Reyfarakennd atburðarás

Amerísk stjórnmál virðast taka óvænta stefnu þegar minnst varir. Af hverju rússneskir tölvuþrjótar? Obama þakklátur? Margur er knár þótt hann sé smár. Debbie Wasserman er snaggaraleg og tekur á sig ábyrgð á tölvupósti flokksmanna.

Hvað ef Trump sigrar í kosningabaráttunni og skilur Hillary Clinton eftir utangarðs. Þá hafa flokksmenn Demókrata tapað tvisvar. Bernie Sanders var á tímabili talinn líklegri til að sigra Trump. Trump er nú sigurstranglegur og vinnur á.  

Segir af sér vegna tölvupóstanna

Af hverju svona erfitt?

Fjölmiðlar ættu að getað glaðst yfir framtaki og áhuga Hollendinga á að reisa hér sjúkrahús. Nýr spítali getur breytt miklu. Skapað fleiri störf og létt álagi á ríkisreknu spítalakerfi sem hefur átt í þróunarerfiðleikum.

Hér er rekin frábær heilbrigðisþjónusta, en er nokkuð að því að hún sé aukin með nýjum spítölum. Þarf að draga fram gamlar Marxistaklisjur um að hér sé verið að ráðast á ríkisrekstur?

Hjartavernd er með aðstöðu í Kópavogi í glæsilegu húsnæði. Í Noregi er verið að reisa 30.000 m2 spítala fyrir hjarta og lungnasjúka. LHL samtök hjarta og lungnaveikra munu leigja spítalann sem staðsetur er við Gardemoenflugvöll.

Hér er atvinnufrelsi, takmarkað fjölmiðlafrelsi og ójöfn samkeppni. Stjórnmálamenn virðast eiga erfitt með að skilja það og veita RÚV sérstöðu og forgang á auglýsingamarkaði. Landspítalinn hefur sérstöðu í sjúkrahúsamálum, en hér eins og annarstaðar breytist hlutverk ríkisins, þótt hægt gangi.

Frumkvæði Mosfellinga í spítalamálum breytir stöðunni. Á fyrirhugaðri lóð er fallegt nær umhverfi. Reykjalundur rétt hjá þar sem áhugamenn í samvinnu við ríkið gera stórt í endurhæfingu. Ef það hentar að tala um sjúkrahúsmál undir rós verður svo að vera. Landlæknir kýs ekki að fara í feluleik um málefnið eins og stjórnmálamenn.  

 

Heyrði fyrst af áformunum í fréttum

Löngu tímabær tvöföldun Reykjanesbrautar

Tvöföldun brautarinnar var lofuð miklu fyrr. Nú eiga breytingar að taka 5-6 ár ef fjármagn er fyrir hendi. Hér er um eina arðbærustu vegaumbætur að ræða. Heppni er að ekki hafa orðið fleiri slys en raun er á, einkum við Straumsvík. 

Hér áður fyrr voru Suðurnesjamenn þeir sem stóðu vaktina og fylgdu eftir kröfum um umbætur. Nú er ekki aðeins bæjarstjórinn í Hafnarfirði að kvarta undan fálæti fjárveitingavaldsins. Fjöldahreyfing er að myndast til að reka á eftir aðgerðum.

Flöskuhálsinn í "vinkilbleyjunni" í Hafnarfirði á eftir að aukast og kalla á enn nýjar framkvæmdir. Jarðgöng eins og víða eru í Ósló. Sveitafélögin innan Reykjavíkursvæðisins hrópa á Vegagerðina, en gleyma oft að skilja eftir nægilegt rými fyrir slaufur, stokka og jarðgöng. Ofanbyggðavegur er upp í Bláfjöll og hjá Vífilsfelli, en ómalbikaður að hluta. Endurbættur vegur sem myndi létta á umferð um Hafnarfjörð.

Vegagerðin er eitt af ríkisfyrirtækjunum sem virðist vel rekið. Umfang hennar er ævintýralega stórt og ótrúlega margt vel gert. Í ráðherratíð Sturlu Böðvarssonar var lyft grettistaki í vegagerð sem við njótum góðs af í dag. 

 

Kostnaður við tvöföldun 10 milljarðar

Stuðningur við bændur byggist á innlendri samkeppni.

Aðalatriðið hlýtur að vera að innan fyrirtækja með landbúnaðarvörur ríki samkeppni. Þá getur hagkvæmni stærðar verið til lækkunar á innlendri landbúnaðarvöru, eins og MS heldur fram. Litlum fyrirtækjum þarf að gefa forskot eins og ríkið er að gera með ívilnunum í nýsköpun.

