Ris og fall stjarna

Í átakaheimi þar sem barist er um áhrif birtast sífellt nýjar stjörnur. Eiga sitt eigið líf á tímabundni rás. Ganga fyrir mátt auglýsinga og framtaks einstaklinga. Óskarinn er hluti af öflugri stjörnuvél sem hefur aðallega haldið á lofti framleiðslu frá Hollywood. Gaman verður því að sjá hvað í Listamanninum heillar Ameríku.

Á Eyjunni má sjá nýjustu myndböndin frá Ameríku og aðra mynd á stjörnuhimni. Þar má sjá Whitney Houston syngja á Super Bowl1991. Ung og glæsileg stjarna í blóma lífsins stígur fram á sviðið, óörugg en með rödd sem hrífur alla. Stolt og prýði Ameríku á íþróttaleikvelli þar sem hún sameinar hvíta og svarta. Ameríska fjölskyldan í sínu besta pússi, en í baksýn máttug hernaðarvél.

Á sömu netsíðu má sjá leikarann Kevin Costner 21 ári síðar kveðja Houston með hugljúfri röddu. Sjá stjörnu brenna út langt fyrir tímann í heimi álags og eiturlyfja. Leiksviðið höfum við séð oft áður í boði bestu leikritaskálda Ameríku. Hver man ekki eftir Arthur Miller og Marlyn Monreo eða leikverkinu Allir synir mínir.

Óvenjulegt er að frönsk mynd skíni jafn skært í Hollywood en kannski boðar það breytingar.

The Artist besta myndin

Athugasemdir

[Sleggjan og Hvellurinn, 27.2.2012 kl. 13:04]

jebb