Skrautfjaðrir Steingríms

Stjórnmálamenn geta að sjálfsögðu keypt að "skemmtikrafta" eins og hver annar og látið þá tala eftir pöntun. Að halda slíka samkomu í Hörpunni með AGS mönnum undirstrikar alvöruna og djúpa undirölduna sem almenningur verður að baða sig í. Nóbelsverðlaunahafar í hagfræði er alls góðs verðugir. Þegar þeir lýsa sérstaklega því yfir við komuna til landsins að þeir þekki lítið til íslenskra aðstæðna ættu stjórnmálamenn að tala varlega.

Vissulega hefur krónan hjálpað til við að koma málum í betra horf eftir veisluna. Það hefur verið gert áður með gengisfellingum en almenningur tekur á sig byrðarnar. Skyldi Krugman þekkja til verðtryggingarinnar og þær álögur sem hafa verið lagðar á heimilin með 110% veðsetningu fasteigna. Hefur herra Steingrímur sagt Krugman frá öllum þeim atvinnulausu sem hafa farið erlendis, þeim sem hafa sest á skólabekk eða verið ráðnir í atvinnubótavinnu. Ætli atvinnuleysisprósentan væri ekki þá mæld í tugum prósenta. Fall gjaldmiðilsins frá lýðveldisstofnun er eitthvað það hæsta á byggðu bóli og lýsir stjórnsýslunni á Íslandi öðru fremur. Fyrir skömmu voru afgreidd lög um sveitastjórnarmál og engin takmörk sett um skuldsetningu þeirra. Halda á áfram í sömu óvissunni og láta almenning taka á sig krónufallið. 

Munum áfram nota krónu