Nýjar kynslóðir eru að kjósa í fyrsta sinn í dag og vita misjafnlega mikið um ógnir kommúnista sem stjórna Rússlandi í dag, með einræði og takmörkuðu málfrelsi.

Það er ekki langt síðan öfgamenn í Rússlandi hótuðu að gera Íslandi að rússnesku fangelsi, fanganýlendu að hætti Gúlagsins. Þeir Íslendingar sem hafa farið til Rússlands á dögum vöruskiptaverslunar og í dag ferða menn á vegum ferðaskrifstofunnar Bjarmalands vita hve frelsið í dag er takmarkað við Volgubakka. 

Það er því dapurlegt að vita að einstaka útvarpsstöðvar eða fjölmiðlar skuli lofa árrásarstefnu Rússa sem birtist í Úkraínu í dag. Hvað þá hlusta á einstaka forsetaframbjóðendur  sem trúa því að þeir geti farið með hvítan samningsfána til Kreml og samið um frið í Austur Evrópu. Málfrelsi er einnig takmarkað í Georgíu af ráðandi stjórnmálamönnum handgegnir Rússum. Þessi lönd eiga bæði landsvæði að Svartahafi og hafa það sameiginlegt að Rússnesk stjórnvöld sækjast eftir yfirráðum í landi þeirra.

Almenna Bókafélagið gaf út á sínum tíma bók undir heitinu Nytsamur Sakleysingi, "Jeg var Sjovetspion" eftir Norðmanninn Otto Larsen. Hann trúði á skipulag kommúnista í Rússlandi á stríðsárunum, en var síðan varpað í margra ára þrælkunarvinnu í Gúlaginu. Bókin var þýdd af Guðmundi G Hagalín og endurútgefin 2017 í minningu Eyjólfs K. Jónssonar. Þess má geta að á árunum eftir stríð voru þeir sem trúðu blint á Sovétið oft nefndir "málpíur Kremlvaldsins" eða Rússadindlar. 

	Halla efst í veðbönkum
Ábyrgðarmaður færslu Tilkynna um óviðeigandi tengingu við frétt

Íbúar Grindavíkur eru ýmsu vanir á sjó og landi, hafa staðið af sér margar jarðskjálftahrynur síðastliðin 3 ár. Harðduglegt fólk sem skapar mikil verðmæti og búa við fjölbreytt mannlíf. Það á skilið allt það besta af samborgurunum þegar óvissan knýr dyra. Gaman var að heyra í ungum dreng sem sagðist vilja heim þegar mestu lætin væru yfirstaðin. Sama sagði öldruð kona sem varð að yfirgefa Heimaey í gosinu 1973 og nú Grindavík.

Misvísandi álitsgjafar, fræðimenn í vísindum um framvindu kvikuinnstreymis eru ekki að auka hróður jarðvísinda á Íslandi. Oft ábyrðarlaust tal og spádómar þegar þeim er stillt upp fyrir framan myndavélarnar. Flestir fjölmiðlar fá fé frá ríkinu og eru í ákveðnu ríkisskjóli. Telja sig eiga að fá ábúðamikill svör? Þeir ráða för og geta skapað hræðslu út fyrir landsteina með fréttaflutningi og umfjöllun.

Gos á La Palma norðvestan við Tenerife fyrir um 3 árum fór yfir íbúðabyggð án þess að hafa í för með sér manntjón, en eignatjón varð mikið. Fréttir þaðan voru talsverðar en vöktu ekki mikla athygli á meðan gos stóð yfir í þrjá mánuði. Þeir svartsýnustu spáðu stórri flóðöldu sem myndi ná ströndum meginlandsins. Íbúar á Havaii og við Napólí á Ítalíu hafa oft þurft að flytja á brott í skyndi vegna eldgosa. Fylgifiskur þess að búa á eldgosalandi, þar sem síbreytileg kvika er undir niðri.

Þegar rætt er um mögulega gosstaði í kringum Grindarvík eru þeir á tiltölulega stóru svæði. Allt frá Eldvörpum til Fagradalsvæðisins og í áttina að Húsafelli norðaustan við Grindavík. Ef gos verður á þessu stóra svæði sem er allt að 100 sinnum stæra en byggðin í Grindavík eru margar flóttaleiðir í allar áttir. 

Íbúar eiga að fá að ráða meira för. Læra að meta áhættuna af dvöl á staðnum í samvinnu við Almannavarnir og björgunarsveitamenn. Alla vega þeir sem telja það óhætt að stunda vinnu á staðnum. Búa í haginn fyrir heimkomu íbúa. Ekki má gleyma að við hverja nýja raun fylgir áskorun.

	Nær engar líkur á gosi í Grindavík
Ábyrgðarmaður færslu Tilkynna um óviðeigandi tengingu við frétt

Fjölmiðlar breytast ört og fárið mikið. Netöldin tekur miklum breytingum á hverju ári. Verður gervigreindin til að gera endanlega út af við blöðin eða endurreisa þau í nýju umhverfi? Hvað stendur upp úr sem sannleikur er tvíbent. 

Forsætisráðherra Breta taldi ekki ástæðu til að stoppa hér lengi við á toppfundi Evrópuráðsríkja. Viðveran innan við sex klukkustundir? Getgátur eru hafðar uppi um hvað hafi valdið? Ráðið för eða hversvegna hann hafi ekki borðað íslenska skyrið?Eitthvað þjóðlegt eða smáborgaralegt við þetta? Farið í fússi af landi brott eftir mikilvæga undirskrift?

