Stór hluti sviptur kosningarétti

Samstöðuleysi smáflokkanna var algjört. Komu of seint með framboðin og vildu koma sínu fólki framarlega á lista í stað þess að semja um einn lista. Með núverandi kosningalögum þykir það í lagi að 10 -20% kjósenda séu sviptir kosningarétti. Rökin fyrir 5% reglunni voru tekin upp eftir Tyrkjum og Þjóðverjum. Þjóðum sem eru nærri 300 sinnum fleiri en Íslendingar. Í öðrum vestrænum löndum eru ekki jafn miklar takmarkanir á atkvæðisrétti. 

Talsmönnum stóru flokkanna þykir þetta hið besta mál. Íslandshreyfing Ómars Ragnarssonar kom engum manni á þing enda þótt flokkurinn væri nálægt 5% markinu. Menn láta allt yfir sig ganga í þessum efnum. Það var ekki ljóst fyrr en undir morgun að Píratar næðu 5% markinu. Píratar hefðu átt að koma fjórða manninum inn ef atkvæðamagn væri það sama og hjá Framsókn að baki hverjum þingmanni. Framsókn er með um 2400 og Píratar nærri 3200 atkvæði á þingmann.

Baktjaldamakkið á Alþingi virðist jafnvel þingmönnum ekki ljóst. Á seinustu dögum þingsins var samþykkt að veita milljarða ríkistyrk til Kísilvers á Bakka. Skiptimynd í samkomulagi um að ljúka störfum þingsins? Á Norðurlöndum verða menn að semja á jafnréttisgrundvelli, annars er kosið um mál í þjóðaratkvæðagreiðslum. Píratar geta haft áhrif á starfsumhverfi Alþingis.

Hægt að skapa þverpólitíska sátt