Perlur íslenskra húsagerðalitstar

Guðjón Samúelsson húsameistari sótti sínar bestu hugmyndir í íslenska náttúru. Fáir arkitektar hafa gert betur eða verið jafn afkastasamir.

Kaþólska kirkjan á Landakotstúni er meistaraverk eins og Hallgrímskirkja. Það þarf aðeins tíma og næði til að sjá hlutina í réttu ljósi. Það er ekki nóg að koma einu sinni í helgidóminn heldur verður að sjá listaverkin aftur og aftur í mismunandi birtu. Glerlistaverkin í Landakotskirkju eru einföld við fyrstu sýn en búa yfir dulmögnuðum krafti þegar sólarljósið kristallast í glerinu og varpar lituðum geislum inn á kirkjugólfið.

Einlæg trú og leitin að guði sínum getur verið nánast hvar sem er. Upp á fjöllum í lofti og í hellum. Allt eftir því hvert hugurinn vill. Hugrekki til að minnast Hallgríms sálmaskálds í steinsteypu var stórt í sniðum þegar kirkjan reis á nokkrum áratugum. Að gleðja skólavörðutúristar er viss galdur sem arkitektar hafa fingur á. Allt umhverfið gefur kirkjunni lit.

Veglegustu kirkjunnar byggjast á mörgum öldum og enn aðrar taka breytingum eftir árstíðum. Ummælin í Politiken eru vinsamleg og tilvísun í Snæfellsjökull skemmtileg. Íbúar á láglendi sjá hluti sem Íslendingum hættir til að gleyma. Kirkjan á nyðri Jökulþúfunni er stórkostleg í sumarsólstöðu, þegar skuggar og rauðglóandi nætursólin lita jökulstálið. Eiginlega ætti enginn sem vill komast í námunda við himnaríki að missa af slíkri upplifun á bjartri sumarnóttu.

Endurvekja þarf miðnæturgöngur á Snæfellsjökull þegar sólargangur er hvað lengstur. Að fá tækifæri til að sjá kirkjusmíð náttúrunnar í íslenskri sumardýrð og litagleði eru gjafir norðursins. Danir eru fundvísir á einfaldleika og hið tignarlega. Þegar þeir setja arkitektúr Hallgrímskirkju í öndvegi er það gert af einlægni.

Hallgrímskirkja ein magnaðasta kirkja heims