Góð æfing? Tilefni til að ræsa "þjóðaröryggisráð" ?

Loksins er komið í ljós hvers vegna 260 lögreglu og björgunarsveitamenn hafi verið kallaðir út vegna fótboltaleiks í Laugardalnum. Trump hefur bent á að Bandaríkjamenn ætli ekki að vera einir á vaktinni og bera megin hluta kostnaðar við Nato.

Á sama tíma berast fregnir af handtökum á borgurum í Rússlandi sem ekki vilja vera umlyktir járntjaldi. Pútínstjórnin reynir að berja niður viðleitni fólks til að vera upplýst. Vera meðvitað um eigið þjóðfélag og þróun þess.

 

Handtóku sjö fótboltabullur

Hverjir greiða kostnaðinn? Vinsælt að spyrja eftir á.

Eitthundrað og tuttugu lögreglumenn og 140 björgunarsveitamenn. Er hér um æfingu að ræða eða viðvarandi nýtt ástand? Hefð er fyrir því þeir sem efna til skemmtana út á landi greiði löggæslukostnað. Hvað með íþróttirnar? Er fótbolti ekki skemmtun? Athyglisvert er að undanfarið hafa lögreglumenn og sumir fjölmiðlar ýtt undir að meira fé verði varið til löggæslu í ljósi voðaverka.

Eitt það besta við eylandið er fjarlægðin frá meginlandinu, en hún er líka ókostur. Er þörf á miklum viðbúnaði í ljósi þess að hér er öflug tollgæsla, lögregla, sérsveitamenn og landhelgisgæsla. Á landi langt norður  í hafi.

Fjölmiðlar eru iðnir við að brydda upp á nýjum kröfum á hendur ríkisvaldinu og opinberum aðilum. Allar nýjar kröfur leiða svo til hærri skatta sem fæstir vilja. Hvar endar veislan þegar hátt í 60 prósent þjóðartekna renna til hins opinbera?

Aukin gæsla í dag og fram yfir leikinn

Tækifærin í Costco. Matarfíklar snúi við blaðinu og taki ávextina

Costco er hagræðing í verslun. Álíka og þegar Bónus var að byrja og strikamerkingar tóku völdin. Lengi höfðu sjálfsgreiðslubúðir verið að þróast, en á réttu augnablik kom Jóhannes og sannaði að smáverslanir gátu tekið breytingum. Undanfari Costco er breytt tollaumhverfi, nokkuð sem Sjálfstæðisflokkurinn hafði sett á oddinn og barist fyrir.

Formaðurinn er hógvær sem fyrr. Vill helst ekki eigna sér sjálfsagða hluti. Staðreyndin er sú að hægt og hægt, oft með baráttu hafa hömlur á verslun verið afnumdar. Kaupgeta er hér mikill en samt sem áður fá þeir stjórnmálamenn sem hafa gert vel ekki fengið það lof sem þeir eiga skilið. Eru hálfgerð Theresubörn, sjá ekki tækifærin til sóknar eða geta eigna sér árangur.

Skemmtilega við Costco eru auðvitað bragðmiklu ávextirnir sem allir geta keypt án samviskubits. Jafnvel hafið megrunarkúr eins og ég og fleiri. Kona mín vildi ekki heyra athugasemdir mínar um feitu matarfíklana sem flýttu sér í Costco. Höfðu himinn höndum tekið og löppuðu út með jarðaber í fyrstu atrennu.

Ávöxtur margra ára hagræðingar, 700 hundruð verslana birtist hér í verslun Costco. Engin einn hrósar sér af fyrirbærinu. Ameríski draumurinn? Tæknibyltingar í flutningum, frjálsræðið og miskunnarlaus samkeppni er undanfari þess sem nú birtist í kaupfélagi. Það sem vel heppnast í Ameríku má helst ekki nefna á nafn fyrir friðhelgi vinstri manna. Kaupfélög á borð við Costco eru góð. Þá spyr maður af hverju eigum við ekki kaupfélög í dag sem blómstara. Vextir?

Um þá má ekki ræða því Seðlabankinn hefur einkarétt á íslensku Krónunni. Þrátt fyrir að á tölvuöld sé hægt að nota marga gjaldmiðla. Jóhannes í Bónus naut ekki lengi ávaxtanna. Það gerðu heldur ekki Silli og Valdi. Voru kallaðir öllum illum nöfnum, en létu sér fátt um finnast. Í Matardeild SS var fyrst tregt um breytingar þegar átti að hefja sjálfsafgreiðslu. Jóhannes og fleiri komu á stórum sjálfagreiðslubúðum SS.

