Ótrúleg frásögn en sönn.

Þrautseigja og þolinmæði þessa unga athafnafólks er eftirtektarverð. Táknræn fyrir fólk í atvinnurekstri og þá erfiðleika að vera hönnuðir í fámennu landi fjarri mörkuðum. Í stærri löndum eins og í Noregi og ESB er búið að ryðja brautina. Upplýsingaflæði gegnsætt og opinberir starfsmenn verða að standa sig. Hér eru höft og bankar á brauðfótum. Viðtalið er ítarlegt og lofsvert.

 

Skóævintýri í tollinum

Endurtekinn dómur

Í gær var fyrrverandi ráðuneytisstjóri neglur og krossfestur. Mikils metinn opinber starfsmaður til margra ára. Bólubréfasafnari án félags. Nú á að sýna að kerfið tekur við sér. Dómurinn er skýr. Opinber starfsmaður á ekki að stunda bóluviðskipti á minnsta hlutabréfamarkaði heims. Martha Stewart sjónvarpsstjarna og kokkur með meiru fékk 5 mánaða dóm en íslenska dómskerfið gerir betur. Eimreiðarmaður og brautryðjandi á hlutabréfamarkaði, 2 ár.

Mátulegt á hann hrópar lýðurinn. „Fagnaðarefnið þegar einstaklingur fellur en kerfið blífur." „Argasta bananalýðveldi bjargað." „Tímamót í réttarfarsögu eftir öll guðmundar og geirfinnsmálin.“ Gærdagurinn er ekki einungis sögulegur fyrir íslenska dómskerfið. Minnsta "peningastefnuvél" í heimi fær aflausn hjá Fitch-regluverkinu. Ruslflokknum aflétt stóð stórum stöfum. Gæðastimpillinn fundinn. Ísland í farabroddi undir vinstri stjórn.

"Á fullu stími út úr brimgarðinum." Út úr bóluhagkerfinu. Lifi makríllinn og AGS. Stórkostlegur sögulegur gærdagur, sem ber að fagna á ný í Hörpu. Sjáið bara: Hagar hækka og hækka. En aðeins fyrir útvalda í lokuðu bóluhagkerfi sakleysingja.

Forstjóra FME sagt upp

Spiltur sækir spiltan heim

Ríkisútvarpinu er vandi á höndum að senda ungt fólk til þessa múslimaríkis við Kaspíarhaf. Umdeild ríkisstofnun á Íslandi sendir glæsilega fulltrúa til elíturíkis þar sem mikill spilling ríkir. Meir en helmingur íbúa lifir undir fátækramörkum. Olíuauðæfin skila sér ekki til almennings enda ríkið í hópi spilltustu ríkja heims. Þjóðverjar vildu ná yfirráðum yfir Baku-olíunni og Sovétríkin gáfu ekkert eftir af yfirráðum sínum til almennings. 

Alþingi og ríkisstjórn Íslands hefur búið RÚV til laga og rekstraumhverfi sem ekki gengur upp. Aldrei verður sátt um ríkisútvarpið meðan það er á auglýsingamarkaði og mismunar greiðendum. Ríkisútvarpið er með nefskatti gert að oftaka og mismuna. Líkt og í Aserbaidsjan stendur stjórnmálaelítan fyrir ójöfnuði. 

Jónsi og Greta til Bakú

Ólög um Ríkisútvarpið

 

Kjósendur greiða flokkum atkvæði sitt í auknum mæli eftir því hvernig þingmenn afgreiða mál á Alþingi. Með netupplýsingum er menn meðvitaðari um afgreiðslu mála. Kunningi minn greiðir sexfalt útvarpsgjald, yfir eitt hundrað þúsund til Ríkisútvarpsins. Hann er með þrjá unglinga í heimili og lítið fyrirtæki. Fyrirtæki hans með 3 starfsmenn greiðir sama gjald og þau sem eru með 300 starfsmenn.

