Grínistinn og fulltrúalýðræðið

Viðtal Helga Seljan við Jón Gnarr grínistann og listamanninn var með ágætum, samtal sem hæfir skopmynd, klippt eða óklippt. Borgarstjóranum er auðsjáanlega meinilla við að leggja byrðar á alþýðufólk og hann ákveður að yfirgefa skútuna í tíma. Aðspurður vill hann ekki verða í forsetaframboði. Lélegur í veislum og hanastélsboðum.

Embættismenn eiga að hans mati að ganga um sjálfala í skóginum með skatta og gjalda krónurnar á bakinu, týna úr pokanum og dreifa í verkefni. Framkvæmdastjóri borgarinnar, borgarstjórinn á ekki að bera ábyrgð á fjárhirslum borgarinnar. Öllu er vel stjórnað og gríðarlegur árangur við að koma Orkuveitunni á réttan kjöl. Það er rétt svo langt sem það nær. Aðkoma Besta flokksins var slæm.

Forveri hans keypti húskumbalda á ofurverði við Laugaveg og nú vill Minjavernd selja uppgerðar torfur til að fá krónur í kassann. En eitthvað er bogið þegar leikskólabyggingar kosta um eina milljón króna hver fermetri. Sama gildir um tengingu borholu Hverahlíðar við Hellisheiðavirkjun, þar á hver metri af rörum að kosta um 500 þúsund.

Maður sem vill aftur verða með tvö þúsund á klukkutímann sem grínisti veit hvað klukkan slær. Kveður í auðmýkt og með 40% fylgi.

Björt framtíð fengi sex í borginni