Bræðralagið flokkur Giorgíu Meloni

Það þættu tíðindi hér ef flokkur einstæðra móður næði yfir 25% fylgi í kosningum. Merkilegt við Bræðralag Ítalíu, hins nýja hægri flokks er að stofnandinn hefur verið ráðherra í ríkisstjórn Berlusconi. Yngsti þingmaður Ítalíu 2008, þá þrjátíu og tveggja ára og þótti standa sig vel.

Að hún fari fram með eigin flokk nú bendir til að hún ætli að ná enn lengra og taka með sér enn meira fylgi óánægðra kjósenda. Kjósendur sem koma úr öllum stéttum þjóðfélagsins. Silvio Berlusconi, nú 85 ára náði að mynda ríkistjórn fjórum sinnum undir merki flokksins Forza Italia: Fram Ítalía , óvenju þrautseigur stjórnmálamaður sem enn mun væntanlega mynda ríkistjórn með Meloni?

Stríðið í Úkraínu kann að breyta miklu um hug kjósenda á Ítalíu, sem óska eftir tryggu heimalandi og öryggi fjölskyldna. Hvar væntanleg ríkisstjórn Meloni tekur stefnu í utanríkismálum er ekki nákvæmlega vitað, en trúlega forðast Meloni að binda sig böndum með hægristefnu sem höfða til fárra.

Liz Elizabeth Truss forsætisráðherra Bretlands og Meloni eiga það sameiginlegt að vera á svipuðum aldri. Fara báðar fram á hinn pólitíska völl ótrauðar fullar af sjálfstrausti. Eiga enn eftir að fara í gegnum pólitíska eldskírn á erfiðum tímum og raska ró vinstri manna.

 


mbl.is Bræðralag Ítalíu leiðir í útgönguspám
Tilkynna um óviðeigandi tengingu við frétt

Pistlahöfundar í öngstræti. Fagurt sólarlag í Hvalfirði

 

Keikur Skúli Mogensen tekur upp pennann vegna skrifa laugardags pistlahöfundar í Fréttablaðinu. Sturluhátíð virðist vera upprunninn á Fréttablaðinu og gengur í gegnum alla leiðaradálka blaðsins. Frítt borð til að hakka í sig þá aðila sem sem eru skapandi og ögra. Alltaf mistekst einhverjum og verður fótaskortur og þá er oft látið vaða í liggjandi manninn.

Góður gangur baðlóns í hrauninu var undanfari þess að hægt var að halda áfram útgáfu fríblaðs, en auglýsingatekjur, aðallega frá sjálfstæðum félögum hafa borið uppi mestan kostnað við blaðið, þar á meðal frá WOW flugfélögum. Enginn skyldi fleipra um áhætturekstur sem fylgir flugi. SAS, Norwegian og ótal fleiri stór og smá. Flugfélag Mogensen var undanfari þess að ýmis fyrirtæki tóku að blómstra og þar náði ferðamennskan og Bláa lónið einum hátindi. Enginn skákar útbroti í heilu eldfjalli, endurvakinni eldstöð.

Ríki og bæjarfélög, ásamt hjálparsamtökum leggja sitt að mörkum til að flestir geti notið sjónarspilsins við eldstöðina í Meradölum. Enginn fer í grafgötur með að það kostar að bjóða upp á farsæla leiðsögn dag og nótt. Án forspils Skúla Mogensen með vogun vinnur væri þessi einstæði möguleiki, að gefa sem flestum tækifæri á að sjá einstæðan náttúruviðburð í öllu sínu veldi ekki að skila sér í farsælu samstarfi einkaaðila og hins opinbera. Sem betur fer skila ferðamenn miklum virðisauka og gerir framtak opinbera þjónustuaðila kleift að fjármagna það sem fyrr var ókleift? Ekki má gleyma því að nokkur eldfjallaríki, eyríki þar sem gos eru tíð hafa lokað fyrir aðgang ferðamanna að eldstöðvum vegna fámennis og getuleysis.

