Ekki sannfærandi. Engar breytingar?

Gylfi hefði betur sagt þetta fyrir síðustu kjarasamninga. Íbúðalánasjóður og bólgu hvetjandi lífeyrissjóðir eru fyrirbæri sem gengur ekki upp. Hafa grafið undan trausti ríkistjórnarflokka. Forseti ASÍ hefur varið háa ávöxtunarkröfu lífeyrisjóðanna í kreppu og þannig viðhaldið verðbólgu.

Unga fólkið sem fóru til annarra landa í atvinnuleit sá að ekki var hægt að eignast húsnæði í núverandi verðbólgu, verðtryggingu og háum vöxtum. Aðrir eru í gildru breytilegra vaxta og verðtryggingar. Það á líka við um fyrirtækin sem halda að sér höndum.

Verðstöðvun og þjóðarsátt er ekki í kortunum. Frambjóðendur vilja lítið tala um hvernig leysa eigi vandann. Foringi Framsóknar segir að við verðum að búa við krónuna næstu 10-16 árin. Allir vita hvað það táknar. 

Píratar vilja leyfa fyrirtækjum að gera upp í þeim gjaldmiðli sem þau kjósa.  Dreifa áhættunni á marga gjaldmiðla. Fyrirmynd frá Sviss. Fjórflokkurinn hefur engar lausnir á ónýtri krónu. Seðlabankinn reyndi í 500 blaðsíðna skýrslu að dreifa umræðunni og leggja áherslu á eina færa evruleið. Ef áhugi væri á að draga úr verðbólgu gæti Seðlabankinn nú þegar lækkað stýrivexti, sýnt fordæmi og varðað leiðina.  

 

„Draga lífsneista úr heimilunum“