Er hægt að gera betur

Afrekaskrá fráfarandi innanríkisráðherra er ekki löng. Upp úr stendur að lögreglunni var ekki veitt aukið rannsóknarvald til að koma í veg fyrir ófyrirséða glæpi.

Listinn yfir það sem sveimhuginn gat en gerði ekki er langur: Hann hefði getað látið fresta uppboðum vegna afleiðulána heimilanna en gerði ekki. Vinstri stjórnin brást skuldugasta og fátækasta fólkinu. 

Frægastur verður hann fyrir að hefta fjárfestingu útlendinga á Íslandi í bújörðum og innanlands. Hann hafði möguleika á að láta óháðan dómstól ljúka Guðmundar og Geirfinnsmálinu en gerði ekki. Í þess stað notaði vinstri stjórnin Landsdóm í pólitískum tilgangi. 

Hann sló skjaldborg um flóttamenn frá fátækum löndum en vanrækti að bæta aðstöðu í fangelsum landsins. Það verður vart talið til afreka að setja Hólmsheiðafangelsið á fjárlög næstu ríkisstjórnar.

Nýr innanríkisráðherra getur betur, er það ekki. 

 

Hanna Birna innanríkisráðherra