29.7.2018 | 13:18
Sumarleg skæðadrífa á Þingvöllum. Opinn fundur friðarþings
Alþingismenn eru mannlegir. Vilja komast út í sumarið og góða loftið. Gera "eitthvað" eftirminnilegt með fyrrverandi sambúðarþjóð. Öllum ljúfum skylduræknum sendimönnum og embættismönnum er boðið á hátíðarfund. Boðið góð veisluföng í borginni að kveldi. Ekkert skal til sparað. Sjáið hvað við höfum afrekað í heila öld?
Á réttu eða röngu augnabliki gerist hið óvænta. Þegar búið var að loka gjánni fyrir almenningi birtist spákona á klettabrúninni með varnaðarorð og hrópar: Hún má ekki sitja við hlið forseta íslenska lýðveldisins. Vei þeim er úthúðar og útilokar misskildu börnin hennar Evu.
Blórabögglar og senuþjófar voru til fyrir tíma Lúthers. Þess sem úthúðaði gyðingum og kaþólskum. Kratar hafa löngum viljað upphefja eigið ágæti með nýjum ásökunum á ýmsa þjóðfélagshópa. Að setja þingforseta vinaríkis á bekk hatursorðræðu er nýlunda.
Hér er engin húsmóðir að snúa öllu við á heimilinu og gera vorhreingerningu? Ekki þingmaður krata á leið í formannsframboð? Ekki þingmaður á Alþingi sem vill ræða málefni í þágu ungmenna? Í þess stað allt um þann sem "vék aftur til fjallsins einn síns liðs."
Nýleg orðudrífa forseta í Helsingi vakti athygli á tiltektum embættismanna. Hátíðarfundur Alþingis, án blessunar almennings er önnur misheppnuð samkoma á sögufrægum stað? Jafn kosningaréttur var ekki á dagskrá. Ýmislegt annað mætti til taka. Allir nema einn vildi varðveita einingu friðarins.
Í stað þess að biðja Dani afsökunar á ýmsum ónotum eftir sambandsslitin er sendimanni þeirra úthúðað. Ekkert um verkefni í þágu ungmenna. Eftir stendur að sumarleg skæðadrífa þingmanns hefur raskað ró þings.
"Á dagskrá þingfundarins á Þingvöllum verður eitt mál tillaga formanna stjórnmálaflokkanna um verkefni í þágu barna og ungmenna, og um rannsóknir er stuðli að sjálfbærni auðlinda hafsins og nýtt hafrannsóknaskip. Tillagan verður afgreidd með umræðu og atkvæðagreiðslu."
Ekki verið að halda upp á afmæli Piu | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
21.7.2018 | 19:18
Frjáls og óháður
Styrmir Gunnarson fyrrverandi ritstjóri er frumlegur og alþýðulegur. Þorir að hafa skoðanir og fylgja þeim eftir. Nýlegur Þingvallafundur var prjál og titlatog eins og það greinist hæst. Allir hálf súrir á svip en fullir af skyldurækni. Gaman hefði verið fyrir alþýðu að sjá myndsyrpu frá hátíðarveislunni, eða er henni alveg sama?
Flest allt í kringum fundinn var nútíma álfadans með björgum fram. Í upphafi fundar gengur álfkonan inn í björgin. Búið að banna alla umferð og aðeins djúphugsandi skyldufullar sálir nálægar.
Ekki laust við að skipuleggjendur hafi haldið það gefa fundinum aukið vægi að kalla til Þjóðþingforseta Dana til að flytja nokkur vel mælt orð. Danir eins og venjulega hinir kurteisustu og vinir örþjóðar. Vinskapur sem má rækja án sendiráða?
Freskur blær yfir skoðunum Styrmis.
Vill loka íslenskum sendiráðum | |
Tilkynna um óviðeigandi tengingu við frétt |
Bloggar | Breytt s.d. kl. 19:31 | Slóð | Facebook | Athugasemdir (2)
17.7.2018 | 19:50
Góður foringi en Lars Lagerback var önnur höndinn
Maradona sagði að þjálfara Argentínulandsliðsins yrði ekki fagnað við heimkomuna. Eftir leikinn við Nígeríu á bökkum Volgograd var eins og allt loft væri farið úr liðinu. Strákarnir sameinaðir fjölskyldum sínum? Þótt "strákarnir okkar" hefðu unnið áfangasigur var engin til að fagna þeim við heimkomuna?
Ekki má gleyma að Lars Lagerback kom Nígeríumönnum og Svíum á stórmót. Lars brýndi oft fyrir sínum mönnum að það mætti ekki mæta á leik með of mikli bjartsýni. Sá sem ætlaði að vinna mætti búast við því versta.
Mögulegir eftirmenn Heimis | |
Tilkynna um óviðeigandi tengingu við frétt |
14.7.2018 | 19:03
Ægifagur ísjaki á Íslendingaslóðum norðan Upernavik
Á þessum slóðum voru Íslendingar á fjórtándu öld. Skildu eftir sig skilaboð í vörðu, ef einhver myndi reka augun í þau síðar. Innaarsuit hljómar ágætlega á ensk-íslensku og er nokkra kílómetra norður af Upernavík. Nafnið Upernavik hljómar eins og það komi úr Norðurlandamáli, norsku eða sænsku?
Íslendingar og norrænir menn í Grænlandi réru og sigldu undir seglum norður fyrir Disko úr Eystribyggð. Til baka komu þeir með húðir af rostungum. Afurðir úr verstöð sem voru seldar til Bergen og Suðureyja. Þessi veiði- og verslunarsaga er nær óskráð.
Allt bendir til að kaupmennirnir hafi siglt frá Hvarfi til Orkneyja og því hafi ferðir þeirra aldrei komist í sögubækur. Þegar kólnaði á 13. öld hafa síðust norrænu íbúarnir farið með seinustu kaupskipunum til Skotlands og Noregs. Aðrir hafa ílengst norður frá og samlagast Inúítum sem voru norður af Upernavik?
Ísjakinn færist fjær þorpinu | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)
9.7.2018 | 21:40
Einbeittur ráðherra J. Hunt og ný ensk aðlögun?
Hvorki rak né gekk hjá Boris Johnson. Hann var jafn vonlaus þegar hann gekk frá borði og þegar hann tók við stýrinu. Theresa May, samningakonan er enn þá skipstjórinn. Hún hefur haldið flokknum í límingum og er líkleg til að gera það áfram.
Lítill meirihluti var fyrir Brexit. Áfram verða málmiðlanir og útgangan verður í skötulíki, ef að líkum lætur. Englendingar munu ekki saka Evrópusambandið um að hafa spillt útgöngunni. Stolt þeirra og hagsmunir verður til þess að þeir finna ensku leiðina.
Jeremy Hunt tekur við af Boris Johnson | |
Tilkynna um óviðeigandi tengingu við frétt |
Bloggar | Breytt 10.7.2018 kl. 18:25 | Slóð | Facebook | Athugasemdir (0)
Um bloggið
sigurfang.blog.is
Bloggvinir
- hekla
- sighar
- thjodarskutan
- esgesg
- tilveran-i-esb
- rabelai
- krisjons
- stinajohanns
- kreppan
- jonvalurjensson
- jennystefania
- elinerna
- photo
- vulkan
- kermit
- ipanama
- svavaralfred
- robertb
- olafurjonsson
- josira
- bookiceland
- kristjan9
- shv
- aslaugfridriks
- stjornuskodun
- don
- arkimedes
- einarborgari
- apalsson
- jobbi1
- postdoc
- geiragustsson