Sagan endalausa

Einangrun í meir en þrjá til fimm daga er yfirleitt ekki beitt í réttarríkjum er haft eftir Gísla H. Guðjónsyni prófessor. Hvergi nema á Kúbu í Guantanamo eru álíka pyntingar stundaðar og hér viðgengust. Sævar var 615 daga í einangrun. Erla Bolladóttir var yfirheyrð í meira en 12 tíma á dag. Ung kona sem átti ungabarn og óttaðist stöðugt um velferð þess. Engin kona mótmælti.  

Enginn saksóknari var látinn bera ábyrgð á þessum pyntingum. Enginn hæstaréttardómari sem kvað upp hinn endanlega dóm virtist meðvitaður um mannréttindayfirlýsingar sem bönnuð alla þessa mannlegu vanvirðingu og pyntingar. Sakadómur Reykjavíkur rannsakaði og dæmdi í þessu sama máli.

Nefndin leggur til að ríkissaksóknari ákveði hvort taka eigi málið upp að nýju. Embættið sem brást. Ef það gengur ekki eftir á Alþingi að taka af skarið. Væri ekki nær að alþingismenn og nefndir myndu spyrja dómsmálaráðherra hvernig ástandið er í dag með einangrun og gæsluvarðhald. Tugir sérfræðingar hafa verið tilkallaðir til að fara yfir þessi afglöp lögreglu og dómsvalds í áratugi. Endalaus umræða sem ekki leiðir til niðurstöðu af því ráðamenn komast upp með að vaða elginn. Allt á kostnað almennings sem á að búa við réttaröryggi.

Umfjöllun í Ríkisútvarpinu í dag um störf nefndarinnar var yfirborðskennd eins og svo oft áður.  

 

„Ekkert hjarta“ í Sævari