Til hamingju Davíð með nýja starfið.

Þrátt fyrir mikið andstreymi á söguútvarpinu fékk Séra Davíð brauðið. Fékk kúnstuga rassskellingu í opinberi útsendingu stöðvarinnar. Féll ekki í kramið hjá stjórnendum vegna sköruglega skoðana á innflytjendamálum. Davíð er með breiðan faðm, en ekki líkar öllum vel að prestar hafi fjölbreyttar skoðanir í ræðustól ríkiskirkjunnar. 

Ráðningin sýnir að mál- og skoðanafrelsi ríkir innan kirkjunnar? Er það sóknarnefndin eða sóknarbörnin sem ákveða val á presti?

Í kaþólskum sið halda prestar sig við trúarboðskapinn. Þar þykir flestum ágætt að blanda ekki saman trúmálum og pólitískum skoðunum.  

 

Davíð Þór prestur í Laugarneskirkju

Gæti verið góður kostur fyrir stjórnarflokkana

Stjórnarflokkarnir ríða ekki feitum hesti þótt þjóðarbúið búi við hagsæld. Miðjuframboð þar sem vaxtakrónunni er úthýst höfðar til margra. Viðreisn ætlar ekki að láta landbúnaðinn lönd og leið. Segir betra að styrkja bændur beint, frekar en útvaldar greinar í landbúnaði.

Fjórflokkurinn er ekki vinsæll í dag. Honum hefur ekki tekist að jafna kosningarétt eða leyft að kjósa um hvort sækja á um ESB aðild. Viðreisn gæti ef hún fengi mikið fylgi komið í veg fyrir að vinstri stjórn tæki við eftir kosningar. Það vantar baráttumenn fyrir frjálsan atvinnurekstur.

Flokk sem vill jafna aðstöðumun fyrirtækja sem þurfa að keppa við opinber fyrirtæki. Við erlend fyrirtæki sem njóta ívilnunar og skattleysis.

 

Þorsteinn í framboð fyrir Viðreisn

Gæti verið góður kostur fyrir stjórnarflokkana

Stjórnarflokkarnir ríða ekki feitum hesti þótt þjóðarbúið búi við hagsæld. Miðjuframboð þar sem vaxtakrónunni er úthýst höfðar til margra. Viðreisn ætlar ekki að láta landbúnaðinn lönd og leið. Segir betra að styrkja bændur beint, frekar en útvaldar greinar í landbúnaði.

Fjórflokkurinn er ekki vinsæll í dag. Honum hefur ekki tekist að jafna kosningarétt eða leyft að kjósa um hvort sækja á um ESB aðild. Viðreisn gæti ef hún fengi mikið fylgi komið í veg fyrir að vinstri stjórn tæku við eftir kosningar. Það vantar baráttumenn fyrir frjálsan atvinnurekstur.

Flokk sem vill jafna aðstöðumun fyrirtækja sem þurfa að keppa við opinber fyrirtæki. Við erlend fyrirtæki sem njóta ívilnunar og skattleysis.

„Frjálslyndur hægri krati“

Víkingagen og foringjar

Handbolti og fótbolti eru ruðningsleikir þar sem reynir á snerpu og úthald. Samspil heildar. Sýnir hve Íslendingar geta náð langt sem foringjar meðal Evrópuþjóða. Hér vantar fjöldann til að manna úrvalslið en, nóg er af metnaðarfullum liðsmönnum meðal stórþjóða.

Sjósókn í misjöfnum veðrum og óblítt veðurfar á landi hefur skapað kjarnastofn sem getur sýnt stórþjóðum birginn. Íslensk erfðagreining ætti að getað sagt eitthvað um málið ef gagn er að henni. Hvort hér sé arfur frá víkingaöld?

„Landsliðsþjálfarinn sýndi hugrekki“

Örlagavaldurinn RÚV?

Fréttamenn RÚV geta orðið erfiðir Sigmundi Davíð. Í hádegisfréttum RÚV er vitnað í Lilju Alfreðsdóttur. Orðum beint að henni eins og hún hafi tekið við keflinu af formanninum þegar spurt er um framúrhlaup Eyglóar. 

Stjórnmálamenn margir hverjir vanmeta pólitísk áhrif RÚV. Fjölmiðillinn er að verða þeim ofjarl og allri lýðræðislegri umfjöllun. Fréttastofan og Kastljós hafa yfirburðastöðu og meira fjármagn en nokkur annar fjölmiðill.

Vinstrimenn í Kastljósi komu Sigmundi út af sporinu, þar sem hann er enn að vinna úr sínum málum. Þrátt fyrir að hann hafði sýnt með Sjálfstæðisflokknum að hann hefur náð framúrskarandi árangri. Búsáhaldabyltingin var bökkuð upp af RÚV og svo má lengi telja.

ÍNN er merkilegur fjölmiðill og drifinn áfram af einkaframtaki. Allir virðast getað komið þar að pólitískri umræðu. Meira en í boði er hjá ríkismiðlinum. ÍNN keppir við RÚV um fjármuni frá fyrirtækjum á frjálsum auglýsingamarkaði. Þarna er leikurinn ójafn eins og í öðrum samanburði. 

