Í hvaða umboði starfar fréttastofan?

Er það hlutverk ríkisfréttastofu að fylgjast með tímamætingu Alþingismanna? Væri ekki nær að skoða hverju menn afkasta fyrir land og þjóð. Hvað menn leggja að mörkum á eyjunni votu til að þar þrífist fjölbreytt mannlíf.

Obama forseti kom auga á að í Pútínríki vantaði frumkvæði og nýsköpun. Menn væru við sama heygarðshornið öld eftir öld. Aðallega snérist efnahagurinn um að selja olíu, gas og vopn. Skara að sinni köku til að ná áhrifum í löndum eins og Sýrlandi. Rússland mannar manndrápsvélar sem engum hlífa. Framkvæmt í samvinnu við einræðisstjórnir sem hafa svipuð tök á almenningi.

Fréttastofa ríkisfjölmiðils er notuð til að hafa áhrif á pólitíska umræðu. Ákveðnum aðilum í þjóðlífinu er miskunnarlaust úthýst, án þess að þeir nái að koma vörnum við. Skemmst er að minnast viku Brúnu eggjanna, þegar stórt landbúnaðarfyrirtæki var brotið niður. Aðallega með gömlu myndefni og ónógum samanburði.

Á fjórða degi Kastljóss var Mast forstjórinn spurður hvort hann ætlaði ekki að taka pokann sinn, hann væri kominn í blindgötu. Sá gamalreyndi svaraði um hæl að undir hans umsjá væru 6000 fyrirtæki, þar sem stöðugt væri unnið að endurbótum og auknum gæðum.

Fréttastofan virðist vinna í Pútínsanda þar sem menn fá að fjúka að óvörum. Yfir þrjátíuþúsund fyrirtækjum er þröngvað til að greiða Ríkisútvarpinu daglegt framlag. Engin spyr hvernig fréttastofan notar fjármagnið sem skiptir milljörðum. Menn eru í ofanálagt það meðvirkir og heilaþvegnir af tilbúnum æsifréttum að þeir greiða stofnuninni milljarða til að auglýsa.

Fólk út á landi á fáa kosti þegar kemur að fjölmiðlum, þannig eru forréttindi og yfirburðavald ríkisfyrirtækisins. Allt í umboði Alþingis sem sér ekkert athugavert við framvinduna.

 

 

 

„Voðaleg reiði er þetta í Ríkisútvarpinu“

"Heilsa" Framsóknarflokksins áhyggjuefni hjá RÚV?

Fréttamaður RÚV fjallaði ýtarlega í hádegisfréttum um Framsóknarflokkinn. Meðal annars var fenginn í viðtal óþekktur, fróður Guðmundur til að úttala sig um samskiptamál innan flokksins. Í framhaldi kom ákveðinn spuni um "heilsu" flokksins. Hvort hann væri stjórntækur?

Núverandi formaður taldi að betra væri að hafa fyrrverandi forsætisráðherra á 100 ára afmælishátíð í Þjóðleikhúsinu. Fyrst fyrrverandi formaður væri fyrir norðan yrði svo að vera. 

Í áratugi höfum við trúað því að "okkar allra" sé sá hinn rétti hlutlausi fjölmiðill sem á að segja okkur hvað er mikilvægast í innviðum samfélagsins. Væntanlega fáum við nánari fréttir af samkomunni og hverjir sitja á fremsta bekk í kvöldfréttum RÚV.

Páll Vilhjálmsson bloggar um fjölmiðlavandann:

//pallvil.blog.is/blog/pall_vilhjalmsson/entry/2186738/

 

 

 

 

 

 

 

Sigmundur Davíð í „samráð við RÚV“

Fall er fararheill. "Sigmundur Davíð er rétt að byrja" sagði faðir hans

Blágrænu og gráu flokkarnir fóru í kosningar með miklar væntingar. Höfðu gert sér háar hugmyndir um að kjósendur myndu gleypa hráar hugmyndir þeirra um skattahækkanir á mesta velmegunarskeiði eftirstríðsáranna. Kastljós ríkisútvarps hóf leikinn með undirspili frá sænskum vinum.

Hér væri vondur forsætisráðherra sem sæti að svikráðum við þjóð sína. Einungis þyrfti að víkja honum úr vegi og þá gætu hinir blágrænu tekið við og mótað draumalandið. Hann stendur eftir keikur og heldur upp á 100 ára afmæli flokksins í sínu kjördæmi. Flautuliðið hefur yfirgefið sviðið. Aðeins Shakespeare gæti gert betur. Öðrum þætti er lokið og framhaldið óráðið.

