"Gangi honum vel en ekki of vel"

Sagði sagnfræðingurinn Guðni og forsetaframbjóðandi í morgunútvarpinu við hinum óvæntu tíðindum um framboð Davíðs Oddssonar. Spennufall varð í sunnudags umræðuþættinum á Hringbraut "Social-Media" eins og einn háskólakennarinn orðaði það í morgun. Fréttir morgundagsins voru óvæntar og ollu straumhvörfum í hinni pólitísku umræðu. RÚV fann einn álitsgjafa norðan heiða sem skilgreindi baráttuna sem kosningu milli kynslóða. 

Á næstu dögum kemur í ljós í könnunum hver er líklegastur til að sigra í forsetakosningum. Vinstrisinnaðir fréttamenn á "Socialist-Media" fjölmiðlunum munu sameinast um Guðna Th. Jóhannesson. Áhrifavald sjónvarps verður afgerandi fyrst um sinn en það mun fjara út þegar nær dregur kosningum. Ef Davíð Oddson sigrar í forsetakosningunum mun það hafa áhrif á úrslit næstu Alþingiskosninga. Forsetaembættið hefur alltaf verið tákn um valdajafnvægi og hver vill ekki hafa varnagla á ef allt fer á versta veg.

Hvernig sem umræðan þróast mun Davíð Oddsson verða líklegur til að sigra. Engan stærðfræðing þarf til að sjá að líkurnar eru talsverðar þegar þrír turnar berjast um athyglina. Úrslit 40-30-20 eða 35-25-30 prósent milli þriggja. Aðrir frambjóðendur fá þá 10 prósent atkvæða.

 

 

 

 

Davíð býður sig fram til forseta

Trump sigrar með stílbrögðum sjónvarps

Yfirburðaþekking Trumps á leikbrellum í sjónvarpi flýta fyrir sigri hans. Eins og margir stjórnmálamenn á tuttugustu öldinni býr Trump til sinn eigin raunveruleika sem gengur í fjöldann. Ekki sakar að hann kemur fram á sviðið óháður innsta hring flokksmaskínu sem öllu vill stjórna.

Glæsilegur á velli og hörkuduglegur baráttumaður sem kjósendur laðast að. Flokkssamkomurnar í Bandaríkjunum eru sýndarveröld þar sem draumar manna birtast. Hver vill ekki sjá sterkari þjóðríki sem veitir fleiri atvinnu. Ríki sem býður upp á sterkan leiðtoga.

Margir hafa sagt að það séu tvær hliðar á uppákomum Trumps. Hófsamur málflutningur og svo æsileg sýndarmennska, allt eftir því hvernig landið liggur í kosningabaráttunni. Áhugavert verður að fylgjast með málflutningi hans þegar nær dregur kosningadegi. 

Hvaða tromp hefur Trump?

Aflandseyjar í vestri?

Norskir sjófarendur og skipasmiðir lögðu grunninn að fólksflutningum vestur um haf. Sú saga hefur ekki verið nema að litlu leiti skráð. Landlausir Norðmenn og Íslendingar á Grænlandi skópu sögu sem er ekki öll sögð. Mikið vantar á en það sem var skráð var ritað á Íslandi. Ísland var ekki numið árið 874 heldur mun fyrr, sumir segja 720.

Eiríkur Gnúpsson var fyrsti biskupinn á Grænlandi og fór til Vínlands segir í Gottskálsannáli 1121. Eftir för hans vestur rofnar sagan og heimildir hverfa. Það sem var skráð um sögu víkinga í Grænlandi var mikið tengt Noregi og siglingum til Suðureyja.

 

Stærsta víkingaskipið á leiðinni

Djarfur og skynsamur

Bæringur var óvæntur frambjóðandi með alþjóðlegt viðmót. Hefur ratað víða og býr yfir mikill reynslu af stjórnarstörfum. Fyrst kosningalöggjöfin býður ekki upp á meirihlutakosningu forsetaframbjóðenda er betra að skynsemi ráði för.

Betra er að fækka framboðum en fjölga. Bæringur Ólafsson gaf í upphafi út yfirlýsingu um að hann vildi ekki fara móti ríkjandi forseta. Kosningaúrslitin geta samt sem áður verið óútreiknanleg þar sem ekki er farið fram á að forseti hafi meirihluta atkvæða.

