Fráveitu og vatnsgjöld eru ekki gamanmál

Gjöld sem taka mið af fermetrum er skattur en ekki gjaldtaka. Hér er í mörgum tilfellum um meira en hundrað prósenta hækkun sem leggst á eignir, hvort sem þær eru í notkun eða ekki. Orkuveitan ætlar að leggja á um 40 þúsund krónur á hverja 100 fermetra íbúð með þessum gjöldum. Í fréttinni kemur ekki fram hvernig 18.5% hækkun er útreiknuð eða hvort þetta er tilkynning frá OR. Á atvinnurekstur í borginni er hér um að ræða nýjar milljarða álögur. Spurningin er hvaðan Orkuveitan kemur heimild til að leggja á þennan nýjan skatt.

Gamanleikarinn Jón Gnarr sem er borgarstjóri hlýtur að þurfa að svara fyrir þessa leikfléttu. Hann á að útskýra fyrir borgarbúum þörfina fyrir hækkun OR á gjöldum sem telja í milljörðum. Hann getur ekki skýlt sér lengur á bak við embættismenn borgarinnar. Álagið á símalínur Orkuveitunnar vegna þessara skattheimtu sýnir að borgarbúum er ekki skemmt.

Hækkar um 18,5 prósent