Sigmundur virðist glöggur á stóru málin og hefur með Sjálfstæðisflokknum gert góða hluti sem speglast í betri hagvexti. Hefur pólitíska yfirsýn sem fáir hafa. Hvort kosningar í vor breyta stöðunni er ekki gefið. Hér er sama að gerast og á meginlandinu. Margir smáflokkar verða að getað náð saman með auknu lýðræði og stjórnvisku. 

Nýútkomin bók Þór Saari hagfræðings um Alþingi Íslendinga gefur ekki mikla von um að lýðveldið Ísland verði stjórnhæft á næstunni.

„Dómadagsvitleysa“ að kjósa

Flýja hörmungar stríðsins og rússneska íhlutun

Afganistar og Sýrlendingar eru þær þjóðir sem hafa þjáðst mest undan erlendri íhlutun síðust árin. Flóttamannabörn frá stríðsþjáðum löndum sem fæðast á Íslandi ættu að hafa meiri rétt en margur annar.

Noregur hefur tekið á móti hundruðum flóttamanna frá Afganistan og veita 3 milljarða aðstoð til þeirra á árinu 2016. Hingað hafa komið aðeins örfáir. Yfirleitt er þetta duglegt og sómafólk.

Hörmungarnar í Sýrlandi ætla engan enda að taka og sýnir hvað samtakamáttur Sameinuðu þjóðanna er lítill þegar á reynir. Stórveldin hafa mótað sína eigin hentisemi og beita neitunarvaldi.  

Drengur fæddist Ahmadi-fjölskyldunni

Ár renna að ósi. Tími krónunnar liðinn

Mál er komið, að gefa fyrirtækjum og almenningi leyfi til að taka upp alvörumynt. Verðleggja vöru og þjónustu í evru eða dollar. Krónan hefur lengi verið eins og trúartákn. Mynt sem tekur dýfur á kostnað almennings. 

Einn flokkur, Viðreisn hafði það á sinni stefnuskrá fyrir kosningar að koma böndum á flökt krónunnar. Viðleitni til að skapa hér festu í fjármálum. Tengja krónuna við stærri mynteiningu, sem næsta skref. Aðrir flokkar ættu að geta verið sammála. Enginn tekur af skarið og því er allt óbreytt.

Góð efnahagsstjórn undanfarin ár gefur möguleika á að taka stærri skref í átt að frjálsræði. Með alvörumynt yrðu lífeyrissjóðir að láta af hárri arðsemiskröfu og teysta á árangur fyrirtækja. Geir Ágústsson bloggar um peningastefnu:

 http://geiragustsson.blog.is/blog/geiragustsson/entry/2186202/

 

Gæti stefnt í annað hrun

Ný hugsun. Freskur andblær. USA kemur út úr miðjuryki.

Eftirtektavert er hvað Trump er þakklátur þegar honum er sýndur heiður. Hógvær og auðmjúkur. "Valið skiptir hann miklu máli," eflaust til að ná fram breytingum síðar sem skipta þjóðina enn meiru.

Forsetaþotan er stöðutákn sem Trump telur óþarft, en miðjumenn hrifust af. Hann veit að íbúar Tavian eru undir pressu frá Kína. Tímabært að taka samskiptamál upp á nýtt frá tímum Nixon? 

Rogrigo Duterte forseti Filippseyja er að mörgu leyti líkur Trump. Kemur á óvart og eykur sjálfsálit íbúana með djörfum aðgerðum. Þar er nú mestur hagvöxtur í áratugi. Hann hirtir Bandaríkjamenn þegar það hentar málstað hans. Sækir stuðning til Kína ef það má verða til að styrkja efnahaginn og landsmenn í uppbyggingu.

Mikhaíl Gorbatsjov var maður auðmýktar. Maður sem leysti tug milljóna íbúa undan helsi kommúnista. Maður á réttu augnabli. Landamæri Rússlands voru brotin upp og reynt að ná fram lýðræðisumbótum. Trump er óhræddur við breytingar eins og margir sterkir leiðtogar.

 

Time velur Trump mann ársins

Stjórnarmyndun á Ítalíu löngum verið erfið

Norður-Ítalía stendur á pari við Ísland í þjóðartekjum. Næstum álíka og í Þýskalandi. Íslendingar eru með um 46000 dollara + á hvert mannsbarn. Ítalía er með 35000$. Hafa farið minnkandi á frá 2008, þegar önnur lönd mið-Evrópu hafa farið upp á við í tekjum. Segir mikið um hvernig landinu er stjórnað? 

