Sjónarspil í gangi, ójafn leikur

 

 

Vinstri grænir leggja nú ríkisstyrkinn dag hvern í að kaupa auglýsingar á miðopnu Fréttablaðsins. Forkólfar þeir fá líka vel inni á greinasíðum blaðsins. Ekkert undarlegt við að þeir auki fylgi sitt í skoðanakönnun sama blaðs. Flokkur heimilanna er líka með aukningu, en þeir ráða yfir og beita útvarpsstöð til að kynna flokkinn. Framsókn á líka netmiðill og sterka stuðningsmenn með fjármagn. Fortíðardraugar þeirra í lestinni eru gleymdir kjósendum.

Þar fyrir utan er foringi þeirra skynsamur og frambærilegur maður. Skipulagsfræðingur sem á auðvelt með að rugla fólk í glæsilegu völundarhúsi kosningaloforða. Hann valtar yfir smáflokkana. Stóru flokkarnir hafa sameiginlega jarðað stjórnarskrána og leggja nú áherslu á lækka skatta þótt engin innstæða sé í sjónmáli.

Píratar eru í raun sigurvegarar í þessari kosningabaráttu. Hafa náð að vera sýnilegir á netinu og trúa á að netið verði til að frelsa heiminn úr stjórnmálum loforða. Píratar og Lýðræðisvaktin hafa möguleika á endasprettinum en baráttan verður erfið, nema kjósendur sjái lengra fram í tímann. Beint lýðræði er lausnin á vandræðagangi kjósenda sem ráfa um í fjölmiðlaneti fjórflokksins. 

 

 

 

Þriðjungur vill Sigmund Davíð

Athugasemdir

[rhansen, 18.4.2013 kl. 10:41]

það er bara alltaf einn sem hefur vinninginn og þvi verða aðrir að hlyta ...svo hvaða ójöfnuður er það ? ..!!