Hagkaup í dag er ásakað um að mismuna sínum birgjum eins og Bónusar menn voru orðaðir við. Galdurinn var að hafa fá vörumerki og er enn í dag. Sérhæfing eins og hjá Costco.

 

 

 

Algengustu mistökin sem fólk gerir í Costco

Dómarar í slag við valdið eða í baráttu um titla og embætti?

Talsvert er um samráð hjá dómurum innan rannsóknarvalds og meðal lögfræðinga í kerfinu. Skýrasta dæmið er sakamálatilbúnaðurinn sem varð að Geirfinnsmáli og menn viðurkenna 40 árum síðar að hafi verið embættismistök. Gæsluvarðhaldsúrskurði er hér beitt í margfalt meira mæli en í nágranalöndunum. Þar ráða dómarar ferð og geta vísað málum frá. Einstaklingar verða í auknum mæli að berjast við kerfið í dómsmálum þar sem valdið hefur nægan tíma og peninga.

Dómarar eru hluti af ríkiskerfinu. Það er þeirra að koma auga á vankanta og ræða þá opinberlega meðal almennings. Jón Steinar. Upplýsa hvar pottur er brotinn í lýðfrjálsu landi. Líta verður aftur í tímann á þróunina og hefðina. Hvernig við höfum einangrast og fjarlægst Evrópu í ýmsum málum sem varða lögfræðistéttina. Fyrir nokkrum árum var ekki algengt að lögmenn færu til útlanda eða störfuðu að hluta til erlendis.

Margir hafa bent á að betra hefði verið að hafa æsta dómstól í Danmörku eftir lýðveldisstofnunina. Á mörgum sviðum erum við að súpa seiðið af miður góðum vinnubrögðum sem hefði verið hægt að forðast. Skoða verður hvort hérlendis sé ofvöxtur í dómsmálum og annað er varðar menntun lögfræðinga.

 

 

 

Ekki gaman að lenda í slag við valdið

Heiðarlegt að játa mistök eins og Valtýr fyrrum ríkissaksóknari

Jón Ásgeir hefur getað varist ótrúlega vel og fimlega gegn rannsóknarvaldi í meira en áratug. Farið fram gegn valdastofnunum sem hafa oft gert mistök. Hann hefur verið skotspónn blágrænna og vinstrimanna fyrir þá einu sök að reka fjölmiðill. Vinstri sinnað RÚV er ekki undanskilið í þeirri herferð.

Þekki ekki ferill Gríms Grímssonar sem hefur hlotið lof fyrir einhliða rannsókn og meðbyr í að upplýsa mannshvarf. Margt við málsmeðferð ákæruvaldsins á hendur hinum grunaða er ótrúverðugt. Ekkert hefur verið sparað til að sýna fram á sekt sakbornings. Sérfræðingar og vitni kallaðir langt að og skip hertekin á opnu hafi.

Nýlega las ég frásögn Valtýs Sigurðssonar í nýútkomni fjallabók Reynis Traustasonar fyrrum ritstjóra. Bókin kom út 2016. Þar viðurkennir Valtýr "mistök í Geirfinnsmálinu" en frásögn hans fjallar að öðru leyti um skíðaferðalög.  Sannur íþróttamaður getur tapað leik og viðurkennt afdrifarík víxlspor sem embættismanns. Ungs löglærð manns í upphafi umfangsmestu "sakamála" Íslandsögunnar. Betra seint en aldrei. Augljóslega léttir eftir fjóra áratugi. En óvenjuleg, heiðarleg játning.

 

 

Jón Ásgeir svarar Grími Grímssyni

Framsókn Sigmundar gæti verið í ætt við framgöngu Theresu May

Stjórnmálin eru óútreiknanleg eins og skólahagfræðin sem ekki er að ganga upp hjá stjórnarflokkunum. Framsókn sér leik á borði þegar ríkisstjórnin virðist ekki ráða við hátt gengi krónuna eða vaxtastefnu Seðlabanka. Sigmundur er sérlega glöggur á það sem telur í hagstjórninni, samanber Icesave og hrægamma.

