Stór eldfjallagarður

Svæðið frá Heiðmörk, Vífilsstaðahlíð og að Bláfjöllum er eldfjallagarður, ekki síður merkilegur en Þingvellir jarðsögulega. Rauðhólar, Selgjá, Búrfellsgjá, Búrfell og landið allt að Þríhnúkum. Helgafellið og Valahnúkar að Bollum og Þríhnúkum þarf að tengja betur saman og gera að eldfjallagarði. Svæðið er þegar vinsælt útvistarsvæði göngufólks og hestamanna. 

Oft rífur aðeins kyrrðina á þessu svæði fuglasöngur smáfugla. Við Maríuhella eru oft kvikmyndamenn með upptökur og hestamenn fara rólega um reiðstíga, með leiðsögumönnum talandi á erlendar tungur. Þarna neðst við innganginn að Heiðmörk er oftast skjól og mikill náttúrufegurð.

Skipuleggja þarf vandlega akstursleiðir með bílastæðum og malbika. Þá væri kominn þjóðgarður á borð við marga merkilega erlendis. Sameiginlegt átak höfuðborgarsvæðisins með samtökum ferðamála? Þríhnúkar og Bláfjöll yrðu þá kórónan á verkinu.

 

Þúsundir ferðamanna í Þríhnúkagíg