Aðgát skal höfð í upphafi ferðar

Óskiljanlegt þegar gönguhópar fara á há fjöll um vetur þegar allra veðra er von. Ferðafélagið auglýsir mikið gönguferðir um helgar á fjöll um hávetur.  Þegar Útivist heldur sig við strendur og á láglendi fyrstu mánuði ársins.

Hæðarmunurinn skiptir öllu máli. Jafnvel að sumri getur verið viðsjárvert að klífa fjöll í þoku og rigningu. Farastjórar eru misjafnlega undirbúnir og á stundum vantar góð kort. Í slagveðri blotna flestir inn að skinni og kólnunin er ör ef menn eru ekki vel klæddir. Sjálfur hef ég verið með í hóp þar sem farastjóri vissi ekki hvar átti að fara niður af 1000 metra háu fjalli í þoku og rigningu. Niður brattar skriður og við hála móbergshjalla. Það var svo ekki fyrr en ein stúlkan sagði upphátt að hún væri dauðhrædd og orkaði ekki að fara lengra, að snúið var við. Fyrir neðan snarbratta lausa grjótskriðuna voru klettar og mörg hundruð metrar niður að árfarvegi.  

Á haustin dimmir fyrr og oft má engu muna að menn nái í áfangastað fyrir myrkur. Gott er að vita af björgunarsveitarmönnum sem ávallt eru tilbúnir til leitar, en einstaklingar og hópar eiga að bera ábyrgð á ferðum sínum. 

Mikill viðbúnaður við Esjurætur