Dómgreindarleysi í efnahagsmálum

Frúin sem stýrir forsætisráðuneytinu afhjúpar þekkingarleysi sitt á einföldum lykilatriðum í efnahagsmálum. Hún treystir á ráðgjafa sína í þessum efnum sem ekki hafa sagt henni sannleikann. Hún er eins og nakti keisarinn, skilur ekki hver áhrifin eru á heimilisbókhaldið og ráðgjafarnir þegja.

Hún trúir því að Guðlaugur Þór sé í pólitískum leik þegar hann spyr hana kurteisilega hvort hún hafi látið kanna áhrif skattahækkana. Guðlaugur hefur áður sýnt fram á að hann vill vel þegar hann hefur kallað eftir þróun lána. Hann er einn af þeim fáu á Alþingi sem er rekstrarmaður og skilur áhrif skatthækanna á þjóðlífið. 

Hér á blogginu er mörgum sinnum á dag sýnt fram á hve gífurleg áhrifin eru. Ómar Gíslason tekur sem dæmi af nýrri reglugerð um byggingar og sýnir fram á verulegar hækkanir á lánskjaravísitölu um áramót. Forsjárhyggjan með sykurskatti, tóbaksgjaldi og hækkun áfengisgjalds eru verðbólguvaldar. Smygl á öllum þessum vörum mun aukast og óvíst hvort gjöldin skili sér. Sýnt hefur verið fram á hve víðtæk áhrif tvöföldunar á virðisaukaskatti hefur á ferðaþjónustu um allt land. Þar hefur Samfylkingin viljað draga í land en samstarfsflokkurinn er með bundið fyrir bæði augu.

„Hann er oft að leika sér í ræðustól“