Fyrir margt löngu stofnaði Mogensen Lyfjasali Garðsapótek, það þótti talsvert framtak á sinum tíma þegar banka þjónusta var 3 mánaða víxillán. Mogensen heitinn var brosmildur og öðlingur góður, örvaði okkur strákana í leik og starfi. Á sama tíma og Mogensen var að stofna apótek í Sogamýrinni var ég að koma á fót byggingaverslun. Það var mikill uppörvun ungum sjálfssprottnum fyrirtækjamanni að fá heimsókn borgarstjóra í verslunina á sama tíma. Auk heimsókna listamanna og skálda, orðháka þess tíma. Mörgum finnst það ef til vill barnaskapaur að hugsa hlýtt til fyrirmenna þegar þeir líta inn. Allavega ekki í Höfða. Geir Hallgrímsson kom víða við og var ötull, hlífði hvergi sjálfum sér við að auka fylgi Sjálfstæðisflokksins með borgarafundum og heimsóknum. Mesta fylgi sem Sjálfstæðisflokkurinn hefur fengið fylgdi á eftir, ef mig minnir rétt.

Það er ekkert að því að heimsækja Dalahátíðir sem leiddar eru með vinskap við rétta stjórnmálamenn, en þegar hinir ekki réttu baða sig í heitum sjó innarlega í Hvalfirði er eins og skrattinn sé uppvakinn hjá ákveðnum pistlahöfundum. Undur íslenskra náttúru er einnig að finna í Hvalfirði þar sem sjósund voru iðkuð af forngörpum. Fátt er eins fallegt eins og sólarlag og upprisa sólar innarlega í Hvalfirði. 


mbl.is Frosin jörð í Reykjavík
Tilkynna um óviðeigandi tengingu við frétt

Liz Truss trúverðug til forystu eftir fall Boris. Rúv á seinustu metrunum

Aldrei veit maður hvenær kvöldfréttir hefjast. Kvennafótbolti hefur forgang og veðurfréttir eru nánast eins og aukaafurð. Lítill sómi sýndur þegar íþróttafréttir hafa forgang.

Erlendar fréttir eins og frá BBC verða því áhugaverði og BBC four sem bíður upp á áhugaverða þætti um lönd, listir og tónlist. Þótt BBC hafi hvað eftir annað verið dæmt fyrir falskan fréttaflutning er það trúverðugar en ríkisútvarpið íslenska sem fer sínar eigin leiðir. BBC veðurfréttir eru það greinagóðar að hægt er að sjá veðurhorfur hér á landi af lægðaganginum yfir Atlantshafi. Klipptar og skornar fyrir Breta en nothæfar hér, oftast á hálftíma fresti. 

Fyrir litla fótboltaáhugamenn er breska pólitíkin spennandi framhaldsaga þar sem hart er barist um að leiða. Bretar eru eybúar og úthafsmenn eins og Íslendingar. Hafa aldrei getað tekið við trúarbrögðum frá Evrópu. Í bókstaflegri merkingu án þess að "höfuð" hafa fengið að fjúka . Boris Johnson var eins og sögupersóna klippt út úr Charles Dickens ævintýri. Kom og fór og stendur nú utangarðs á byrjunarreit eins og Trump.  

Yfirstétta prinsinn Rishi Sunak og Oxford stúlkan Liz Truss berjast nú um að fá að leiða. Bæði hafa getið af sér gott orð í ráðherraembættum. Frú Truss var trúverðug frá upphafi, stóð þétt að baki Boris þangað til yfir lauk, en Sunak notaði endalokin til að vekja athygli á sjálfum sér. Trúlega er Liz varkár í ákvarðanatöku eins og konur eru oft, góðar til að stýra í þingheimi breskra karla. Sunak er kornungur af ríkum innflytjendum kominn og spjátrungslegur. Ólíklegt er að hann verði vinsæll hjá hinum almenna kjósenda ef maður þekkir Englendinga rétt.


