Furðusögur dagsins

Í Kastljósi kvöldsins var sagt frá íslenskum manni sem hafði dvalið 27 ár í ensku einangrunarfangelsi. Sighvatur Björgvinsson fyrrum heilbrigðisráðherra tiltók líka að hann hafði komið upp aðstöðu á Sogni til að taka á móti geðsjúkum föngum. Í andstöðu við íbúa svæðisins og lækna á geðsviði. Heldur döpur var sú niðurstaða Sighvats að ráðherra bæri alltaf ábyrgð. Ekki samfélagið eða undirmenn?

 

Á blautum haustdegi 2011 er ungur maður sem áður hefur verið úrskurðaður geðveikur dæmdur í 16 ára fangelsi af Hæstarétti. Af myndum í fjölmiðlum er ekki að sjá annað en að maðurinn sé ekki í tengslum við veruleikann. Óbreyttir eiga ekki að hafa skoðun á málinu þó flestir sjái að þarna er misræmi. Lög og raunveruleiki eru sitthvað.

 

Nú er ný kynslóð að fara fram á að  Guðmundar- og Geirfinnsmálið verði tekið upp aftur. Sá böggull fylgir skammrifi að þeir menn sem dæmdu í því máli eru líklegir til að hafa úrskurðarvald um endurupptöku. Þegar hafa nokkrir valdamenn í rannsóknar- og dómskerfinu lýst því að Sakadómur sé óskeikull. Stofnun sem rannsakaði og dæmdi í sömu málunum. Þá má ekki gleyma lýsingum fangelsisprest af Síðumúlafangelsinu og ótal annarra sem er misboðið.

 

Sakhæfi er lögfræðilegt hugtak

Athugasemdir

[Bernharð Hjaltalín, 14.10.2011 kl. 07:39]

Sæll Sigurður, allir sem fremja svona glæp eru geðveikir en þessi glæpur var framin á löngum tíma ekki í bræðikasti, glæpamaðurinn var búin að vingast við fórnarlambið til að ná í unustu hans.

Það hefði orðið hræðilegt fyrir ættingja og vini Hannesar ef morðinginn hefði verið fluttur af Sogni niður á nýjudeildina á kleppi, og fengið að skreppa í mat á nýja veitingastaðinn KFc við Sæbraut.