Fuglar og bílaumferð fjarri

Kvöldsól og góður hiti inn í Búrfellsgjá við Gjáarétt. Fáir á ferð nú þegar Heiðmörkin skartar sínum fegursta skrúða. Sólargeislarnir náðu ekki almennilega í gegnum mistrið við Helgafell og yfir Grindarskörðum var þokubakki. Við Vífilsstaðahlíð var enginn fuglasöngur eins og oft áður, en margar lóur við Búrfell. Í fyrra sást stór ugla við Víkurholt og hver veit nema refur hafi farið um flatir. Þá sást ekki vatn í Vatnsgjánni þótt rignt hafi vel í júlímánuði.

Búrfellsgjáin liggur talsvert neðar en Selgjáin sem er með Hlíðarvegi. Hér rann Búrfellshraun í hrauntröðum allt til sjávar við Lambhúsatjörn  fyrir um 8000 árum. Troðhólar hafa þá myndast við Hlíðarveginn og barrskógarreitinn. Garða og Gálgahraun er hluti þessara umbrota. Hæðamunur frá Búrfelli rúmir hundrað metrar til sjávar. 

Bílaumferð hefur snarminnkað um Hlíðarveg en vegurinn er holóttur þar sem malbikaður Sturluvegur endar. Þegar sólin tekur að skína á ný muna menn eftir Heiðmörkinni ef ekki annað heillar. 

 

 

 

Höfuðborgarbúar sjá loks til sólar