mbl.is Trump snúinn aftur til Washington
Tilkynna um óviðeigandi tengingu við frétt

Sundabraut saga loforða. Sáttmáli Framsóknar og Samfylkingar

Í auglýsingum dagsins segir Dagur borgarstjóri að málefni um lagning Sundabrautar hafi verið leyst. Framkvæmdir hefjist árið 2026. Ljúka eigi framkvæmum 2031. Sáttmáli um það hafi verið undirritaður júlí 2021 með Framsókn og vegamálaráðherra. Nú sé komið að því að finna lausn á lóða og húsnæðismálum, uppfylla loforð sem gefin voru fyrir kosningar áður fyrr. 

Flestir vita hvað svona yfirlýsingar þýða. Málum frestað út í það óendanlega vegna óvæntra atvika. Samningur um eignalönd, tæknileg atriði og vöntun á fjármagni. Alþjóðleg samkeppni um hönnun er enn í skoðun og engin ákvörðun um göng eða brú. Engin heil brú í loforðalista stjórnmálamanna um Sundabraut?

Nýir flokkar sameinast um að setja sama málið á oddinn, áður en nokkur vissa er um hvar brautin eigi að liggja. Ábyrg framtíð, nýr flokkur er stórt nafn og sprettur ekki upp úr engu? Miðflokkurinn og flokkar fólksins ætla sér mikið að framkvæma en verður oft lítið ágengt.

Nýjar hugmyndir Ábyrgar framtíðar með að leggja brautina með viðkomu í Viðey og þaðan um Geldingarnes með landfyllingu við Þerney og síðan til Móa á Kjalarnesi stytta ökutímann frá Kjalarnesi og inn í borgina verulega. Virðist áhugavert verkefni fyrir fjárfesta líkt og göngin undir Hvalfjörð á sínum tíma. Þá er leiðin greið í gegnum Kringlumýrabraut suður til Keflavíkur. Virðist vera hagkvæmasta lausnin í fljótu bragði. Lagning Reykjanesbrautar til Keflavíkur er enn ekki lokið eftir nær 70 ár. Hver trúir því þá að tveir vinstri flokkar ljúki Sundabraut á 5 árum? Sjálfstæðisflokkurinn má eiga það hann framkvæmdi það sem lofað var í vegamálum eftir síðustu aldamót, undir stjórn Sturlu Böðvarssonar samgöngumálaráðherra. 

Í dag sjá margir fyrir sér að lagður verði vegtollur á þá sem fara Ártúnsbrekkuna. Krónur 1000-2000. Fram og til baka til að fjármagna byrjunarframkvæmdir um Sundabraut.

 

Úr yfirlýsingu ríkis og borgar frá 6.júlí 2021. M.B.L.;

„Sundabraut mun dreifa álagi, leysa umferðarhnúta og verður gríðarleg samgöngubót fyrir alla þá sem ferðast til og frá höfuðborgarsvæðinu – og fyrir alla ferðamáta. Brúin verður aðgengileg fyrir gangandi og hjólandi og verður kennileiti borgarinnar. Yfirlýsingin markar tímamót því nú getum við brett upp ermar og hafist handa. Sundabrautin er efst á verkefnalistanum mínum. Við kynntum legu brautarinnar í byrjun febrúar og nú hefst næsti kafli umhverfismats, samráðs og hönnunar. Það er góður tími til að fara í opinberar framkvæmdir, sem skapa atvinnu á öllum stigum verkefna og auka hagvöxt í landinu,“ segir Sigurður Ingi Jóhannsson, samgöngu- og sveitarstjórnarráðherra.

