Hreyfanleiki háskólafólks

Háskólamenn eru víða að draga saman án þess að vita hvert stefnir. Skólastjórinn á Bifröst er á móti hagræðingu og viðurkennir ekki að skólamenn eru ábyrgir þegar þeir hafa ekki nóg að gert til að fá vind í seglin. Hvað skyldu háskóalmenn hafa gert til að fá erlenda nemendur að skólum sínum. Útrásin var skammvinn og mörgum finnst að háskólasamfélagið mætti sækja meir út á við í stað þess að beina spjótum sínum að stjórnvöldum og skattborgurum.                                                                                       

Indverjar leyfa erlendum háskólum að hefja starfsemi í Indlandi gegn gjaldi. 50 milljón króna aðstöðugjalds er krafist og eftirspurn er mikill. Amerískir háskólar eru á höttum eftir erlendum nemendum og skólagjöld eru há. Ótrúlega miklir peningar eru í spilunum og atvinna fjölda kennara í húfi. Allt samfélagið auðgast ótrúlega mikið þegar háskólanemendur leita á önnur mið. Íslendingar þekkja vel hve mikla áherslu Danir hafa lagt  á að kynna sína skóla fyrir stúdentum hér á landi. Í Kaliforníu er óvenjumikill gróska í æðri menntun og leitin að hæfileikamönnum lýkur aldrei. Foreldrar eyða milljónum á ári í skólagjöld barna sinna. Háskólarnir eru stöðugt að kynna starfsemi sína og gera allt til að draga til sín nemendur. Lofa styrkjum og gæðum eins og ódýru húsnæði í glæsilegu umhverfi. Tæknimenntaðir nemendur eru eftirsóttir og mörg fyrirtæki hafa tryggt sér starfskrafta háskólafólks löngu áður en þeir útskrifast.                                                          

Rétt hjá "danska kökubænum" Solvang, í Santa Maria norður af Los Angeles er að finna fyrirtæki í flugvélaiðnaði sem hafa allt að 100 verkfræðinga í sinni þjónustu. Þarna eru líka vínekrur og gæðavín framleidd fyrir hinn stóran markað. Skemmtilegt við fjölbreytileikann er að fyrirtækin geta verið í eigu Bandaríkjamanna, Dana eða Frakka. Tæknifyrirtækin framleiða sérhluti og innréttingar í flugvélar sem smíðaðar eru í Evrópu eða Asíu, fjarlægðin skiptir ekki máli. Allt byggist þetta á hugviti og sérþekkingu, auð sem veitir góð laun og skapar blómlegt umhverfi. Við eigum líka athyglisverð fyrirtæki eins og Össur og Marel. Sprotafyrirtæki sem hafa slitið barnsskónum, fjöregg sem við eigum að gæta.