"Ákafi atburðanna"?

Ótrúlegt er að berggangur með kviku sé orðinn 40 km langur. Nái allt til "tappans" í Öskju? Leitað er stöðugt til ákveðins hóp sérfræðinga sem allir hafa mismunandi skýringar um "framgang eldgossins". Þeir vitna í sífellu til Veðurstofunnar sem vön er að gera  spár. Mælitæki margfalt öflugri og fleiri en á árum áður. Samt sem áður tekst mönnum ekki að spá í leikfléttur kvikujötuns hið neðra. Leikmönnum hefur verið kennt að gagnrýna ekki vísindamenn, en með miklu upplýsingaflæði í blöðum og á netinu getur það breyst. 

 

 

 

Tappi undir kvikuþrónni?

Athugasemdir

[ÞJÓÐARSÁLIN, 27.8.2014 kl. 19:45]

Sú merka persóna Bangsímon sagði: Ég er bara bangsi með mjög lítið vit. Stundum ættu háskólamenn að taka hann til fyrirmyndar og viðurkenna vanmátt sinn.

[Ásta María H Jensen, 27.8.2014 kl. 20:06]

Hver var þessi Bangsi?

[Guðmundur Ásgeirsson, 27.8.2014 kl. 21:58]

Mér hefur þótt þetta liggja nokkuð ljóst fyrir eftir að berggangurinn byrjaði að myndast. Berggangurinn liggur nákvæmlega eftir þeirri línu á jarðvísindakorti af Íslandi sem sýnir hvar Noruður-Atlantshafs hryggurinn og gliðnunarbelti hans sker landið í sundur.Það sem er einfaldlega að gerast er að flekarnir eru að hrökkva í sundur og þá teygist á jörðinni, sem rifnar upp eins og rennilás, að meðaltali 4 km á dag. Á sama tíma hefur virknin færst nær yfirborðinu.

Það sem er hinsvegar engin leið að segja til um er hvar á þessari 40 km löngu (verðandi að því er virðist) gossprungu sem þarna er að myndast, muni koma upp gos. Það gæti þess vegna orðið á mörgum stöðum á sprungunni, það gæti líka orðið í Öskju sem núna liggur beint ofan á sprungunni, það gæti líka komið spýja úr Bárðarbungu sjálfri. Til dæmis ef kvikan fær útrás t.d. þar sem er Dyngjujökull, þá sekkur tapinn í öskju bungunnar þegar þrýstingur léttist undir honum og þar sem hann er keilulaga þá myndast bil á milli hans og öskjuveggjanna þar sem kvika gæti komið upp.

Jarðvísindamennirnir geta hinsvegar, ekki frekar en við hin, vitað nákvæmlega hvar og nákvæmlega hvenær.

Ég er mjög hræddur um að þarna geti orðið atburðir á borð við Skaftárelda, en maður vonar auðvitað það besta.

Það er allavega eitthvað byrjað að opnast: http://www.ruv.is/frett/6-kilometra-sprungur-nalaegt-bardarbungu

[Ásta María H Jensen, 28.8.2014 kl. 14:43]

Tappi Tíkarrass heitir Tappin og er nú Bara Björk Guðmundsdóttir

http://www.valkyrjan.com/index-22.htm

[Sigurður Antonsson, 29.8.2014 kl. 02:40]

Sannarlega hefur þú Guðmundur orðið sannspár. Eldgos er hafið í Holuhrauni sem ber nafn sitt nú með rentu. Ómar Ragnarsson hefur mikið fjallað um Holuhraunið og lýst því í aðdraganda gossins. Kemur heim og saman við þá vitneskju sem þegar hefur komið fram um kvikuna sem hefur færst til norður. Ómar segir að gígaröðin í Holuhrauni sé eitt af fágæti stórkostlegrar íslenskra náttúru.

[Hörður Þórðarson, 29.8.2014 kl. 21:05]

Guðmundur: "að meðaltali 4 km á dag"

Ertu alveg viss?