Frambjóðendur endurmeta stöðuna

Þess sem ekki er getið

Ekkert um jöfnun atkvæðisréttar. Áherslur flokkanna einkennast af miðjumoði og óljósri atkvæðaleit. Engar ráðstafanir til að lækka vexti og skapa jöfnuð á húsnæðismarkaði. Formaður sjálfstæðismanna er með frumvörp full af ívilnunum til þeirra sem vilja vera í styrkjakerfi.

 

Umhverfisráðherra sagðist ætla að hækka gistináttagjald sem einungis hluti ferðamanna greiðir. Ekki er að sjá að sú hækkun sé í þessari upptalningu enda óvinsæll skattur. Skattar á gistingu eru hærri hér á landi en í Noregi.

Ekkert frumvarp er um aukna menntun til handa fólki sem vill taka þátt í ferðamennsku. Engin sérskóli fyrir hótelrekstur eða stærsta atvinnuveginn annað en matreiðslu og þjónaskóli?

 

Ekkert frumvarp frá menntamálaráðherra um jöfnun samkeppnisaðstöðu á fjölmiðlamarkaði? Nú þegar ljóst er að stærstu fjölmiðlarnir, Ríkissjónvarpið og 365 miðlar eiga mestan þátt í núverandi stöðu á Alþingi og styttingu kjörtímabilsins er þörfin brýn.

 

Málaskrá ríkisstjórnarinnar birt

Vaknað upp við vondan draum

RÚV er ríki í ríkinu. Getur í krafti gífurlegs áhrifavalds sjónvarps farið fram með furulegustu hluti. Næst RÚV koma 365 miðlar. Starfsvettvangur þeirra eru aðal aðdráttaröfl fyrir vinstri menn sem vilja koma skoðunum sínum á framfæri.

Þegar leiklistarstjórnandi er við völd er hægt að sviðsetja nánast hvað sem er með vélabrögðum. Hvort sem menn eru meðvitaðir eða ekki um dulargerfið. Fullkomlega löglegir gjörningar geta með æfðu handbragði orðið að torkennilegum uppákomum.

Þegar kjörtímabil löglegra stjórnvalda er stytt með leikfléttu er lýðréttindum raskað. Fyrr eða síðar kemur að því að leikreglum verður að breyta. Takmarka völd einstakra fjölmiðla og dreifa valdinu á fleiri. Aðgerðaleysi núverandi menntamálaráðherra í valddreifingu fjölmiðla kemur í bakið á núverandi stjórnarherrum.

 

Guðni Th.: Fyrsta sem ég sá var Ólafur Ragnar

Vinstri slagsíða á fjölmiðlum

Nú er orðið augljóst að 5-10% þjóðarinnar getur neytt stjórnvöld til að fara frá áður en kjörtímabilinu lýkur? Í búsáhaldabyltingunni var prósentan hærri. Vinstrimenn eru líklegir til að endurtaka leikinn þegar þeim hentar.

Sama hvert litið er eru vinstrimenn afgerandi um skoðanamyndun á fjölmiðlum. Í Bretlandi eru vinstri menn í meiri hluta hjá BBC, þótt þess gæti ekki eins og hjá RÚV eða Stöð 2. Í Noregi eru viðtöl við leynispyrjandann og faðir Bjarkar Guðmundsdóttur eins og þeir væru þjóðhetjur. Í Noregi yrðu stjórnmálamenn að semja og gætu haldið út kjörtímabilið þótt brotsjór kæmi á bátinn. 

Ungur og óreyndur forsætisráðherra er tekinn á beinið í fjölmiðlaleik. Það góða við ráðherrann er að hann er ungur og getur náð sér á strik aftur. Fall er fararheill, segir í Heimskringlu Snorra.

Vilji ekki heyra „sannleikann“

Eins og risa gámaskip rísi upp á endann

Ótrúleg framtíðarsýn arkitekta, raunhæf og þarf ekki að vera langt undan. Kælitæknin er stormasöm og köld íslensk veðrátta. Hitinn frá gagnverinu fer burt með vindum? Vindstyrkurinn hér getur verið mikill. Verkefnið er því áskorun til verkfræðinga og hönnuða.

Kælingin er eflaust stærsti ávinningurinn með því að setja upp slík gagnaver á Íslandi. Miðlæg staðsetning eins og er, en það getur tekið breytingum. Endurnýjanlegan orkugjafa má fá með að hýsa gagnverin í stórum vindmyllum. Þá kemur vindstyrkurinn aftur til sögunar. Á úthafseyju er nýting vindmylla ein sú besta.

