Ævintýri Pírata, afla fjár í Kolaportinu

Netið er gott fyrir ævintýrin. Ung dóttir mín er farin að kenna mér á tölvutakka sem ég hef varla hreyft. You Tube er uppáhaldsstöðin hennar, þar getur hún endalaust fundið leikrit og sögur. Ævintýri sem hafa áður verið lesin fyrir hana á íslensku.

Hún heitir eftir heilagri Helenu og öðrum baráttukonum, hollenskum, og suður afrískum, hvar sem þær eru staddar í heimi hér. Píratinn Kristín Elfa skrifar sannfærandi grein í blaðið í gær korter fyrir kosningar. Hún segir að netið muni færa okkur óvæntar framtíðartekjur, það geti og upplýst okkur um allt sem gerist á Alþingi, bönkum, lífeyrissjóðum og í fyrirtækjum.

Píratar hafa samið kosningakerfi á netinu sem gæti skilað samfélaginu miklu betri ákvarðanatöku kjósenda. Friðhelgi á internetinu, beint lýðræði og gagnsæi. Píratar hafa náð árangri í skoðanakönnunum og mælast yfir 5 % mörkunum. Þeir búa að því að hafa stofnað flokkinn fyrir nokkrum misserum þegar aðrir eru mánaðargamlir.

Netið hefur komið þeim lengst áfram.  Þeir sem trúa að breytingar á stjórnarskránni muni færa okkur betra þjóðfélag og regluverk, hafa fengið haldreipi í pírötum. Á meðan gömlu flokkarnir eru að taka lán út á framtíðarstyrkti af almannafé, ná píratar langt á gjafafé úr Kolaportinu. Netfólkið á næsta leik. Þá mun hagvöxtur aukast.

Brostnar vonir um hagvöxt