Frjáls og óháður

Styrmir Gunnarson fyrrverandi ritstjóri er frumlegur og alþýðulegur. Þorir að hafa skoðanir og fylgja þeim eftir. Nýlegur Þingvallafundur var prjál og titlatog eins og það greinist hæst. Allir hálf súrir á svip en fullir af skyldurækni. Gaman hefði verið fyrir alþýðu að sjá myndsyrpu frá hátíðarveislunni, eða er henni alveg sama?

Flest allt í kringum fundinn var nútíma álfadans með björgum fram. Í upphafi fundar gengur álfkonan inn í björgin. Búið að banna alla umferð og aðeins djúphugsandi skyldufullar sálir nálægar. 

Ekki laust við að skipuleggjendur hafi haldið það gefa fundinum aukið vægi að kalla til Þjóðþingforseta Dana til að flytja nokkur vel mælt orð. Danir eins og venjulega hinir kurteisustu og vinir örþjóðar. Vinskapur sem má rækja án sendiráða?

Freskur blær yfir skoðunum Styrmis. 

 

Vill loka íslenskum sendiráðum

Athugasemdir

[Halldór Egill Guðnason, 22.7.2018 kl. 01:47]

Tek undir það.

[Sigurður Antonsson, 22.7.2018 kl. 10:35]

Halldór. Nokkuð sama úr hvaða flokki ráðherra undanríkis er, það er alltaf bætt í eins og milljóna þjóð væri. Stór veisla og fundur fyrir fáa útvalda er einn partur af blekkingunni. Álög á þjóð sem vill vera meðal hinna stærri. Álfkonan sem hvarf í björgin kann að hafa margar ástæður til að vekja athygli. Á flokknum eða næsta framboði.