Völt og veik stjórnsýsla afrakstur Alþingis

Vinstri stjórn Jóhönnu lagði á yfir 100 skatta og setti mörg lög sem ekki stangast á við mannréttindasáttmála Evrópu. Skattalögregluvald hvort sem það er hjá Seðlabanka eða í höndum óábyrgs skattarannsóknaryfirvalda var hert og aukið. Embættismönnum var svo ætlað að fylgja eftir hertum lögunum sem reynist nánast óframkvæmanlegt nema með skerðingu á réttindum borgara.

Alið var á hatri í garð sjálfstæðs atvinnureksturs sem nú er að koma skýrar í ljós í verkfallsátökum. Tugir skattrannsóknarmanna hafa verið á fullu í nær áratug til að koma sökinni á þá sem taka þátt í atvinnulífinu og bankasýslu. Fjármálaráðherra hefur aukið á fé til rannsókna en afraksturinn er lítill og ekki í samræmi við tilkostnað. Yfir hundrað málum hefur verið vísað frá af æðra dómsvaldi. 

Afurðin er afkvæmi Alþingismanna sem vita takmarkað um hvað á að hafa forgang og hvað er ekki hlutverk löggjafans í lýðræðisríki. Alþingismanna sem ekki hafa verið í nánu sambandi við það sem er að gerast í löggjöf á meginlandinu. Nú er að sjá hvaða flokkar munu rétta af skútuna í þessum efnum, afnema óþarfa lagabálka og bæta borgararéttindi. Aðhald kann að vanta frá kjósendum, en ekki er að sjá að mikið gerist á næstunni.

Afskipti Seðlabankans „óforsvaranleg“