Yfirboð á Bakka

Sumir myndu segja rússnesk rúlletta aðrir hættulegir stjórnmálamenn á ferð. Í kosningaham skýrast  yfirboð þingmanna og ráðherra. Slakur hagvöxtur endurspeglar stjórnarhætti. Dagblöðin tvö reyna venjulega að koma í veg fyrir stórslys með hlutlausum upplýsingum. Fréttablaðið greinir frá nýrri eftirgjöf 7. mars vegna stóriðjuframkvæmda á Bakka. Kjósandinn er varnarlaus, nær ekki andanum og er í varnarstöðu gagnvart fulltrúum sem hann kýs. Hann getur séð í gegnum auglýsingaskrum, en þegar það kemur í frumvarpi ráðherra lokast flest sund..

Flokkur sem nýverið hefur hindrað kínversk kaup á Grímstöðum á Fjöllum ætlar í samkeppni við kínverska alþýðulýðveldið á Bakka um kísillafurðir? Reyndar er þess ekki getið hver sé eigandinn að Bakka Silicon hf. er. Vitað er að þessi iðnaður hefur ekki riðið feitum hesti undanfarin 5 ár vegna samkeppni frá Kínverjum.  

Á Bakka á  að gefa eftir tryggingargjald, tekjuskatt, veita hundruð milljóna þjálfunarstyrk, 50% afslátt af fasteignagjöldum og engin stimpilgjöld skal greiða. Ofan á þessar ívilnanir leggst lágt orkuverð.

Allt sem venjuleg íslenskum fyrirtækum er gert að greiða að fullu er fellt í burtu, verði frumvarp ráðherrans að veruleika. Blaðið bætir því við að ráðherrann ætli að koma við í Helguvík og gera bragðbót á samningavinnu. Hér er um milljarða eftirgjöf til erlenda aðila.  Allt sem VG hefur sagt um að efla íslenska framleiðslu og meðalstóran iðnað er fokið út í veður og vind. 

Hagvöxturinn 1,6% í fyrra

Athugasemdir

[Erla Magna Alexandersdóttir, 8.3.2013 kl. 16:48]

ER yfirleitt í lagi að einstakir þingmenn geti ráðstafað þjóðarhagsmunum til að fá atkvæði ?

[Sigurður Antonsson, 12.3.2013 kl. 20:28]

Sæl Erla

Lengi vel sögðu Vinstri Grænir að þeir ætluðu að sýna ábyrgð. Ekki virkja nema hægt væri að selja orkuna á hagstæðu verði. Ekki gefa einstökum fyrirtækjum meiri eftirgjöf en öðrum. Nú þegar líður að kosningum er þetta allt gleymt. Kjósendur sjá í gegnum blekkingarvefinn og VG uppsker væntanlega eins og hann sáir.

Margir hafa leikið þennan leik á undan þeim en. Svik VG eru meiri en hinna sem ekki fara leynt með áætlanir sínar. Ójafn kosningaréttur ýtir undir þessar leiksýningar. Þegar hann fæst heldur ekki leiðréttur fýkur í flest skjól. Við sem erum að blogga getum líklega litlu breytt en ekki sakar að reyna.