Baráttuhugur þegar aðrir lyppast niður undan neikvæðri umræðu

Ótrúlegur kraftur hjá Birni Leifssyni, World Class líkamsræktarstöð, þegar aðrir gefast upp og draga sig í hlé. Hann tók það sérstaklega fram í ítarlegu viðtali á Útvarpi Sögu að veirusmit sem mætti rekja til hans líkamsræktarstöðva munu hafa verið 3 - 4 smit á 3 milljón komugesti. Daginn eftir birtust sérlega rætnar athugasemdir um stöð hans í Fréttablaðinu frá lesendum. 

Björn taldi að opinberir lokunarmenn hefðu dregið alla í sömu dilka, þá sem gættu fyllstu varkárni og hinna sem sýndu minni aðgæslu eða fylgdu ekki eftir reglum. Enn er sóttvarnarlæknir að biðja um auknar lokunarheimildir hjá ráðherra án þess að nægilegar röksemdir fylgi. Atvinnurógur myndi margur segja.

Alvarlegustu mistökin eru að eiga sér stað hjá ríkisreknum öldrunarspítölum og hælum. Sömu glappaskot og urðu hjá Svíum fyrir mörgum mánuðum þegar hinir elstu og veikust dóu. Þar hefur verið tekin upp önnur stefna í baráttunni við veiruna sem vekur athygli víða um lönd.

Líkamsrækt er einkum mikilvæg fyrir nemendur, innisetumenn og skrifstofumenn. Það er því þverstæða í aðgerðum heilbrigðisyfirvalda að loka íþróttahúsum þar sem engin snertihætta er við aðra gesti. Ef tæki notuð öll tæki sprautuð bak og fyrir með veirudrepandi efnum. 

Þeir sem vinna að útiveru og fjöldaíþróttum styðja við heilbrigðiskerfið, með meiri líkamlegri þjálfun fækkar læknisheimsóknum og spítalavist. Við starfsemi þeirra eiga opinberyfirvöld að styðja. Varla getur það verið farsæl stefna að draga enn fleiri á bætur og til atvinnumissi ef ekki er brýn þörf á. 

Segir engin ummerki um misbrest