ef ekki búa til sögusagnir og að lokum heimta rannsóknir sem almenningur á að kosta.

 

Ekki hafi verið of margir í Ásmundarsal

Dularfullt og spókí

Hreinlyndi er kjörorð ríkisstjórnar samkvæmt túlkun forsætisráðherra. Allt sem getur sett blett á framgang samstarfsins ber að forðast. Safnhúsið á Skólavörðuholti er ekki eitthvað yfirgefið og dularfullt. Framandi  beinagrindarsýning sem er inniá You Tube. Listasafn einhvers óskilgreinds hóps? Þar býr ekki "mengele" skelfir Bragason sem er nefndur á netsíðum?

Hélt í sakleysi mínu að þarna væri listsýning fyrir nokkrum vikum því húsið var uppljómað. Lifandi safnhús eins og þegarr ASÍ sýndi verk úr safni Ragnars í Smára þarna. Varð hálf skeflur þegar ég var auðsjáanlega í yfirgefnu mannlausu húsi. Safnhús með kaffistofu og listaverkabókum á neðri hæð. Hélt þá að hin óvænta sýning væri á loftinu en þegar upp var komið var allt sveipað manngerði þoku, þannig að ég var fljótur að yfirgefa fyrrum lítið en athyglisvert safnhús. 

Eflaust verður allt upplýst um útgerðamenn og skipstjóra safnsins af lögreglu til að skýr mynd fáist á þessari seinustu grímulausri Kórvitgöngu. 

Málið skaði traust milli ríkisstjórnarflokka

Betlehemstjarnan skín og norðurljósin í kvöld

Trú á æðri mátt hvernig sem við viljum skilgreina hann er ákveðin lotning fyrir tilverunni. Fólki líður vel í hóp þar sem æðri markmið eru tilbeðin og fundnar eru leiðir til að virða hið yfirnáttúrulega og hið góða. Betlehemstjarnan er eitt slíkt leiðarljós sem lýsir skært á fjögurhundruð ára fresti þegar gasstjörnurnar Satúrnus og Júpíter skína skært saman séð frá jörðu.

í kvöld minnir bloggari, Þórdísi Sigurþórsdóttir á hana og fleiri trúarbrögð. Stjarnan er því miður ekki hátt á lofti í nótt á norðurhveli, 3° yfir sjóndeildarhringinn á Suðurlandi að sögn stjörnuskoðunarmanna. Úti eru norðurljós og sýna vel hve náttúran er gjöfull þeim sem geta séð þau rétt utan við manngerðu rafmagnsljósin t.d. í Heiðmörk.

Trúarbrögð ber að virða í hinum frjálsa heimi eins og lýðræðisréttindi. Öfga trúarmenn eru allstaðar litnir hornauga. Kínverska stjórnin er hrædd við að missa stjórnina því ýmislegt hefur mistekið og má ekki verða lýðnum ljóst. Sama má sjá hér í ýmsum málum t.d. þegar velja á dómara með því að meta ekki hæfni hvers og eins. Rannsóknarvaldið hefur oft verið falið og ekki hefur mátt yfirheyra vitni fyrir einstökum dómstólum. Allar þjóðir eru á ákveðni vegferð, misjafnlega sannfærandi. 

Jólastemning hjá skógrækt Hafnarfjarðar – myndir

Dögun sunnan Tvíbolla og sólris suðvestan við Hvirfill

Á morgun tekur dag að lengja og spáð er heiðríkju á Reykjavíkursvæðinu snemma morguns. Ef til vill tækifæri til að sjá Satúrnus og Júpíter saman lágt á himni. Allavega möguleiki að sjá gasstjörnurnar suðvestan Lönguhlíðar og Tvíbolla og aðeins 3°yfir sjóndeildarhring eins og segir í fréttinni? Sagt er að Betlehemsstjarnan hafi orðið til hátt á lofti á dögum fæðingar Jesúsbarnsins þegar sjónarhorn stjarnanna nálgaðist.

Í morgun var mikill litadýrð og ægifagur að líta sunnan við Vífilstaðahlíð. Mosagrónir hraunsteinar með hvítum blæð og morgunroði í suðri setur sterk litbrigði á umhverfið sem er girt stafafuru og greni. Þegar leið að hádegi sem er talsvert á undan sóltíma jókst birtan sem kom í gegnum ský og heiðríkju. Skýjahnoðrar suðvestan við Miðbolla gáfu til kynna að sólin myndist birtast ofan við Syðstubolla. Raunin var sú að hún kom upp vestan við Hvirfill, 621m þegar klukkan var langt gengin í eitt ( á nýjum kortum Kistufell 527m ). Sólin nær hápunkti ofan Lönguhlíðar og er þá eins og lítil glóandi fingurbjörg, en enn minni við fyrstu sýn. 

Margt er að breytast eins og áhersla á staðarnöfn á kortum sem hafa gilt um aldir. Nöfnum sem draga athyglina að atvinnuháttum og orðgnótt fyrri tíða manna. Sólrík morgunganga gefur gull í mund eins og orðtækið segir. Meiri sól hér en margir aðrir Norðurbúar hafa fengið í desember. Í Danmörk var lítill um sól og meir um rigningu en oft áður. Í Suður-Noregi, þungbúið. 17 stiga hiti á föstudag. Þótt ekki sé heitt þessa dagana er lengri sólargangur alltaf jafn velkominn.

Athygli vekur að bækur hafa verið skrifaðar í Svíþjóð um Betlehemstjörnuna og á Spáni er fyrirbærið þekkt þegar sjónarhorn beggja stjarnanna nálgast hátt á lofti. Við Miðjaðrahaf er drungi á veturna og allra veðra von í Eyjahafi. Íbúar þar hafa orðið jafn fegnir lengingu sólarstunda og hinir sem bjuggu norðarlega með töfra heimskautaveðurs.

Júpíter og Satúrnus þétt saman