Ríkisstjórnin tekur stóran hluta af útvarpsgjaldinu til eigin nota og skattlegur þannig barnafjölskyldur meira en aðra. Yfir fjóra milljarða í tekjur duga ekki þessum ríkismiðli. Auglýsingar er annað fenið sem á að koma undan reglum ESA og gera eyjuna enn sérstæðari í lagasetningu. Áfengisauglýsingar ríkisins eru leyfðar á RÚV og jafnvel í Kastljósi eru teppaauglýsingar sjálfsagðar undir formerkjum sýningahalds. Leynimakkið í algleymingi. Jafnræði milli þegna er falin bók þegar hagsmunir ríkisins er annars vegar.  

Óréttlætið sem alþingismenn láta frá sér fara á eftir að hafa enn meiri breytingar í för með sér en nokkru sinni áður í komandi kosningum. Sama hvort það er á besta … versta, vinstri eða á hægri væng. Netið og nýir fjölmiðlar breyta landslaginu eins og nýjar skoðanakannanir bera ljóst vitni um. Standi menn ekki við aðalkosningaloforð sín er breiða brautin greið, út af Alþingi. Jafnvel áður en kjörtímabilið rennur út.

 

Dýr skóli með yfirbót

Axarsköft lífeyrissjóða er dýr skóli í litlu samfélagi sem ástundar varla gagnrýna hugsun. Sýnir í hnotskurn að hér er á mörkunum að reka þjóðfélag sem ekki styðst við góðar samræðuhefðir. Áratuga légleg fjármálastjórn útnesja þjóðfélags hefur að líkindum náð hámarki. Ákveðið hugrekki stjórna lífeyrissjóðanna er að birta kolsvarta skýrslu, en því má ekki gleyma að þeir eru að skoða sinn heimavöll. Ber vott um yfirbót manns sem hefur brotið af sér.

Hér er um þvingaðan sparnað að ræða sem lífeyrisfélagar hafa enga stjórn á og er dæmdur til að mistakast þrátt fyrir góð áform velferðafulltrúa. Skynsamlegast væri að þjóðnýta þennan sparnað að fullu og geyma sem gullforða í Seðlabanka. Forða sem ekki mætti nota nema á stríðstímum eða þegar mikill vá steðjar að. Glórulaust er að þvinga fólk til sparnaðar sem elur af sér forréttindastéttir og sjóðasukk.

Flestir landsmenn hafa nú uppgötvað gagnsleysi lífeyrissparnaðar en geta lítið um breytt. Það breytist varla mikið þangað til íbúarnir fá ákvörðunarvaldið í sínar hendur.  Tæknilega eru netkosningar fjöldans framkvæmanlegar og geta tekið við af fulltrúalýðveldinu. Fært völdin og ákvarðanatöku til íbúanna.

 

 

 

 

 

 

 

LV fagnar útkomu skýrslunnar

Sagan endurtekur sig

 

Bandaríski seðlabankinn er í óðaönn að prenta dollara til að auka eftirspurn í hagkerfinu. Vestrænir stjórnmálamenn hafa misnotað bankana í áratugi. Stjórn Obama er engin undantekning, atvinnuleysi minnkar og góð velta tryggir honum gott gengi í komandi kosningum. Hér á landi þarf ekki nema góða loðnuvertíð eða aukningu á makríl verðmætum til að gefa innspýtingu í "hagvöxt", sem reiknaður er út frá veltu. Íslenska hagkerfið er eins og stjórnlaust rekhald, engar varúðarráðstafanir til að tryggja að "olíugróðinn" valdi ekki þenslu. Þegar við bætast misvitrir stjórnmálmenn sem taka út forskot á sæluna, hækka skatta eða taka óvænt lán vegna atkvæðaveiða er voðinn vís. Ein spegilmyndin er kreppa sem dregur fjölskyldur í svaðið.

Fjármálaráðherra sem var og hét tók 1 milljarða að láni rétt fyrir jól út á Vaðlaheiðagöng. Fyrir það verður verðbólga meiri en ella og byrðir lántakenda enn þyngri. Allir tapa nema sá sem nær kosningu út á loforðin. Hann kann að fleyta sér yfir næsta hjalla, en hvað um hina.

 

Gagnrýnir framgöngu stjórnmálamanna

Athugasemdir Stormskers

Á tímamótum er gott að horfa til Stormskers. Hann hittir oft naglann á höfuðið. Margir bíða eftir því að hann láti í sér heyra. Síðasti pistill hans voru minningarorð um Sævar Ciesielski. Mann sem aldrei fékk óskir um réttsýni uppfylltar.