Fjármálaráðherra er málaður út í horn með fastgengisstefnu sína sem á að ræða rétt fyrir kosningar. Allt stefnir í að fleiri fyrirtæki en fiskvinnslan loki eða flytji starfsemi sína til annarra landa. Í síðasta þætti Ingva Hrafns á ÍNN var vakin athygli á stjórnleysi ríkistjórnar. Viðmælendurnir áttu ekki til orð?

Í Framfarafélaginu á að brjóta til mergjar góðar hugmyndir og gera þær skiljanlegar fyrir kjósendum. Fátt er brýnna þegar flestir sjá að stefnir í óefni og verðbólgu með mikilli aukningu ríkisútgjalda.

Spennandi verður að sjá hvaða stefnu stjórnmálin taka á haustmánuðum. Augljóst er að rými er fyrir styrkari framfarastjórn sem nær tökum á efnahagsmálum, lækkar vexti og stuðlar að kaupmætti án meiri styrkingar krónunnar.

Theresa vann mest á þegar aðrir sváfu. Undirbjó næstu aðgerðir og dró til sín fylgi frá vinstri kantinum. Um sumarmál er Sigmundur með útkall. Gangi honum allt í haginn.

 

 

 

 

Sigmundur: „Ég er uppveðraður“

Peningaplokk ríkisstofnanna. Glöggt er gestaugað

Robert Spencer fyrirlesari kom auga á hvernig vinstrimenn hafa hreiðrað um sig á fjölmiðlum og í ríkisgeiranum. Eftirlitsiðnaðurinn er þeirra uppáhald. Þar eru fyrirtæki tekin á beinið allt eftir umsvifum og hvernig þau best verða mjólkuð. Fyrirtækið  Bananar ehf. þurfti að greiða Heilbrigðiseftirliti Reykjavíkur milljónir fyrir ómerkilegar heimsóknir og sýnistöku.

Skrifari var með lítið hreyfi-leiktækjafyrirtæki sem var heimsótt á skömmum tíma af nærri 50 þúsund börnum. Það greiddi tug milljóna í fasteignagjöld til borgarinnar og var hundelt með smámunasemi af heilbrigðiseftirlitinu. Rétt hjá var húsdýragarðurinn styrktur af borginni með hundruð milljóna framlögum.

Stjórnmálamenn hafa veitt þessari þróun brautargengi og þar með bægt frá helstu kröfum þessara opinbera fyrirtækja á hendur fjárveitingavaldinu. Það verður skammtíma lausn því ágangur þessara miðla eftir auknum fjárveitingum linnir ekki í vinstri sinnuðum fjölmiðlum. Lausnin gæti verið fyrir sprotamenn eins og Reynir Grétarsson að færa reksturinn og frumkvæðið yfir til annarra landa. Það er að segja ef hann verður ekki þar með fórnarlamb skattsins sem telur það höfuðsynd að reyna fyrir sér erlendis.

 

Ofbauð kröfur Fjármálaeftirlitsins

Ólafur líkur Laxness í fléttuþætti RÚV

Yfirvegaður og athugull Ólafur. Augnaskot og handaburðir hans ekki ólíkir skáldinu, enda er Ólafur athafnaskáld. Býr til fyrirtæki eins og skáldið bækur, virðist hafa gaman af. Athygli vakti að aðalspyrill Kastljóss, var ekki sendur út af örkinni. RÚV boðar nýjar útgáfur á morgun af aðalfrétt dagsins.

Kastljós hefur marga starfsmenn, þótt útsendingartíminn sé aðeins 1 - 2 klukkustundir vikulega. Álíka marga starfsmenn og litlu sjónvarpsstöðvarnar? Ljósið hefur misst trúverðugleika sinn þegar fréttamenn þess hafa ítrekað reynt að flétta og "spekúlera" með viðmælendur sína. Samanber fréttir af fyrirlesaranum Robert Spencer.

 

„Spurðu stjórnendur Kaupþings“

"Ríkisútvarpið með heilaþvott. Hræddir íslenskir stjórnmálamenn"

Það eru ekki bara vondir bloggarar sem hafa komið auga á heilaþvott sem Ríkisútvarpið beitir endurtekið í fréttum og fréttatengdum þáttum. Jafnvel barnatímarnir fá ekki frið fyrir ágangi vinstri "elítunnar", sem hefur hreiðrað um sig í ríkisfjölmiðlinum. Vísir segir frá:

 

Róbert Spencer er langt í frá ánægður með heimsókn sína til Íslands.

