Gott að fá Jón í gagnlega vinnu

Tvöföldun Reykjanesbrautar frá Ásfjalli og í Hvassahraun er eitt mikilvægasta samgönguverkefnið. Alltof lengi var Jón Gunnarsson sem formaður atvinnuveganefndar að selja ódýra orku til erlendra fyrirtækja. Nú hefur hann fengið verðugt verkefni og eitt arðbærasta. Tvöföldun sem átti að hefjast 2017?

Góðar samgöngur skila einum mesta arði til þjóðfélagsins. Viðhalda byggð um allt land og nýta auðævi landsbyggðar. Vegagerðin sýnir að hægt er að reka ríkisfyrirtæki á hagkvæman hátt. Fagurlega gerðir vegir eru það sem lýsir best tækni og mannauði.  

Sjávarútvegurinn og útflutningsgreinar njóta þess í hærra útflutningsverð að geta komið vörum sínum fljótt og vel í gegnum höfn eða frá flugvelli. Vegaspottinn frá Njarðvík að Keflavíkurflugvelli hlýtur að koma á eftir 

 

Mislæg gatnamót á dagskrá

Áhugaverði spurningu ósvarað

Lögspekingar ættu að getað svarað fljótt og vel. Fyrir almenning skiptir máli hvort ríkið hafi forréttindi þegar framlengja á fresti. Hversvegna er fólk á sýslumannsskrifstofu að klóra sér í kollinum yfir málinu. Voru mistök gerð þar? Getur ríkið tekið jörðina eignarnámi ef það vill fylgja kröfum sínum eftir?

 

 

Var fresturinn framlengdur?

Grundvallarstef leiðtoga í Bandaríkjunum

Trump leggur áherslu á að hafa svigrúm til breytinga. Flestir embættismenn í áhrifastörfum hjá Obama stjórninni víkja fyrir nýjum hliðhollum Trump mönnum og stefnu hans. Styrkir stjórnina í að gera umbætur fyrir litla manninn sem treystir á að halda atvinnu og áunnum launum.

Hér eru gömlu embættismennirnir ekki færðir til í áhrifamiklum embættum við stjórnarskipti. Oft hafa þeir gert ótrúleg mistök, en virðast ósnertanlegir. Veikir nýja stjórn sem vill ná fram kerfisbreytingum.

Einkaframtakið og frjálsræðið í USA hefur lyft grettistaki í Bandaríkjunum. Flugferðir WOW til ýmsa borga í Bandaríkjunum eru táknrænar fyrir hve frjáls fyrirtæki geta áorkað þar sem ekki eru hindranir.

Frú Obama; "lagði meðal ann­ars áherslu á heil­brigt líferni, mennt­un stúlkna og hags­muni fjöl­skyldna her­manna. En mest áhrif hafði hún sem fyr­ir­mynd fólks sem til­heyr­ir minni­hluta­hóp­um"

Konan er glæsilegur fulltrúi og mikill ræðumaður. Enn og aftur sýnir hún dirfsku og áræði í kveðjuorðum: „Verið ekki hrædd, verið ein­beitt, verið staðráðin, verið kraft­mik­il... sýnið gott for­dæmi, í gegn­um von, aldrei ótta.“

 

Vernda þarf og viðhalda frelsinu

Áramótasprengingar á RÚV. Trumpssnild

Einn ástsælasti og skemmtilegasti veðurfræðingurinn hjá RÚV, hélt því fram í kvöldfréttum að Pekingfólkið ylli hlýnun á Norðurhveli. Kolareyksmyndandi iðnaður í Norður-Kína væri blóraböggullinn. Kolaryk frá 500 milljónum manna, 7% af íbúum jarðarinnar. Hlýnun sem fór upp um 0.3 hitastig síðust mánuðum ársins 2016. http://www.ruv.is/frett/hvatti-til-snidgongu-a-vorum-fra-kina 

Kolaryksmyndun og mikil framleiðsla í Kína hefur farið fram um áratugaskeið. Engin umtalsverð aukning varð í lok ársins 2016. Sama gildir um rykmyndun frá Betlandi, Sovétríkjum, Austur-Evrópu og Kína. Kolaframleiðslu lauk í Bretlandi fyrir síðustu jól, en vinnsla hafði verið í lágmarki . Flugeldaskot í Reykjavík um áramót leiddu til svifsryksmengunar á Skólavörðuholti, þegar mælingatæki fóru í botn. Íslendingar eru það þjóðarbrot sem mengar mest á hvern íbúa segja fræðingar. Það hefur ekki farið hátt um þann þátt í fréttum. Heldur er reynt að trompa Trump.

Veðurfræðingurinn tók fram að þetta væri ekki sagt til að hallmæla kínverskri þjóð? Þannig væru hlutirnir einfaldlega. Hitatölurnar eru fengnar fá Bretlandi. Vísindasamfélagið frá París er samhljóma. Máttur endurtekninganna. 