„Ég fagna þessari yfirlýsingu. Það er mikilvægt að leiðarval og undirbúningur Sundabrautar sé í traustum og góðum farvegi og að verkefnið sé unnið í víðtæku samráði. Þessi yfirlýsing tryggir það og undirstrikar mikilvægi samráðs við íbúa og hagsmunaaðila í næstu skrefum. Sundagöng og Sundabrú eru áfram megin valkostirnir. Í kjölfar félagshagfræðilegrar greiningar tekur við frekari samanburður og rýni á öllum umhverfisþáttum og mótvægisaðgerðum vegna hugsanlegra neikvæðra áhrifa af umferð fyrir nærliggjandi hverfi. Yfirlýsingin tryggir einnig að hagmunir almenningssamgangna, gangandi og hjólandi verða teknir inn í myndina ásamt hafnarstarfsemi,“ segir Dagur B. Eggertsson, borgarstjóri. 


mbl.is Kannanir vísbending um vilja fyrir breytingum
Tilkynna um óviðeigandi tengingu við frétt

Framsókn enn á skriði eftir Alþingiskosningar. Sjálfstæðismenn með miðjumoð.

Sigur Framsóknar var verðskuldaður í kosningum til Alþingis. Tveir ráðherrar flokksins komu inn áberandi með fylgisaukningu. Sjálfstæðisflokkurinn er nú að gjalda fyrir útþenslustefnu í ríkisfjármálum. Báknið stækkar og stækkar sem aldrei fyrr, eitthvað sem hann var ekki kosinn til að framkvæma með VG. Áberandi er að Framsókn siglir beggja skauta byr, t.d með málefni Sundabrautar sem eru margfalt arðbærari og þarfari en Borgarlína. Að ekki sé talað um styttri leiðina upp á Kjalarnes.

Hætta er á að Viðreisn tapi atkvæðum ef hún sýnir ekki meira aðhald í borgarmálum. Kjósendur Viðreisnar munu væntanlega hafa skoðun á því? Píratar hafa mestan hluta kosningadags tíma til að kjósa, þrátt fyrir Evrópukeppnina. Yngri kjósendur hafa og annað viðhorf en þeir eldri, nota aðra fjölmiðla og eru ekki komnir með fjölskyldur til að framfleyta. 

Eitthvað mikið hefur gerst í framboðsmálum Sjálfstæðismanna og líklegt það sem margir segja að helstu frambjóðendur flokksins séu með of líka stefnu og núverandi meirihluti í Borginni. Skeri sig ekki úr með sín stefnumál og hann sé ekki trúverðugur? Falla á tíma og afkróast með VG sem vill stækka ríkismötunina. Ríkisvagninn og jötunninn, án þess að vernda sérstaklega þá sem verða undir í verðbólgu.

 

 


mbl.is Sjálfstæðisflokkurinn fer áberandi langt niður
Tilkynna um óviðeigandi tengingu við frétt

Sælir eru víðförlir

Mestu auðævi Íslands er náttúran, heita og kalda vatnið. Víðernið og hið tæra loft sem kemur hingað yfir Atlantsála. Sama hversu oft við fáum stormviðri og byli í votu eða hvítu, þá birtir upp um síðir og gleðin við að uppgötva á nýjan leik undrin verður ofan á. Spjallaði við víðförlan aldraðan Íslending í dag í sundlauginni. Hann hafði búið erlendis í tugi ára. Kom heim meðal annars til að upplifa sundlaugaferðir og útilíf.

Stærstu og duglegust Grænlands vorfuglar er bústnir þegar þeir koma og rétt dreypa á ferskvatninu sem kemur úr uppsprettum ofan við fjörukambinn. Margæsin hefur hér skamma viðkomu og eru á braut samdægurs, eitthvað lengra. Nú er tiltölulega hlýtt og það gæti flýtt för þessa undra fugls vestur? "Römm er sú taug er rekka dregur föðurtúna til", orti skáldið Sveinbjörn, á það jafnt við um menn og fugla.

