Skólaspegillinn

Sláandi tölur eru í Fréttablaðinu í dag um kennslustörf í grunnskólum. Þeir sem eiga unglinga og börn í skólum þekkja þessa vankanta af skólavist barna sinna. Óregluleg viðvera vegna valfaga og mikill frí fyrir og eftir jól. Heildarkennslutími er stuttur miðað við OECD löndin, 641 klst. Um 71-85 kennslustundir á mánuði en svo kemur í ljós að viðveran er lengri en í nágranalöndunum. Hlutfall vinnutímans sem fer í kennslu er aðeins 35%. Viðkomandi skýrsla er virðingarvert framlag hjá sveitafélögunum en hvernig skyldi útkoman vera í æðri menntastofnunum. Hætt er við að niðurstaðan verði sú sama en hvar er aðhaldið hjá ríkinu? Þegar kemur út í atvinnulífið og stjórnmál eru merki um álíka agaleysi og vöntun á skilvirkum vinnubrögðum. Er von nema menntaskólagengnir spyrji spurninga á latínu þegar svör fást ekki á móðurmálinu.