Ísland varð byggilegt vegna hlýnunar á víkingatímanum en Grænland óbyggilegt þegar kólnaði á miðöldum.

Mengun langt yfir heilsuverndarmörkum

Merkilegt metár. Alþingi óstarfhæft vegna reiði

Magnið af mjólk er álíka og hvert mannsbarn renni niður yfir einum lítra af kálfamjólk á hverjum degi. Ferðamenn meðtaldir. Fulltrúar bænda hafa samið um meiri innflutning af öðrum landbúnaðarvörum frá Evrópu til að getað selt meira skyr. Er það ávinningur?

Margir bændur halda því fram að íslenska kúakynið sé ekki gert fyrir iðnaðarframleiðslu úr kúamjólk. Líftími kúa er aðeins örfá ár vegna framleiðsluálags bóndans. Hvernig geta bændur byggt upp ný fjós og framleiðslu sem ber vexti sem eru margfalt hærri en hjá sambærilegum iðnaði í Evrópu?

Árið 2016 er sérstætt um margt fleira. Stjórnmálflokkar hafa byggt upp innra með sér ofurkröfur sem ekki ganga upp. Innri reiði kemur í veg fyrir að Alþingi sé starfhæft. Ný fjárlög eru með meiri hækkunum en nokkru sinni fyrr.

 

 

Metár í framleiðslu mjólkur

Ægishjálmur ríkisútvarpsins

Í Kastljósyfirliti ársins í gærkvöldi var aðaláherslan lög á að sýna fyrirsátuþáttinn með sænsku sjónvarpsvinunum. Auk þess var afsagnardagur Sigmundar tíundaður á myndfleti. Einelti sjónvarp "allra landsmanna" á vinsælasta stjórnmálamann ársins á Útvarpi sögu heldur því áfram.

Á meðan Stasiástand ríkir áfram á stærsta fjölmiðlinum verður erfitt fyrir Framsókn að ná vopnum sínum. Slíkur er Ægishjálmur Ríkisútvarpsins og áhrifavald út á landi þar sem Framsóknarþingmenn sækja helst fylgi sitt. Flestir treysta á fréttir útvarpsins af færð og veðri. Annar boðskapur fylgir í kjölfarið í nafni hins gamla hlutleysisslagorðs.

Það einkennilega er að veðurfréttir sjónvarps eru í skötulíki miðað við hvað veður er afdrifaríkur þáttur fyrir líf allra landsmanna. Í aðalfréttatíma sjónvarps klukkan sjö koma veðurfréttir á eftir fréttum, íþróttum og auglýsingum. Næst á undan Kastljósi sem á að sýna aðalsprengjukraft ríkisútvarps í fréttanálgun.  

Í Galdrabók er Ægishjálmur; Helm of awe (or helm ofterror); to induce fear and to protect ...

Fer fram á afsökunarbeiðni

Í Þyrnirósardal. Gjaldið eða gjaldeyriseftirlitið?

Bók Björns J Bragasonar sagnfræðings, Gjaldeyriseftirlitið er lýsing á innliti í Seðlabankann. Óspennandi bókarheiti verður að "reyfarakenndri" lýsingu á eftirliti með krónunni. Hluti af "Erfiðleikasögu smæstu sjálfstæðu myntar í heimi."

Sagnfræðingurinn kemur víða við, fer inn í Vogaskóla þar sem unglingar, nú þjóðkunnugir voru heillaðir af uppbyggingu sósíalismans og byltingamanninum Leon Trotskíj. Áhugaverð lesning, eitt af mörgum þjóðmálaritum Almenna Bókafélagsins á nýrri öld.

Þegar aðaláhyggjuefni Seðlabankans er styrking krónunnar vegna aukningu ferðamanna er eitthvað að. Fimmára rannsókn á einu stærsta og best rekna útflutningsfyrirtæki landsins út af yfirfærslu á nokkrum norskum krónum segir sína sögu. 

Vandamálið er ekki aðeins smæð íslensku krónunnar. Margir áhrifamenn líta á hana sem heilaga kú og blanda sjálfstæði landsins inn í umræðuna. Umræðuvettvangur sem fáir þora að klífa.

Til að fela vandamálin í kringum íslensku krónuna eru fengnir vinstri spekimenn og örlaganornir frá Noregi til að magna upp eftirlit og eftirfylgni. Feluleikur og örlagasaga.

 

 

 

Mál Kaldbaks fellt niður

Ríkið ofverndar. Engin hvati til að búa til nýjar afurðir.

Sauðfjárbændur hafa aldrei komist undan ríkisvernd. Vara frá býli er nýtilkomin, en ekki þróað markaðsátak. Einstaka bændur hafa vindþurrkað og reykt lambakjöt, en vantar stuðning. Fjallalambið er einstök vara. Með áratuga ríkisstuðningi hefur frumkvæði bænda verið drepið í dróma. 

