Er seðlabankinn ekki með?

Mennirnir við stóra borðið láta sér ekki segjast. Stýrivextir Seðlabanka eru 6 prósent. Vextir af lánum í atvinnulífinu eru um 9% af óverðtryggðum lánum og verðtryggð lán álíka. Allir nema Seðlabankinn skynja óheillaþróunina. Hagfræðideild Landsbankans veit betur og birtir spá sína. 

Ekki er boðlegt að bjóða ungu fólki vexti upp á nærri tug prósenta í 3 prósenta verðbólgu. Vextir hafa verið að hækka undanfarið þrátt fyrir minni verðbólgu. Getur það verið svar bankanna við auknum skattbyrðum?

Þarf 6 prósent vaxtamunur að ríkja á Íslandi þegar hann er um 2% í nágranaríkjum Íslands. Hvenær skyldu Íslendingar ná tökum á sínum bankamálum? Framtíðarbörn Íslands þurfa ekki að búa við ofurvald peningastofnanna. Aðeins einn og einn alþingismaður vill taka á þessum málum, aðrir sofa á verðinum?