 

 

Sigmundur vill leiða flokkinn áfram

Ráðherra þjófstartar. Ætlar að ná sér í prik.

Dæmigert mál þar sem stjórnarandstæðan og starfsmenn RÚV reyna að tileinka sér lausn á húsnæðismálum án þess að hafa úrlausnir. Allt snýst þetta um ónýta krónu og vexti, en fjórflokkurinn hafa engar lausnir í þeim efnum. Ekki má tengja krónuna við dollar eða evru. 

RÚV hefur í nær öllum fréttatímum og kastljósi reifað málsatvik og gert mikið úr áliti Bjarna fjármálaráðherra. Fengið talsmenn úr háskólasamfélaginu til að tjá sig um mál sem engu skiptir og byrjaði á facebook. Öllum finnst sjálfsagt að tjá sig á erlendum miðlum og ríkisreknu útvarp/sjónvarpi.

Fjölmiðlum sem ekki greiða skatta hér á landi. Sýnir hve umræðan er brengluð um þingmann sem ætlar að komast aftur á þing hvað sem það kostar. Umræðan snýst ekki um alvörugjaldmiðill sem gæti gert ungu fólki kleift að eignast húsnæði, án hárra vaxta.

Ræddu ekki ákvörðun Eyglóar

Áhrifamiklar ákvarðanir?

Taflið framundan er mikilvægt fyrir stjórnarsamstarfið og framhaldslíf ríkisstjórnar. Píratar og vinstrimenn með aðstoð RÚV hafa verið iðnir við kolann. Notað hvert tækifærið til að finna ástæður til að stytta líf stjórnar sem er með góðan meirihluta.

Ef þetta er lýðræðið sem Píratar bjóða upp á er það ekki upp á marga fiska. Vandræðin í rekstri borgarinnar halda áfram, en þar eru Píratar oddamenn og bera ábyrgð. Ef þingkosningar fara eins og skoðanakannanir segja nú verður samdráttarskeið með nýrri stjórn.

Þungavigtarmenn Framsóknar eru að norðan og hafa viljað sjá ríkisstjórnina starfa út kjörtímabilið. Ljóst er að flokkurinn þarf á öllu sínu að halda til að fara ekki út af sporinu.

Þingmenn Framsóknar funda í kvöld

Grimmur og blóðugur. Hvað með kríu?

Á myndinni sem fylgir fréttinni virðist Himbriminn rólegasti. Ameríski fuglinn með rómantísk hljóð á vötnum er eitt af fallegustu töfrum sumarkvölda hálendisins. Krían er talin viðsjárverð en er í raun ekki grimm. Sem krakki út í Arney á Breiðafirði vandist maður við að fá gogg í kollinn svo undan blæddi.

Von að hún verji varpið, eftir að hafa horft upp á stráka taka eggin og sporðrenna innhaldinu niður. Í sumar hef ég átt þess kost að fylgst með kríum á Suðurnesjum. Við Hvalsnes var mikill fjöldi kría við malbikaðan veginn. Fjöldi unga var á veginum sem ekki viku nema ekið væri mjög hægt. Þeir sem fóru hratt óku hinsvegar yfir marga.

Við Hvassahraun var mikið af ungum á gömlum þjóðvegi í byrjun ágúst. Margir þeirra hnoðrar og ófleygir. Engin dauður fugl á veginum en lítill umferð. Viku seinna voru ungarnir orðnir fleygir og þann tíunda ágúst sást engin kría lengur. Hún hafði farið að ströndinni og var þar að kenna ungunum flugtökin.

Undrun sætir að beinabygging kríuunga taki svo skamman tíma, þar til þeir geta flogið. Krían virðist nýta sér öryggið sem maðurinn veitir og verpir oft nálægt umferð. Fyllsta ástæða er til reyna að vernda varp hennar betur. Fuglar eru eitt af þeim undrum sem prýða norðurslóðir og gefa íbúunum ómælda gleði.

 

 

 

Ekki kynnst neinu grimmara

Eilífarmál innan kerfisins

Í fjóra áratugi hefur málið fengið sína meðferð í kerfinu. Árið 1997 skrifaði ég grein í Dagblaðið Vísir. Ómar Ragnarsson gerir vel nú með að upplýsa nýjar kynslóðir um þetta óhugnanlega mál. Hann leggur sitt á vogaskálarnar og lætur aðra um að dæma. Hann man þá tíð þegar hann var þulur á RÚV og lét hina opinberu fréttadælu um málið ganga. Mín skoðun á málinu hefur ekkert breyst.

 

5. janúar 1997

Geirfinns- og Guðmundarmálið

Getgátustíll

Kristján Pétursson, fyrrverandi löggæslumaður, skrifaði bók fyrir nokkrum árum þar sem hann hugleiðir upphaf Geirfinns- og Guðmundarmáls. Kristján skrifar undir formerkjunum: trúlega hugsanlega.
Hann undirstrikar að málið hafi byrjað á óstaðfestum upplýsingum við Hafnarbúðina í Keflavík þegar lögreglumenn falla í þá gryfju að trúa bifreiðastjóra sem ekki þekkti Geirfinn persónulega. Bifreiðastjórinn segir að trúlega hafi Geirfinnur talað við þrjá menn sem hefðu ætlað að flytja ógrynni af spíra til Reykjavíkur á verktakabíl.