Robert Spencer segir íslenska fjölmiðla hafa lagt stein í götu sína, alið á ranghugmyndum um sig með þeim afleiðingum að ekki einn einasti íslenski stjórnmálamaður vogaði sér að mæta á fyrirlestur hans. Þetta sé uggvænleg staða sem íslenskir stjórnmálamenn hljóti að velta fyrir sér. Þá segir hann vinstri mann hafa eitrað fyrir sér.

Ber eins mikla ábyrgð á Breivik og Bítlarnir Manson
Róbert Spencer, sem hélt á dögunum fyrirlestur á Grand Hótel, sem mikið hefur verið til umfjöllunar, hefur skrifað opið bréf hvar ofangreint kemur fram. Hann stílar bréfið á stjórnmálamenn og fjölmiðla á Íslandi eða fjölmiðla-elítuna, eins og hann kallar það. Bréfið má sjá í heild sinni hér neðar.

Hann nefnir sem dæmi að sér hafi saklausum verið spyrt saman við Anders Breivik, en hann beri ekki meiri ábyrgð á fjöldamorðum hans í Útey í Noregi en Bítlarnir á morðum Mansons. „Eins og þið á fjölmiðlum vitið var þetta aldrei borið undir mig,“ segir í bréfinu.

Heilaþvottur vinstri manna
Þá lýsir hann því þegar eitrað var fyrir sig en Vísir hefur þegar greint skilmerkilega frá frásögn Spencers af því. Spencer segist hafa lært sína lexíu. Að íslenskir fjölmiðlar séu málpípur vinstri manna sem vilji teikna sig upp sem rasista og kreddufullan hatursmann íslamista. Með slíkum heilaþvotti fylgi hatur og sú sé ástæðan fyrir því að ungur maður reyndi að eitra fyrir sér.

Ég er viss um að sá sem eitraði fyrir mér er ánægður með sig og það sem hann gerði. Og ef hann segir einhverjum frá því er ég viss um að hann verður hylltur sem hetja.

Ömurleg heimsókn til Íslands
Robert Spencer segir þessar aðferðir nákvæmlega þær sömu og nasistar beittu þegar þeir voru að afla sér fylgis meðal æskunnar. Honum varð hugsað til þeirra tíma þegar hann lá á sjúkrabeði sínu í Reykjavík, hvernig vinstri menn skrímslavæða andstæðinga sína í dag með nákvæmlega sömu afleiðingum.

Engin trygging fyrir fjölgun ferðamanna

Virðisauki í Danmörku af gistingu var hækkaður í 25%  árið 1992 .  Eftir það dróst velta og nýting gististaða saman. 25 árum síðar nær velta fyrst að aukast að nýju, hluti þeirra aukningar er verðbólga. Stjórnmálamenn fóru sínu fram en tekjur minnkuðu. Eru önnur lögmál sem gilda á Íslandi?  Með hækkun vasks og gistináttagjalds má ætla að hér verði skattlagning á pari við Danmörk. Í Þýskalandi er 7% skattur á gistingu og í Noregi 10%.

 

Vaskstekjur á ári af ferðamönnum á Íslandi eru áætlaðar um 80 milljarða 2016, gætu orðið 90-100 milljarðar í ár, allt til ríkisins. Tekjur af hækkuðum vaski á gistingu áætlaðar um 16 milljarða.  Útkomuna á hækkuðum vaski sést ekki fyrr en árið 2020 í hagtölum. Ferðaþjónustan mun merkja það strax í fyrirfram bókunum og viðhorfi ferðamannsins.

 

Árið 2008 var gengið álíka sterkt og nú, þá fannst mörgum ferðamanninum hann vera rændur miðað við verðlag í heimalandinu. Eftir 2008 fjölgaði ferðamönnum lítið. Sama sagan er að endurtaka sig nú og stjórnmálamenn einblína á hækkun en ekki veltuaukningu eins og fyrri ríkisstjórn gerði. Almennt eru ferðaþjónustan hliðholl sköttum sem eru notaðir til að greiða götur samfélagsins. Ferðamenn getað hjálpað til að nýta mannvirki og stofnkostnað en ekkert er öruggt í hendi ef við verðleggjum okkur út af markaði.

 

 

Tölurnar koma Benedikt ekki á óvart