Litadýrð við höfuðborgina

Á Bláfjallavegi ofan við Hafnarfjörð voru nokkrir útlendingar að ljósmynda fegurðina sem sjá mátti við Sundin og allt til Snæfellsnes. Það er ekki öllum kunnugt hve mikið litaúrval er að finna á þeirri leið þegar haustar. Ljósgrænn mosinn, hraunið, víðir og lyngið í haustlitum. Stutt að fara með ferðamenn sem varla verða fyrir vonbrigðum.

Á gönguleiðinni í Grindaskörð og sunnan Syðstubolla er að finna fallegan mosa og eldgosasteina í nær öllum litum. Göngustígurinn er talsvert breiður á hraunklöppunum sem sýnir að hér hefur verið talsverð umferð áður fyrr. Þegar upp á Skörðin er komið má sjá fjallahringinn með Þórisjökli, Skjaldbreið og snævi þakta fjallatoppa alla leið að Snæfellsjökli. Vestmannaeyjar og Surtsey í bláum litum í suðri. Ef stjörnubjartur himinn, þá er haustdýrðin fullkomnuð. 

Afar fallegt sólarlag í kvöld