Spíri var það
Engar sannanir, allt getgátur. Þannig byrjar óhugnanlegasta mál íslenskrar réttvísi. Eitt er augljóst, að spíra var smyglað í land á Suðurnesjum á þessum árum og rétt mun vera að ríkið hafi orðið fyrir einhverjum tekjutapi þess vegna.
Smygl hefur alltaf verið þar sem ofurtollar eru notaðir. En hvort það hafi verið nægileg ástæða til að koma á líf skrímsli er spurning sem rannsóknarlögreglumenn ættu að hugleiða öðrum fremur.
Geirfinns- og Guðmundarmálið tekur á sig vængi í slippnum í Keflavík í höndunum á rannsóknarlögreglu og Sakadómi Reykjavíkur. Sævar Ciesielski er leiddur þar sem fangi fram á leiksviðið. Sakadómur sem rannsakaði og dæmdi í eigin málum notar einangrun og þvinganir til að fá fram játningar, þrátt fyrir aðvaranir dómsmálaráðuneytisins. - Þessi atriði ættu að liggja nokkurn veginn ljóst fyrir öllum sem vilja kanna þessi mál.
Það hefur og verið kunnugt mörgum Íslendingum frá upphafi að ungmennin fjögur voru saklaus dæmd fyrir öllum dómstólum, án þess að nokkur fengi rönd við reist. Sumir þessara áhorfenda eru nú komnir undir græna torfu, en enn eru margir lifandi sem þurftu að horfa upp á þetta sjónarspil í þögninni, í niðurlægingu og hremmingum.
Þeir hafa ekki komið upp á pallborðið hjá Hemma Gunn. Þeir hafa þurft að sækja fram og koma einn og einn úr sínum hugarfylgsnum eftir því sem óhugnaðurinn verður fjarlægari.

,,Þvingaðir glæpir"
Bók Magnúsar Leopoldssonar, Í klóm réttvísinnar, er því tímabær nú sem þáttur í því að kom þessum málum á hreint. Hún er hógvær, afdráttarlaus og ljúfmannlega skrifuð og ber vitni um einurð. Hún er nauðsynlegur þáttur í því að fá saklausa í Geirfinns- og Guðmundarmálinu sýknaða af ,,þvinguðum glæpum":
Sævar Ciesielski á ekki að þurfa að sækja það að fá sig hreinsaðan af upplognum glæpum. Ríkið á að sjá sóma sinn í því að hafa forystu um að taka málin upp aftur. Samtíminn verður að takast á við að fá rétta mynd af því ástandi sem hér ríkti í réttarfarsmálum. Skáld og rithöfundar framtíðarinnar eiga ekki einir að ráða þar fram úr.
Rannsóknarlögreglumönnum er einnig mikilvægt að fá starfsreglur og fyrirbyggja slíkan óskapnað. Dómsmálaráðuneytið og lögmannastofa út í bæ hefur á sinni árum haft frumkvæðið um að upplýsa landann um alþjóðlegan rétt. En betur má ef duga skal.

Sigurður Antonsson

 

 

 

Ekkert tilefni til að bregðast við

Ráða sjónvarpsvélar lengd kjörtímabilsins

RÚV og nokkrir þingmenn tóku sig saman um að stytta kjörtímabilið. Ganga þannig á rétt kjósenda. Það er rétt sem Vígdís Hauksdóttir segir, þingið er of veikt. Í ríkisútvarpinu er leikinn pólitískur leikur sem miðar að því að hafa áhrif á pólitíska stöðu.

RÚV fór hamförum eftir að Sigmundur Davíð talaði um að ekki væri nauðsyn á að boða til kosninga í haust. Í hverjum fréttatíma sjónvarps var leitað til vinveittra álitsgjafa. Í ríkisreknu sjónvarpi í nágranaríkjum gætu þessar uppákomur ekki átt sér stað. Hér leikur RÚV lausum hala og fær á þriðja milljarð í aukatekjur frá fyrirtækjum.

Fréttamenn á BBC taka ekki afstöðu í útsendingum eða tjá skoðanir sínar. Í Noregi er þingrofsheimildin ekki virk nema allir samningar hafa runnið út í sandinn. Dilma Rousseff forseti Brasilíu kom ekki að opnun Ólympíuleikana. Þingið hafði bolað henni frá völdum með ósönnum ásökunum. RÚV greindi ekki fá því, en fór í fátækrahverfin með sitt kastljós við opnun leikana.

Alltaf er von á hallarbyltingu í lýðræðisríkjum. Í flestum ríkjum er miðað að því með löggjöf að draga úr þeim möguleika. Forsetinn getur haft úrskurðarvald og varnagla. Þingið getur bætt löggjöfina og verkreglur. Löggjafarvaldið hefur allt í hendi sér, en er of veikt fyrir vinsældakeppni fjölmiðla.   

Breyttist þegar Sigmundur Davíð fór