Gott gengi í Evrópu skiptir Íslendinga geysilega miklu. Evrópusambandið er mikilvægasti markaðurinn. Hvort Renzi nái að koma á breytingum er óvíst, en hann er að leggja mikilvægar línur. Hugrakkur stjórnmálamaður.

 

Renzi heldur í vonina

Táknrænar myndir

Góðar myndir. Gætu verið úr Shakespeare leikhúsi. Í lok sýningar og eftir frumsýningu. Í Belgíu tók meir en ár að mynda ríkistjórn. Á Spáni hátt í ár.

Búið að slíta stjórnarviðræðum

"Stasi" fullkomnað með neti og síma.

Breska leyniþjónustan var löngum iðin, sprengjur og stríðsógn sögð ástæðan. Engin tilviljun að Orwell var breskur. Umboðsmenn almennings, stjórnmálamennirnir hafa ekki þrek eða burði til að berjast lengur. Sigmundur Davíð er á vaktinni en má síns lítils. Settur út af sakramentinu hjá RÚV af öflum sem ná langt út fyrir landsteinanna. Hrægammasjóðum?

RÚV og fjölmiðlar ríkisins, 56% af markaði eru duglegir að móta ríkisvæddan netmanninn. Sjálfstæð blöð og frjálsar útvarpstöðvar berjast enn við risann, en samkeppnin er óhagstæð.

Hér er frásögn RÚV af fundi Erlu Bolladóttur með fjölmiðlum, á nýrri sviðsmynd Geirfinnsmálsins. 

"Komin er fram ný ábending í Guðmundar- og Geirfinnsmálum og hefur lögreglu verið falið að taka rannsaka málið og taka skýrslur.  Þetta hefur orðið til þess að Endurupptökunefnd, sem hafði tilkynnt að hún myndi skila niðurstöðu sinni í þessum mánuði hefur nú tilkynnt sakborningum í málunum og lögmönnum þeirra, að starfi nefndarinnar ljúki ekki fyrr en eftir áramót.

 

Þessi ábending eða öllu heldur hvaðan hún er komin, þykir, samkvæmt heimildum fréttastofunnar, þess eðlis að full ástæða sé til að rannsaka hana. Fyrr á þessu ári bárust nefndinni ábendingar sem rannsakaðar voru, en þær munu ekki hafa haft nein úrslitaáhrif á störf nefndarinnar. Sex ungmenni voru á sínum tíma dæmd fyrir aðild að hvarfi Guðmundar Einarssonar og Geirfinns Einarssonar. Sakborningarnir fóru fram á að málin yrðu endurupptekin."

 

Orwell skorti framtíðarsýn

Tony Blair i slæmri stöðu eins og Bretar með Brexit

Theresa May er með athyglisverð markmið. Sækir fylgi til Verkamannaflokksins. Hún kollvarpar engu og finnur eflaust farsæla lausn. Á endurminningadeginum um stríðsátök og fórnir 13. nóvember síðastlinum bar ekki mikið á Tony Blair við athöfnina hjá Whitehall. Hinsvegar komu margir feður og mæður fram í sjónvarpi, sem misst höfðu syni og dætur í stríðsátökum. 

Það verður þungur róður fyrir Blair að komast aftur til áhrifa og ná árangri. Íraksstríðið voru dapurleg mistök sem menn eru enn að læra af. Kann að vera að margir líti á stríð sem fórnarkostnað og að Blair eigi að akta sem hermann. Líkt og Marcos sem yfirmaður herafla á Filippseyjum þegar kommúnistar reyndu að komast til áhrifa. Með vopnum frá Kína og stuðningi.

Marcos var jarðsettur í þjóðargrafreit sem hermaður, aðallega fyrir að berjast við Japani. Tony var stjórnmálmaður í lýðræðisríki sem átti að ígrunda ákvörðun um stríðsátök. Færa rök fyrir því að senda unga menn á vígvöllinn. Hann hefur ekki enn getað sýnt fram á að hann hafi verið blekktur af stjórn Bush. 

Skilaboð frá Trump eru að Evrópa og Bretland verða að taka sínar sjálfstæðu ákvarðanir þegar kemur að herafla og vörnum. Nóg sé komið af mistökum í utanríkismálum og stríðsátökum hjá Bandaríkjamönnum. 

 

Blair hugar að endurkomu