Á Spáni er lambakjöt í tapasréttum ljúfmeti, t.d. kótelettur smáskornar. Jamón, reykt svínakjöt er sælgæti og borðað hrátt, saltað og kryddað, hágæða kjötvara. Um hundrað gröm kosta tugi evra komin á diskinn. 

Ferðamenn eru sólgnir í hágæðavöru og vilja borga fyrir hana. Ef 50-100 þúsund ferðamenn tækju með sér heim þurrkað, léttreykt læri yrði lambakjötsfjallið mun minna. Útflutningur og markaðsátak á lambakjöti erlendis hefur alltaf endað í blindgötu.

Bændur eiga sjálfir að taka alla ábyrgð á framleiðslunni. Niðurgreiðslur veikja bændastéttina, sem þarf á að halda sjálfshjálpar stuðningi frá öllum landsmönnum.

„Verð á sauðfjárafurðum má ekki lækka“

Framsókn á hækjum og Sigmundur í útlegð eftir árásir fréttastofu

Fjárlögin eru stærsta áskorun bráðabirgðastjórnar Sigurðar Inga. Koma þarf böndum á Kjararáð? Setja gengið fast með einhverjum hætti. Gera Seðlabanka kleift að stoppa flökt krónunnar. Norðmenn gerðu það með olíusjóði. Sviss smáríki, en þó 25 sinnum fjölmennara en Ísland hefur gert svissneska frankann að stórveldi. 

Til að Framsóknarflokkurinn geti komið að minnihlutastjórn þarf hann á stuðningi allar þingmanna sinna. Hlutverk formanns er að ná sáttum. Að leita í smiðju til Sigmundar Davíðs er ekki vitlaus hugmynd. Manns sem hefur yfirsýn, þingmanns sem var strax á móti Icesave-samningum og gat stjórnað útgöngu  hrægamma. 

Minnihlutastjórnir eru algengar á Norðurlöndum. Hafa aukið samningatæknina, þar er það skylda að ná samningum. Hér þarf að koma böndum á Ríkisútvarpið sem er skoðanamyndandi. Ræður um 60% af fjölmiðlaveldi landsins. Fréttamenn hafa tekið sér völd í krafti stærðar og breytt pólitískum hlutföllum. 

Alþingi er sundraður vinnustaður og ekki fyrir alla að vera með stimpilklukku ríkissjónvarpsins yfir höfði sér. Fréttamenn Ríkisútvarps líta á Alþingi sem leikskóla þar sem auðvelt sé að hafa áhrif á framgang mála. ( Þing Póllands á við svipaðan vanda að stríða.)

Sjá:

RÚV býr til fréttir en ekkert réttlæti: Framsókn og Samherji

 

Hefði gengið betur með Framsókn

Í hvaða umboði starfar fréttastofan

Er það hlutverk ríkisfréttastofu að fylgjast með tímamætingu Alþingismanna? Væri ekki nær að skoða hverju menn afkasta fyrir land og þjóð. Hvað menn leggja að mörkum á eyjunni votu til að þar þrífist fjölbreytt mannlíf.

Obama forseti kom auga á að í Pútínríki vantaði frumkvæði og nýsköpun. Menn væru við sama heygarðshornið öld eftir öld. Aðallega snérist efnahagurinn um að selja olíu, gas og vopn. Skara að sinni köku til að ná áhrifum í löndum eins og Sýrlandi. Rússland mannar manndrápsvélar sem engum hlífa. Framkvæmt í samvinnu við einræðisstjórnir sem hafa svipuð tök á almenningi.

Fréttastofa ríkisfjölmiðils er notuð til að hafa áhrif á pólitíska umræðu. Ákveðnum aðilum í þjóðlífinu er miskunnarlaust úthýst, án þess að þeir nái að koma vörnum við. Skemmst er að minnast viku Brúnu eggjanna, þegar stórt landbúnaðarfyrirtæki var brotið niður. Aðallega með gömlu myndefni og ónógum samanburði.

Á fjórða degi Kastljóss var Mast forstjórinn spurður hvort hann ætlaði ekki að taka pokann sinn, hann væri kominn í blindgötu. Sá gamalreyndi svaraði um hæl að undir hans umsjá væru 6000 fyrirtæki, þar sem stöðugt væri unnið að endurbótum og auknum gæðum.

Fréttastofan virðist vinna í Pútínsanda þar sem menn fá að fjúka að óvörum. Yfir þrjátíuþúsund fyrirtækjum er þröngvað til að greiða Ríkisútvarpinu daglegt framlag. Engin spyr hvernig fréttastofan notar fjármagnið sem skiptir milljörðum. Menn eru í ofanálagt það meðvirkir og heilaþvegnir af tilbúnum æsifréttum að þeir greiða stofnuninni milljarða til að auglýsa.

Fólk út á landi á fáa kosti þegar kemur að fjölmiðlum, þannig eru forréttindi og yfirburðavald ríkisfyrirtækisins. Allt í umboði Alþingis sem sér ekkert athugavert við framvinduna.

 

 

 

Segir RÚV glíma við þráhyggju