Nú vantar orkubloggara til að halda áfram með að viðra möguleikana. Ketill Sigurjónsson var iðinn en er nú þagnaður. Evolo hönnuðir sýna framúrstefnuhugmyndir sem hafa tekið stóran kipp með tölvutækni. Þróunin er ör og ungir tölvugúrúar verða hafa sig allan við til að  ná í skottið á þeim sem leiða þróunina. 

 

 

Vilja risastóran gagnaturn á Íslandi

Veldur hver á heldur

Spotlight-myndin um barnaníð innan kaþólsku kirkjunnar hefur hlotið margvíslega umfjöllun. Í Fréttatímanum 21.janúar spyrðir aðstoðarritstjóri blaðsins Þóra Tómasdóttir hana við Landakotsskóla sem var í umsjá kaþólsku kirkjunnar. Getgátur eru hafðar uppi um að ungur prestur við kirkjuna hafi látið undir höfuð leggjast að rannsaka ásakanir á hendur skólastjóranum 1990 um barnaníð. 

Eftir nánari útlistanir klikkir blaðakonan út með að segja:" Séra Patrick er enn starfandi við kaþólsku kirkjuna." 

Býsna rætin athugasemd um vinsælan prest og á ekkert skylt við Spotlight, Óskarstilnefndu myndina. Blaðamennirnir á Boston Globe minnast hvergi á kaþólska presta á Íslandi en hefðu eflaust gert það ef sannanir hefðu legið fyrir um eitthvað misjafnt.  

Karl Blöndal aðstoðarritstjóri á Morgunblaðinu segir: Í lok mynd­ar kem­ur lang­ur listi yfir staði þar sem prest­ar kat­ólsku kirkj­unn­ar hafa orðið upp­vís­ir að barn­aníði. Reykja­vík er ekki á þeim lista, en kast­ljós fjöl­miðla hef­ur beinst að kat­ólsku kirkj­unni hér á landi vegna ásak­ana um barn­aníð í Landa­kots­skóla á sjö­unda, átt­unda og ní­unda ára­tug liðinn­ar ald­ar. Breiðavík kem­ur einnig upp í hug­ann. Um leið má velta fyr­ir sér hvort eitt­hvað sam­bæri­legt í okk­ar sam­fé­lagi í dag sé látið liggja í lág­inni sem síðar muni vekja furðu að hafi verið látið viðgang­ast.

Það er lenska á Íslandi að setja allt í samhengi við það sem er að gerast út í hinum stóra heimi við okkar litla túngarð. Ágætt sem það nær en við höfum aldrei komist inn á rauðan dregill í L.A. Hversu mikið sem okkur langar að vera í Kastljósinu. Landakotskóli var fyrir nokkrum árum gerður að séreignastofnun. Það var mikill breyting, en skólinn hefur fengið orð fyrir að vera einn besti barnaskóli á Íslandi. Kirkjan tekur breytingum eins og annað í þjóðfélaginu.

Kaþólskir prestar hafa ekki styrk frá fjölskyldum til að standa í mótbyl óbilgjarnar umræðu. Þeir hafa undirgengist strangar trúarreglur og sinna störfum sínum af trúfestu. Söfnuðurinn sem telur um tíuþúsund manns á Íslandi treystir og trúir að leiðandi prestar séu trúr köllun sinni.  

 

Níðingsverk í skjóli kirkjunnar

ISIS upprunnið frá Sádi-Arabíu

Hryðjuverkin í Brussel endurspegla svartasta afturhald í Sádi-Arabíu. Þar sem menn eru hálshöggnir á götu úti og svartklæddar konur barðar. Tugir manna hafa verið líflátnir frá áramótum fyrir mótmæli og tjáningu á netinu.

Atgangurinn og grimmdin er meiri en í nokkru einræðisríki. Ferðamönnum er bannað að koma inn í ríkið og ljósmyndun á götum úti stranglega bönnuð. Vestræn lönd hafa selt Sádum nýtísku vopn sem notuð eru til að berja niður frelsisanda t.d. í Jemen.

Sádi-Arabía hefur fjármagnað ýmsa hryðjuverkstarfssemi á Vesturlöndum. Moskur eru byggðar fyrir fé frá þeim, en í þeim er boðað að kristin trú sé af hinu illa. Til að bæta gráu ofan á svart undirbjóða Sádar olíuverð. 

Sjálfstæðar sjónvarpsstöðvar (ITV) og upplýsingamiðlar í Englandi hafa eftir hryðjuverkin í Brussel ekkert dregið undan. Bretar eru þekktir fyrir þjónkun við Araba, en nú þykir þeim nóg komið. 

Evrópsk gildi helstu skotmörk