"Vinur, mæta vel ég skil-að

vonin falli í dá

þegar kerfið kalt og bilað

kastar þér til og frá,

en erfiðleikar eru til-að

yfirstíga þá."

Íslandi eru allir vegir færir

Nubo-æðið og fjárfestingar

Skemmtilegt er hve Nubo-fárið heillar landann. Hér geta allir haft ólíkar skoðanir á áhuga Nubos á víðerninu og velt sér inn í nafla alheims. Hvar sem menn standa í stjórnmálum má alltaf finna nýja vinkla og púsla. 

Í síðasta hefti Time er fjallað um Nubo og Grímsstaði. Vikutímaritið setur þá í samhengi við söluna á Saab og Volvo til kínverska fyrirtækja þar sem um er að ræða miklu hærri upphæðir. Blaðamaðurinn gleymir að geta um sölu á eignum í Ameríku til Kínverja. Fáar þjóðir hafa efni á að slá hendinni á móti seðlabúnti frá Kína. Vesturlandabúar hafa á liðnum áratugum fært Kínverjum tækniþekkingu á silfurfati og nú er komið að þeim að hressa upp á deyjandi iðnað í Evrópu.

Kaninn hefur gert hið sama með sínum alþjóðlegum fyrirtækjum og plantað þeim nánast allstaðar með góðum árangri, án þess að fá þjóðir upp á móti sér. Þeir hafa yfirgefið lönd jafn skjótt og þeir komu allt eftir því hvernig vindurinn blæs. Helsti vandi við brottför hersins héðan af landi var að við vildum ekki sleppa af þeim hendinni. Eini munurinn er að þeir eru lýðræðisríki en Kína stjórnað af fáum útvöldum.

Af öllum erlendum fjárfestingum í Evrópu er Kína með aðeins lítið brot, um 3% segir Time. Ameríka er með um 30%. Suðaustur-Asía og Kanada með 9 %. Hlutur Kína hér í fjárfestingum er langt innan við 1 prósentustig. Í Evrópu bukta og beygja ráðamenn sig fyrir komu Kínverja líkt og við vorum vanir að gera. Hvað hefur breyst? Ekki er verið lengur að tala um landssölu. Eru kínversk áhrif verri en amerísk eða pólsk. Því skyldu íslenskir ríkisborgarar fá að reka hótel í Kína? Er Ísland að lokast frá umheiminum?  

Fundaði með Fjárfestingarstofu

Vaxtabætur, óþörf ríkisútgjöld

Fjármálráðherra virðist hreykinn af því að greiða um 20 milljarða í vaxtabætur. Væri hér heilbrigð fjármálastjórn og allir hefðu hag af því að halda verðbólgu í skefjum væru þessar greiðslur ekki til. Það er líka blekking hjá lífeyrissjóðnum að halda því fram að ávöxtun sjóðanna geti verið 3.5 prósent. Vaxtaniðurgreiðslur gagnast aðeins hluta lántakenda en fyrirtækin blæða. Í evrulandinu Finnlandi er verðbólga varla til en á það má ekki minnast. Ráðherrann segir að við skulum halda í krónuna og treysta á fjármálstjórn vinstri manna.

Ekki hefðbundin skattlagning

Frábær skemmtun

Danskeppni unga fólksins í kvöld sýndi bestu hliðar sjónvarpsins. Sjónvarpssalurinn var magnaður spennu og tilþrifum. Hraða, yndisþokka og fjaðurmagni. Ljósadýrð sem ekki hefur sést áður í sjónvarpi. Innsýn inn í dansinn sem tjáningar og listform undir leiðsögu geislandi dómara var upplifun út af fyrir sig. Mikið af lýsingarorðum sem eiga vel við þegar margt ungt fólk stígur sín fyrstu spor í sjónvarpi. Það þarf áræði og þor til að sýna í hvað einstaklingum býr. Þeir sem hafa staðið að sýningunni eiga þakkir skyldar að ógleymdum stjórnandanum. Skreytilist og búningar komu sannarlega að óvart. Eina sem skyggði á sigur Berglindar var skilti út í sal, hvatning um kosningu sem hún hefði getað verið án.

Berglind Ýr sigurvegari