Endurtekinn dómur

Í gær var fyrrverandi ráðuneytisstjóri neglur og krossfestur. Mikils metinn opinber starfsmaður til margra ára. Bólubréfasafnari án félags. Nú á að sýna að kerfið tekur við sér. Dómurinn er skýr. Opinber starfsmaður á ekki að stunda bóluviðskipti á minnsta hlutabréfamarkaði heims. Martha Stewart sjónvarpsstjarna og kokkur með meiru fékk 5 mánaða dóm en íslenska dómskerfið gerir betur. Eimreiðarmaður og brautryðjandi á hlutabréfamarkaði, 2 ár.

Mátulegt á hann hrópar lýðurinn. „Fagnaðarefnið þegar einstaklingur fellur en kerfið blífur." „Argasta bananalýðveldi bjargað." „Tímamót í réttarfarsögu eftir öll guðmundar og geirfinnsmálin.“ Gærdagurinn er ekki einungis sögulegur fyrir íslenska dómskerfið. Minnsta "peningastefnuvél" í heimi fær aflausn hjá Fitch-regluverkinu. Ruslflokknum aflétt stóð stórum stöfum. Gæðastimpillinn fundinn. Ísland í farabroddi undir vinstri stjórn.

"Á fullu stími út úr brimgarðinum." Út úr bóluhagkerfinu. Lifi makríllinn og AGS. Stórkostlegur sögulegur gærdagur, sem ber að fagna á ný í Hörpu. Sjáið bara: Hagar hækka og hækka. En aðeins fyrir útvalda í lokuðu bóluhagkerfi sakleysingja.

Forstjóra FME sagt upp

Athugasemdir

[Guðmundur Ásgeirsson, 19.2.2012 kl. 06:09]

Þú ert að lesa álit Fitch vitlaust.

Í niðurlagi þess stóð að helsta hindrunin í vegi fyrir frekari efnahagsbata væri að enn ætti eftir að leiðrétta skuldir heimila og fyrirtækja.

[Sigurður Antonsson, 20.2.2012 kl. 21:41]

Sæll Guðmundur

Efnahagurinn er sterkur vegna góðra stöðu útflutningsfyrirtækja. Hagvöxtur sem byggist einungis á aukinni veltu eða eyðslu er verðbóla. Raunverulegur hagvöxtur byggist á betri afkomu útflutningsgreina. Ef þorri heimila eru yfirveðsettur og þau ná ekki að greiða lánin niður erum við í slæmum málum. Þar get ég verið sammála þér. Held að það þurfi ekkert Fitch regluverk til að sýna það. Annars sakna ég hagfræðiupplýsinga á einum stað og á mannamáli. Almenn og aukin fræðsla um efnahagsmál gæti fleytt okkur enn lengra. Hér þarf meiri aga í fjármálum til að við fáum notið gæða landsins.

Hættum að greiða vexti af erlendum gjaldeyrisvarasjóð og skilum peningunum til föðurhúsanna. Eignir lífeyrissjóða ætti að frysta í þessum tilgangi tímabundið í gjaldeyrisvarasjóði í erlendri mynt. Það myndi og koma í veg fyrir innlenda verðbólgu og hlutabréfabólu. Vaxtagreiðslur sem spöruðust á einu ári við það myndu fara langt í að rétta af öll illa stödd heimili.