Sjávarborð hækkar við Skerjafjörð

Þeir sem búa við sjó geta séð hvar hæsti punktur stórstraumsfjöru er. Bátakarlar sem sjósetja sjá einnig hvernig yfirborð sjávar hefur hækkað. Spá um 10 sentímetra hækkun á áratug er ekki fjarri lagi miðað við hvað hækkunin hefur verið mikill síðustu áratugi. Gaman hefði verið að setja merkingu í klöpp við sjávarmál og merkja síðan hæstu stöðu á hverju ári.

Hvað sem síðar verður er öruggt að sjávarborð hefur hækkað mikið við Reykjavík. Gott að vera sammála vísindamönnum sem nota fjölbreytta og háþróaða tækni. 

 

 

 

Fingrafar jökla í heimshöfunum

Athugasemdir

[Emil Hannes Valgeirsson, 13.10.2013 kl. 20:51]

Eins og nefnt er í fréttinni þá mun sjávarborð hækka sérstaklega mikið við suðvesturhornið. Helsta ástæðan fyrir því kemur hinsvegar ekki fram í fréttinni en hún er sú að suðvesturhornið hefur lengi verið að síga af jarðfræðilegum ástæðum vegna nálægðar við Reykjanesbrotakerfið. Jarðskjálftinn á Reykjanesi í morgun gæti því hafa lækkað landið suðvestanlands örlítið jafnframt því sem tognað hefur úr því.

[Guðmundur Eyjólfur Jóelsson, 13.10.2013 kl. 21:29]

Um það bil sem landnám átti sér stað var staða sjávar hærri en nú er hafa m.a. fundist hlekkir við Pétursey þar sem bátar hafa liklega verið bundið við,Rétt er það Emil að land er að síga á Reykjanesi sérstaklega á eldri hlutanum af berginu þá við Garð og sangerði og suður að Höfnum.

[Sigurður Antonsson, 13.10.2013 kl. 21:38]

Sammála þér Emil.

Búrfellsgjá er dæmigerð fyrir sigið sem á sér stað á suðvesturhorninu. Þar mælist sigið í mörgum metrum frá gosi í Búrfelli. Gliðnunin einnig mikill á aðeins áratug eins og mælipunktar sýna við gjánna. Sama gerist á landi við sunnanverðan Faxaflóa. Það er því til lítils að mæla sjávarstöðuna ef landið sígur.

Bændur á Íslandi verða áþreifanlega varir við veðrabreytingar og auka kornframleiðslu. Menn skynja náttúruöflinn og breytingar hér betur en á meginlöndum.

Sjálfur er bóndinn í mér að rækta kartöflur, síðdegis í hlýjum október var ég að fá 10 falda kartöfluuppskeru. Grösin fyrir löngu fallin. Lengi framan af sá ég aðeins stór grös og lítinn vöxt. Útsæðið fór niður snemma í maí. Enginn vafi að plastið sem var yfir grösunum í maí og júní hefur aukið uppskeruna. Garðurinn færst nær líka nær sjávarmáli.

[Ágúst H Bjarnason, 13.10.2013 kl. 22:23]

NOAA:

Mean Sea Level Trend
010-001 Reykjavik, Iceland

2,33 +/-0,50 mm/ári jafngildir um 23 cm á öld.

http://tidesandcurrents.noaa.gov/sltrends/sltrends_global_station.shtml?stnid=010-001

 

[Brynjólfur Þorvarðsson, 14.10.2013 kl. 05:56]

Á Íslandi á sér stað landsig nánast alls staðar, nema á brotabeltinu og þar sem land rís vegna minnkandi fargs jökla. Uppstreymi undir brotabeltinu heldur jarðskorpunni óeðlilega hátt uppi (á Reykjanesi frá Reykjanestá og gegnum Reykjanesfjallgarð).

Því lengra sem farið er frá brotabeltinu, því meiri er sighraðinn vegna kólnunar undirliggjandi bergs, samkvæmt ákveðinni formúlu, Reykjavík ætti að vera að síga um 7 mm á öld samkvæmt þeirri formúlu. Mælingar og rannsóknir hafa hins vegar sýnt að Reykjavík hefur sigið um 15cm á öld frá því við landnám, þetta er hugsanlega talið orsakast af því að undir Reykjavík séu leifar eldstöðvakerfis sem enn er að kólna.

Ásgeir nefnir um 23 cm á öld sem er nokkru meiri hækkun sjávarstöðu en landsigið eitt gefur af sér, þarna bætist væntanlega við hækkun sjávarborðs vegna hlýnunar (rúmlega 1,5 mm á ári að jafnaði síðustu öld). Hækkun sjávarborðs vegna hlýnunar er núna talin rúmir 3 mm á heimsvísu, sjávarstöðuhækkun í Reykjavík gæti því verið 4-5 mm á ári um þessar mundir.

Sjá athyglisverða grein í Náttúrufræðingnum 1987: http://timarit.is/view_page_init.jsp?pageId=4261672

[Ágúst H Bjarnason, 14.10.2013 kl. 07:18]

Krækjan sem ég ætlaði að láta fylgja grafinu frá NOAA virkar ekki. Ég reyni því aftur, en á síðu NOAA eru skýringar sem nauðsynlegt er að skoða með myndinni.

http://tidesandcurrents.noaa.gov/sltrends/sltrends_global_station.shtml?stnid=010-001

[Ágúst H Bjarnason, 14.10.2013 kl. 07:21]

Takið einnig eftir þrem öðrum litlum ferlum, sem eiga við Reykjavík, á síðunni