 


Margæsin kom inn á voginnn í gær

Svartbakurinn og margæsin komu inn á Kópavoginn í gær frá Bretlandseyjum, en voru ekki sjáanlegir í dag? Leita kannski út Álfatanes eða vestur á Mýrar á leið sinni til Austur-Grænlands eftir að hafa drukkið ferskvatnið? Rétt áður hafði grágæs á leið norður látið sjá sig. Það er alltaf tilhlökkunarefni þegar vorfuglar birtast á leið sinni norður. Á Austur-Grænlandi er heilmikið dýralíf sem fæstir þekkja, en Danir hafa skrifað áhugaverðar bækur og greinar um líf þeirra og baráttu, þar á meðal fugla.

Aðeins er að sjá sem starinn sé farinn að verpa við húsin og á stundum upp á þaki ásamt sílamáf, en þessir fuglar gera sér alltaf nýja bústaði. Síðuhafi er áhugamaður um fugla og veit takmarkað um lifnaðarhætti vorfuglana. Saknar þess að sjá ekki meira skrifað um ferðir margæsarinnar en raun er á. Stór hluti hennar mun hafa vetursetu á Írlandi en síðan fer hún til Baffinslands og Austur-Grænlands til verpa. 

Ekki er hitinn af verri endanum, þótt ekki sé sólin, en hún á að birtast á Sunnudag. Í Noregi og Danmörku hefur verið frekar kalt. Ef það verða 14 stig á morgun þá er það sami hiti sem El Teide farar greina þegar þeir eru komnir hálfaleið upp fjallgarðinn.


mbl.is Fuglaflensa staðfest á Íslandi
Tilkynna um óviðeigandi tengingu við frétt

Joe Biden ekki af baki dottinn. Pútín búinn að brenna allar brýr að baki sér

Forseti Bandaríkjanna talar tæpitungulaust. Undirtitlum hans í Washington reyndu að draga til baka orð hans, en það er ekki neitt nýtt. Foringja er að koma á staðinn eða nálægt atburðunum sem eiga sér stað. Skilja hvar kreppir að og hvernig má aðstoða t.d. Pólverja og Úkraínumenn í þeim hremmingum sem yfir dynja á saklausu fólki. Rússland verður að skilja að Vesturlönd standa fast að baki þeim sem við átökin búa.

Danir áætla að taka við um 26000 þúsundum flóttamönnum frá Úkraínu og Íslendingar hlutfallslega ekki minna, sem þá væri um 2600 manns. Dómsmálaráðherra á Íslandi hefur talað á svipuðum nótum. Það er ekki mikið í ljósi þess að hingað hafa komið hátt í tuttugu þúsund manns frá Pólandi sem sest hafa hér að undanfarin ár. Pólverjar eru að taka á móti miljónum af flóttamönnum og þurfa á stuðningi að halda. Forsetinn er á réttum stað, eins og þegar John F. Kennedy kom til Berlinar í júní 1963. Honum var vel fagnað þegar hann hvatti til samstöðu með Berlínarbúum.

Bandaríkin hafa háð mörg blóðug stríð og reynt að verja lýðræðið og sjálfstæði ríkja. Nú eru komnar nýjar kynslóðir og vonandi hafa hinir föllnu og hugrökku ekki barist til einskis. Nýir tímar krefjast nýrra vinnubragða og hinum ógnandi einræðisherra þarf að sýna að stríð leysa ekki vanda. Selenskí forseti er nú þjóðhetja hjá tugmiljóna þjóð en var umdeildur meðal ýmsa sem nú standa fast að baki hans. Hér töldu margir áður fyrr um að Biden væri gamall og ekki til stórræða hæfur. Hann hefur nú afsannað það og enn eru Bandaríkin forystuland þegar virða skal mannréttindi og ríki sem aðrir vilja ráða yfir.

 


mbl.is Söguleg stefnubreyting dregin til baka
Tilkynna um óviðeigandi tengingu við frétt

Kína vill ekki einangrast? Vinátta við Pútin?

