Glansfréttir ber að varast

Landinn er alltaf á skotspónum eftir umtali og umhugað hvað öðrum finnst um eylandið mosagræna. Hagstofan birtir mánaðarlegar tölur um komu ferðamanna og því auðvelt að láta blekkjast. Mörg hótel eru í eigu banka eða félagssamtaka sem standa í samkeppni við einkaaðila. Hótelnýting fer minnkandi á Reykjavíkursvæðinu og er komin undir 50% meðaltalsnýtingu. Ekki má sjást autt hús í miðborginni án þess að þar sé innréttuð gistiaðstaða. Hið opinbera ætti ekki að byggja lúxus hótel í samkeppni við þá sem greiða öll opinber gjöld af gistihúsum sínum. Út á landi er ferðamannatíminn víða stuttur og ber illa uppi fjárfestingar í gistiaðstöðu.
Lengja þarf ferðamannatímabilið svo að útgerðin beri sig. Ótrúlegar perlur eru út um allt land og þangað er gott að koma, jafnvel í roki og rigningu ef laug og afþreying er annars vegar. 

Ísland nýtur aukinna vinsælda