Sigkatlar og hreyfingar á jöklum. Allur varinn góður

"Hekla tilbúin af stað. Sigkatlar í Mýrdalsjökli, Bárðarbungu og Öræfajökli ... " Tíðar fréttir af breytingum í eldfjöllum eru orðnar daglegt brauð. Vísindamenn fljúga út og suður að kanna allt sem ný mælitæki nema. "Veðurstofan á sólahrings skjálftavakt...?" Eldfjöll eru stórkostleg náttúrusmíð og gos geta verið hættuleg mönnum og búskap.

Eitt sinn var ég í blindbyl að koma ofan af Öræfajökli. Á aðra hönd var Kotárjökull á mikilli ferð. Þegar áð var í skjóli við kletta heyrðust ægilegar drunur og skruðningar. Langt fyrir neðan mátti sjá skriðjökullinn sverfa kletta. Mikill upplifun. Allt gekk eftir áætlun og eyðibýlið Sandfell birtist að lokum. Veglegt reynitré í túnjaðrinum undirstrikaði miklar breytingar á búsetu.

Gosið á Fimmvörðuhálsi 2010 er eftirminnilegast. Þar var almenningi leyft að koma nálægt gosstöðvunum og allt gekk vel. Allir sameinuðust í að gera ferð á hálsinn eftirminnilega. Þökk sé öllum sleðamönnum, sýslumönnum og björgunarsveitum sem stóðu vaktina ef á þurfti að halda.

 

 

 

Veruleg óvissa um framhald atburðarásar