RÚV skapar ótta og ójafnvægi

Vald RÚV og forréttindi er það mikið í dag að sjónmálamenn og aðrir í forystu þora ekki að gagnrýna báknið. Jafnvel forsvarsmenn litlu fjölmiðlana þvæla um "menningarhlutverk" þess og nauðsyn á að styrkja RÚV með skattfé.  

Þegar RÚV fékk einkarétt á að sýna amerískar dellumyndir og Kanasjónvarpið var bannað vöknuðu efasemdir fyrst. Vinstrimenn á Íslandi hafa séð ákveðin tækifæri í að hreiðra um sig hjá stofnuninni og nýta sér hana óspart.

Ef nauðsyn er á að styrkja fjölmenningu sérstaklega ætti sú meðgjöf að fara til litlu stöðvana sem eru í samkeppni við RÚV. Menning og landsbyggðarhlutverk þeirra er margfalt meira.

Í komandi kosningum er tækifærið til að styðja við bakið á þeim þingmönnum sem hafa gagnrýnt RÚV veldið, vilja breyta og þora. 

Tóku ekkert tillit til upplýsinga

Athugasemdir

[Jón Þórhallsson, 27.8.2016 kl. 08:54]

Það er rétt athugað hjá þér að mikið af dagskránni gengur bara út á chaos;

Helst ættu okkar prófessorar á öllum sviðum að vera oftar á skjánum að hugsa allt í lausnum í ró og næði með góðum skýringarmyndum.

Ég tel að það sé ekki lausnin að selja rúv á einu bretti til einka-aðila; fyrsta skrefið ætti að vera að skipta um útvarpsstjóra eða hlusta á hvað Ævar Kjartansson myndi gera ef að hann fengi að vera alvaldur á stofnuninni í nokkur ár.

[Hrólfur Þ Hraundal, 27.8.2016 kl. 15:43]

Ríkisútvarpið sem varð að RUV, er orðið ríki eiginhagsmuna og vinstrimanna. 

Framboð til alþingis sem ekki boða lagfæringar á þessu máli fá ekki atkvæði mitt og að líkindum  þá hrósa happi vinstri menn sem mig þekkja.

Í kosningum þá vegur þungt að hafa öflugan fjölmiðil með sér og það er ekki bráðónítt að hafa meðsér öflugasta fjölmiðil landsins kostaðan af okkur landsmönnum öllum nema skattsvikurum.     

[Sigurður Antonsson, 27.8.2016 kl. 20:30]

Sælir Hrólfur og Jón

Breytingar á fjölmiðlamarkaði hafa gert hlutverk RÚV óþarft. Hversvegna á ríkið að standa í afþreyingu og skoðanamyndun kjósenda? Fimmtíu ár með fríðindum, þar sem aðeins örfáir fá að sjá bókhaldið.

Ef við viljum breytingar er að kjósa þá sem þora að leggja stofnunina niður á næstu árum. Ekki kjósa þá er hafa skapað og aukið þennan óskapnað.

[Jóhann Kristinsson, 27.8.2016 kl. 22:44]

Bara loka sjoppunni og nota peningana í heilbrigðisgeiranum, ekki veitir af. 

Kveðja frá Houston