Á blogginu er reynt að tortryggja eða snúa við staðreyndum.  Evrópuráðið sagt ætla að koma á fót nýjum stríðsglæpa dómstól? Fyrir löngu var kominn tími til að standa saman mót innrásum Rússa í nágranaríki.  Skráðar styrjaldir Rússa á einni og hálfri öld inn í nágrannaríki eru yfir eitthundrað.

Hvað eru menn að réttlæta? Þekkja yngri menn ekki glæpi Stalíns tímabilsins. Sjá menn ekki á skjánum eða heyra um skelfingu og grimmd einræðisherrans í Hvíta-Rússlandi? Nágranaríki Rússa óttast síendurtekna einræðistilburði þeirra, það kom skýrt fram á ráðherra fundinum. 

Rishi Sunak forsætisráðherra hefur augljóslega í mörgu að snúast. Tveimur dögum síðar birtist hann á sjónvarpsskermi á toppfundi suður í Arabíu. Þar var fyrir Biden forseti og  brosandi leiðtogi Ítalíu, Giorgia og fleiri fyrirmenni. Til að staðfesta enn betur samstöðuna meðal lýðræðisríkja fóru margir þjóðarleiðtogarnir til Japans.

Sunak er augljóslega þrekmikill maður og dugnaðarforkur sem vinnur vel fyrir sinn flokk og þjóð. Áður höfðu Bretar hafnað tveimur frambærilegum frambjóðendum í embætti forsætisráðherra sem áttu að koma versnandi efnahag landsins í lag. Á sama tíma og stríðþjáðri Úkraínu er sýndur veglegur stuðningur.

Íslenskir gestgjafar á fundi Evrópuríkja sýndu með sama hætti framtak sem verður lengi haft í minnum.  

Kjarval málari hafði mikla kímnigáfu og vissi að með léttum töktum gengi allt betur. Ungur að aldri sá ég hann í Listamannaskálanum í aðdraganda að sýningu. Konunnar sem voru að aðstoða við hengja upp myndirnar spurðu Kjarval í þaula hvaða hæð hann vildi hafa eina litla mynd. Eftir að hafa fært hana upp og niður nokkra stund fyrir framan Kjarval sagði meistarinn: Príma og gekk í burtu. 

Verk Kjarvals munu standa fyrir sínu um ókomna framtíð. Misjafnlega útfærð en öll góðar minningar um óviðjafnanlegan listamann sem fórnaði sér fyrir listina. Hver dráttur í mynd eða litur í málverki hans var sannur gleðileikur þess sem sér lífið með innihaldi hins sanna listamanns. Þess sem vill að við sjáum fegurðina. Í litum og ljósbrigðum sem birtast okkur á hverjum degi. Ljóslifandi myndir sem eru ávarp um hið góða í lífinu.

Jón Magnússon er með skemmtilega sögu af Kjarval á bloggi sínu 18. maí. Þær eru margar sögurnar og gott verkefni fyrir þá sem vilja skrá betur sögu meistarans.

	Lasta Kristersson og lofa Katrínu
Ábyrgðarmaður færslu Tilkynna um óviðeigandi tengingu við frétt

Margar athyglisverðar fréttir af veðri og færð í dag. Enn og aftur áminntir um að við búum á Íslandi og því verður varla breytt. Sama hvað miklar kröfur eru gerðar um tækjabúnað og snjómokstur til að halda leiðum opnum. Ekki nægir að moka brautir ef ferðamenn komast ekki úr eða í flugvélar.

Fólkið sem vinnur sleitulaust við að halda vegum og brautum opnum í stórhríð og frostveðri vinnur ótrúleg afrek. Ferjar fólk á milli staða þar sem aðeins stór tæki og torfærubílar komast. Blindhríð á Reykjanesbraut og við Keflavíkurflugvöll fyrr í vikunni var látlaus og óvenjulega há veðurhæð. Í Reykjavík var nánast logn þegar linnulaus stórhríð og snjóveggur var suðvestan Kúagerði.

Öll tiltæk snjóruðningstæki, logregla og björgunarsveitabílar reyndu í hríðinni að koma starfsmönnum og fleirum suður á flugvöll. Starfsmenn Isavia og ruðningsmenn á stórvirkum tækjum mokuð látlaust vegi alla þriðjudagsnóttina við flugstöðina. Flugleiðamenn í eldhúsi flugvallar veittu farþegum í flugstöðinni sem áttu bókað flug máltíðir. Ferðamenn misjafnlega búnir fyrir stórhríðaveður sýndu nær allir einstaka þolinmæði eins og þeir væru innfæddir Grænlendingar. Einstök upplifun fyrir aðra.

Alvanalegt var að farþegar Icelandair á leið til Grænlands þyrftu að bíða eftir að krappar lægðir gengju yfir á hótelum í Reykjavík. Allt á kostnað flugfélagsins? Grænlendingar eru vanir að þurfa að bíða sólarhringum saman eftir að lægðir gangi yfir. Kanada og Bandaríkjamenn þekkja veðurham á norðlægum slóðum og alvanalegt er að umferð teppist við norðlæga flugvelli vegna snjókomu.

Það er því snautlegt að heyra ákveðna hópa blaðafulltrúa og kjörna alþingismenn halda uppi kröfum um að allt eigi að vera betra í hinum ófullkomna heimi. Lofa meiru en hægt er að standa við.

	„Ljóst að tjónið er mikið“
Ábyrgðarmaður færslu Tilkynna um óviðeigandi tengingu við frétt