Sigurfang, fyrsta færslan

Fyrsta færslan á netsíðunni. Hvernig skyldi hún eiga að vera? Kynning á höfundi eða blátt áfram það sem mér dettur fyrst í hug. Er ég að skrifa blogg fyrir mig eða til að deila því með öðrum. Líklega hvort tveggja. Þá má einnig nefna að það er áskorun að skrifa íslensku og þjálfa þar með málnotkun í rituðu máli. Það getur verið afslappandi að mynda sér skoðun, skrá hana niður og reyna að koma henni í læsilegan búning ef einhverjir aðrir hefðu áhuga á að deila henni með skrifara. Í annan stað er boðið upp á að gera athugasemdir til að kafa dýpra eða nálgast umræðuefnið frá nýjum hliðum. Margir eru duglegir að svara, bæta við innleggi hjá öðrum netpennum og gera skrifin lifandi. Ekki er víst að ég hafi mikinn tíma til þess þar sem ég er önnum kafinn við margbreytileg verkefni. Birtist á netheimum óreglulega og meira til afþreyingar.