Fagurgali eða umbætur

Formaðurinn talar eins og allt sé bjart framundan, en er það svo. Eyþjóðin hefur hingað til tekið við meira af tilskipunum og löggjöf frá nágrönnunum heldur en að hafa eigið frumkvæðið. Innflytjendalöggjöfin frá 2005-6 var meingölluð dönsk löggjöf, samþykkt án umræðu að heitið gat.

Danir voru fljótir að endurbæta hana og vonandi kemur eitthvað úr hattinum nú sem er í takt við breytingar sem eiga sér stað í Evrópu. Einangrunarsinnar eru margir á Íslandi sem vilja framleiða mikið með löngum vinnudegi og fáu fólki. Pólverjar og útlendingar eru að bjarga sjávarvinnslunni fyrir horn, einnig ferðamannaiðnaðinum.

Án þeirra væri hér stöðnun í þessum atvinnugreinum. Í ferðaþjónustunni verður þröskuldurinn vöntun á kokkum og þjónustufólki, sem er ekki á hverju strái. Gyðingakona sem ég gisti hjá í Róm sagði mér að Ítalir hefðu tekið á móti meir en 400.000 þúsund flóttamönnum á innan við tveimur árum. "Flestir hefðu fengið vinnu í þjónustustörfum."

Gott er að getað tekið við 50 flóttamönnum frá stríðsþjáðu Sýrlandi. 12 milljónir Sýrlendinga eru á vergangi án matar og búslóðar. Þar af 1.2  milljón kristnir menn. Ef vel ætti að vera ættum við að taka við 400 flóttamönnum til að vera ekki eftirbátar Ítala. Það þarf enga sýndarmóttöku til að taka á móti stæltum ungum flóttamönnum í neyð. Með samstilltu átaki gætu þeir allir fengið vinnu víða um land á næsta vetri.

Í Þýskalandi björguðu Tyrkir á sínum tíma framleiðsluiðnaðinum í manneklu. Á Nörrebro og Vesterbro í Kaupmannahöfnum fylltu Tyrkir og Arabar gömlu húsin sem stóðu auð. Fjölgun íbúa í Norður-Evrópu hefur orðið lítill síðustu ár. Það eitt segir sína sögu.

 

 

 

Kynna frumvarp um málefni útlendinga

Athugasemdir

[Halldór Egill Guðnason, 24.8.2015 kl. 00:09]

Stæltir ungir flóttamenn í neyð? Hvað er bakpokunum þeirra? Hvað er í hausnum a þeim? Viltu leggja börnin þín undir?

Gðar stundir, með kveðju að sunnan.

[Sigurður Antonsson, 24.8.2015 kl. 08:01]

Halldór. Langamma mín, sjómannsekkja fór með 3 börn sín til Vesturheims. Full af stolti til heimalandsins en ung og kraftmikill. Sonur hennar byggði hús fyrir innflytjendur í Seattle. Dóttir hennar settist að í San José, nú næsti bær við Silicon Valley. Þegar barnabörn hennar komu til Íslands í sumar spurðu þau mig hvernig mér listist á Trump frambjóðenda. Þau brostu þegar ég benti þeim á að hefði hann verið forseti eftir 1900 hefðu ættfeður þeirra varla komist til Kaliforníu.