Lituð pólitík og frjálst val

Hversu vel sem stjórnvöld gera verður alltaf til stór hópur sem afneitar góðum verkum. Finnur þeim allt til foráttu. Vinstri mönnum hefði aldrei dottið í hug að fella niður gjöld af smokkum og dömubindum. Að ætla sér að auka framlög til sjúkrahúsa og lækna á sama tíma, lækka álögur er eins og skipbrot í velferðarsirkus vinstri manna.

Aukning kaupmáttar og halda niðri verðbólgu á sama tíma er list hins ómögulega. Ofurverkefni sem stjórnarherrarnir ætla sér að ná þrátt fyrir andstöðu VR, ASÍ og fleiri aðila. Stærsti fjölmiðillinn spilar undir og í hvert sinn sem ráðherra er tekinn í viðtal er hann settur í varnarstöðu með "heilögum" kröfum. Nokkuð sem þekkist ekki á BBC vefnum sem er fyrirmynd vinstri manna um hið skothelda ríkisbatterí. 

Þessum aðilum er sama um verðbólgu og háa vexti ef þeir geta sett af stað auknar kröfur sem þjóna pólitískum markmiði. Þess vegna er mikilvægt að regluverkið sé skilgreint og að menn verði gerðir ábyrgir fyrir framúrakstri stofnanna. Fyrirmyndin að upplausn er úr þingsölum þegar ríkisstofnanir ætla sér frjálst val í efnistöku og útgjöldum.

 

Sætta sig ekki við góðar fréttir

Athugasemdir

[Gunnar Th. Gunnarsson, 31.12.2015 kl. 16:03]

Vel mælt, Sigurður

[Jósef Smári Ásmundsson, 31.12.2015 kl. 17:44]

Það er margt verið að gera gott. Ríkisfjármálin eru í góðum höndum og jákvætt að skuldir eru að lækka. En ég er ósáttur við að kjör öryrkja og aldraða skuli ekki fá leiðréttingu. Skil það vel að aukning öryrkja er vandamál og tel þörf á því að taka á því máli en á meðan þetta mál er ekki í höfn get ég ekki mælt með þessari stjórn.

[Sigurður Antonsson, 1.1.2016 kl. 12:58]

Gleðilegt ár og takk fyrir innlitið.

Miklir kraftar eru í gangi og margt gott er að gerast. Framtíð eyskeggja er í miklum blóma. Tækifærin eru svo mörg út af staðsetningunni og landinu sem við erum alltaf að uppgötva. Fyrst þegar við sjáum fegurðina eða tækifærin er hægt að sýna öðrum. 

Hvort það er virkjun á Austurlandi eða Hallgrímskirkja í ljósum og tónum, þá er það sköpunin sem gerir útslagið. Húsameistari kirkjunnar og þeir sem byggðu, gerðu hana það sem hún er í dag eiga heiðurinn. Allir byggingameistararnir lágir sem háir skópu verkið og fylltu kirkjuna af mannfólki.

Á nýársdag er gott að ganga á nýfallinni mjöllinni upp í Heiðmörk og virða fyrir sér sköpunarverkið í þögn og auðmýkt.