Frábær skemmtun

Danskeppni unga fólksins í kvöld sýndi bestu hliðar sjónvarpsins. Sjónvarpssalurinn var magnaður spennu og tilþrifum. Hraða, yndisþokka og fjaðurmagni. Ljósadýrð sem ekki hefur sést áður í sjónvarpi. Innsýn inn í dansinn sem tjáningar og listform undir leiðsögu geislandi dómara var upplifun út af fyrir sig. Mikið af lýsingarorðum sem eiga vel við þegar margt ungt fólk stígur sín fyrstu spor í sjónvarpi. Það þarf áræði og þor til að sýna í hvað einstaklingum býr. Þeir sem hafa staðið að sýningunni eiga þakkir skyldar að ógleymdum stjórnandanum. Skreytilist og búningar komu sannarlega að óvart. Eina sem skyggði á sigur Berglindar var skilti út í sal, hvatning um kosningu sem hún hefði getað verið án.

Berglind Ýr sigurvegari

Athugasemdir

[hilmar jónsson, 10.12.2011 kl. 23:14]

Já og Gunni Helga var alger gullmoli. Svo frjálslegur, einlægur og eitthvað svo blátt áfram....Hmmm sagði ég þetta í alvöru ?

[Sigurður Antonsson, 11.12.2011 kl. 09:37]

Sæll Hilmar

Gott fyrir sálartetrið að hafa menn eins og Gunnar. Dálítið Xfaktor í þessu en líklega meðalið sem nútíminn þarf. Trumpáhrifin leyna sér ekki, eru alltaf árangurstengd. Á tímum Facebook og bölmóðs getur sjónvarpið áorkað miklu með léttleika. Hvar eru ungu grínistarnir? Líklega betra að hafa þá á launum hjá skemmtideildinni heldur en í borginni.