Fréttir ekki alltaf að spegla raunveruleikan. Er líklegt að Kína vilji hætta á að dragi úr útflutningi þeirra til stærstu viðskiptamanna. Bestu kaupendur að kínverskum vörum er hin frjálsu þjóðlönd. Blómleg viðskipti byggjast á gagnkvæmu trausti. 

Íslenskur ráðherra viðskipta kemur auga á víðtæk áhrif stríðsins í Úkraínu og bendir á ýmsar afleiðingar. Endurspeglar kannski best það traust sem flokkur hennar hefur meðal kjósenda að foringjarnir eru með tiltæk svör þegar stórt er spurt. Lítið eyríki getur ekki mikið gert í hinu stóra samhengi en margt smátt telur.


mbl.is Hagkerfi veraldar verða að bregðast við
Tilkynna um óviðeigandi tengingu við frétt

Ekki stríð gegn óbreyttum. Auknar heimildir lögreglu

Fréttablaðið vekur enn athygli á að auka eigi eftirlitsheimildir með borgurunum. Lögreglan eða ákveðnir starfsmenn hennar gera mikið úr starfsemi glæpagengja, en þegar betur er gáð hefur það oft reynst blaðra sem allt loft hefur farið úr. Sérsveitir lögreglu og núverandi heimildir hafa t.d. komið í veg fyrir að hjólagengi "Engla" frá Norðurlöndum hafa náð hér fótfestu. 

Skemmst er að minnast þess þegar lögreglan blés út að erlendir kaupmenn í Kópavogi væru í peningaþvætti. Þar voru nýbúar að spreyta sig á að selja löndum sínum nauðsynjavöru. Þeir fengu háðulega útreið og voru gerðir eignalausir án þess að réttmæti aðgerða væri sönnuð. Fyrir utan það mikla álag sem var lagt á þá og fjölskyldur við rannsókn og yfirheyrslur sem ekki skiluðu sér í að finna sökudólga. Lögmenn þeirra stóðu sig vel í að sanna hve fjarstæðukennd þessi rannsókn var en fengu litla athygli löngu síðar.

Nýlegt morðmál í Rauðagerði var útblásið sem stærsta drápsmál hjá lögreglu en reyndist ekki svo þegar öll kurl komu til grafar. Nýlega voru rannsóknarheimildir Skattrannsóknarstjóra takmörkuð og send í vandaðri ferill af fjármálaráðherra. Þá hafði þurft að fella niður hundruð rannsókna sem voru á skjön við mannréttindi í Evrópu. Mál Aserta og Samherja voru í sérstakri forrannsókn innan Seðlabanka Ísland. Niðurstöður Aserta málsins má lesa enn um á DV Eyjan. Sáralitlar bætur fengust þegar viðkomandi voru sýknaðir. Jóhönnustjórnin skildi eftir sig mörg óþörf rannsóknarverkefni sem enn er verið að ræða.

Athyglisvert að þeir sem skipta með sér Dómsmálaráðuneytinu á kjörtímabilinu eru þar til skamms tíma. Þau þurfa að útskýra betur ýmis mál sem þau hafa sett á oddinn og hafa verið gagnrýnd. Sagan segir okkur að þörf er á auknu lýðræðislegu aðhaldi þegar lög og heimildir eru hertar. Sjálfstæð blöð skipta þá miklu þegar umræða er tekin um breytingar. 

 


« Fyrri síða | Næsta síða »

Um bloggið

sigurfang.blog.is

Höfundur

Sigurður Antonsson
Sigurður Antonsson
Sprotamaður í fyrirtækjarekstri. Áhugamaður um stjórnmál og viðskiptamál, leikhús og listir.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Myndaalbúm

Nýjustu myndir

  • 20170304 172602
  • 20170304 172528
  • 20170304 172216
  • DSC_0007
  • Birdseye-09.05.2016 nett-2000x1126
  • Birdseye-09.05.2016 nett-2000x1126
  • Kindur

Innskráning

Ath. Vinsamlegast kveikið á Javascript til að hefja innskráningu.

Hafðu samband