Íslensk fyrirtæki eru flest alltof lítill, oft nást ekki upp gæði nema með hagkvæmi stærðarinnar sé fyrir hendi. Sjálfstæðisflokkur á ekki að lofa meiri innflutningi á landbúnaðarvörum. Við það gæti sjálfstæði íslensk landbúnaðar glatast. Fæðuöryggi gerir landið byggilegra og eykur sérstöðu þess.

Afurðir sem byggjast á hreinu vatni og lofti eru aðall íslenskra vöruþróunar. Lyfjagjöf til húsdýra hvergi minni. Ótal önnur rök hafa verið nefnd. Fjölbreytni í landbúnaði styrkir byggðirnar. Samkeppnisstofa er að vinna sér inn prik og meðgjöf, en nú síðbúin til verka og stórtæk.

Einn ljóður á landbúnaðarvöru er offramleiðsla. Bændur fengju meiri samúð og stuðning væru þeir ekki að ofbeita land með of mörgum hrossum og fénaði. 

Á von á stuðningi framsóknarmanna

The Times býr til spennu og leikþráð

Ensku blöðin hafa komist í feitt þegar þau fjalla um val á nýjum formanni Íhaldsflokksins. The Telegraph tekur boltann á lofti og fer út um víðan völl með þær stöllur. Litríkar myndir og vídeó segja mikið, reyndar flest sem þarf til að leikmaður geti myndað sér skoðanir á tveimur frambjóðendum.

Theresa May virkar djarfari með frískleika og dugnaðarsvip. Hún velur sér fatnað til að lífga upp á drungalegt andrúmsloft stjórnmálamanna. Manna sem þurfa stöðugt að vera á löngum fundum til að ná niðurstöðum. Þá er gott að hafa konu til að taka af skarið inn í karlaveldi. Stjórnmálakokk sem ekki hikar við að brydda upp á nýjungum og setja fram til sigurs.

Andrea Leadsom birtist á myndunum sem íhugandi með spurnarsvip skólastjórnandans. Reynsla hennar á stjórnmálasviðinu er talsvert minni og raunar ólíkt saman að jafna. Engin veruleg samkeppni í kosningum er á milli þeirra, en ensku blöðin láta lesendurnar um að dæma. Niðurstaðan fæst ekki fyrr en í leikslok, í helgarblaðinu eða þegar allt hefur komið fram sem þarf að segja.

Í sama blaði er mynd af Hillary Clinton raunamæddri á svip. Líkur eru á að þessar tvær konur eigi eftir að marka tímamót, hver í sínu landi. Ná fram samheldni og markmiðum sem kjósendur og stjórnmálamenn hafa markað.

Telur sig hæfari því hún er móðir

Stöðugleikatákn eftir Brexit og fallegir skór.

Eftir niðurlægjandi fótbolta og Brexit í Bretlandi kemur spennandi og ákveðin pólitík. Bresk stjórnmál krefjast stöðugleika. Theresa sem velur líflega skóliti kann að vera besti kosturinn til forystu. Ákveðin og sigurstrangleg eins og Thatcher forðum. Hefur tekið Boris Johson á beinið og fengið afsökunarbeiðni frá M.Grove. Líkleg til að leysa málin inn í miðju karlaveldi stjórnmála.

Ágæti Brexit var oflofað og átti að færa almenningi mikið af fjármunum frá Evrópubandalaginu. Olli upplausn og falli breska pundsins. Ekki mun vera þingmeirihluti fyrir útgöngu úr sambandinu. Hver á þá að leiða? 

Stjórnmál eru list eins og oft hefur komið í ljós hér á landi. Hann vinnur sem hefur mestu samningatæknina: Réttu markmiðin á rétta augnablikinu og yfirsýn til að vinda ofan af helstu flækjunum.

 

 

Kjósa eftirmann Camerons

Ótrúlegt klúður

Michael Grove, helsti stuðningsmaður Boris Johnson býður sig fram til forystu í íhaldsflokknum. Kemur hreint fram þegar hann sér að foringi sinn vill ekki taka við forystusætinu. Margir aðrir eru til starfans reiðubúnir og spennandi hvort þar leynist "Margaret Thatcher"

Junker kann að svara útrásarmönnum Breta sem nú stinga höfðinu í sandinn. Skotland gæti verið áfram innan ríkjasambandsins eins og Danir en ekki Færeyingar eða Grænlendingar. Ætli við eigum ekki samleið með vinaeyjum, flest nema að við höfum ónýta krónu.

Gervimynd sem rokkar út og suður eftir duttlungum Seðlabanka og pólitíkusa. Mynt sem var upphaf af bankahruninu, sökudólgur sem hún er ekki. Mannanna verk? 

Sakar útgöngusinna um uppgjöf