Valdabarátta í netheimi

 

 

Það kemur á óvart að tölvuhakkarar geti sett stórfyrirtæki út af laginu með árásum á netþjóna. Bandaríkjamenn eiga mikið að verja þar sem alþjóðleg fyrirtæki þeirra erlendis standa undir helmingnum af tekjum Bandaríkjanna.  Árás tölvuhakkara sem vilja meira réttlæti og upplýstari heim setur þá í vanda. Þeir hafa verið önnum kafnir við annarskonar eftirlit, kanna t.d. hug og bakgrunn þátttakenda hjá Sameinuðu þjóðunum á Manhattan. Netlögregla hefur ekki verið þeirra takmark enda frjálsræði og óheftir markaðir þeirra ær og kýr. Netið er hinsvegar valdablokk sem hefur æ meira að segja.

Kínverjar hasla sér völl þar sem lítið ber á og bjóðast til að nýta auðlindir þjóða sem hafa takmarkaða tækniþekkingu. Elja þeirra og ástundun á eftir að fleyta þeim langt fram úr öðrum þjóðum ráði þeir við mengunina í heimalandinu. Netheimurinn er þeirra ógn og ávinningur, enn sem komið er notast þeir mest við tölvufyrirtæki frá Ameríku til að ná samskiptum á netinu 

Smáþjóðir eins og Svíar kunna að ráða við minniháttar eftirlit í heimalandi en eiga erfitt með að standast árásir öflugra netvéla. Þeir óttast Rússa í þessum efnum og ekki að ástæðulausu eftir árás Kremlverja á  netbúnað Eistlendinga. Bretar eru annálaðir fyrir að hýsa ýmsa frumkvöðla og munu seint framselja Julian Assange.

 

Barist í Netheimum