Eiga heilbrigðisyfirvöld að ráða þegar samvinna við Gæsluna gæti skilað betri árangri.

Fagráð í hrossarækt er þekkt fyrirbrigði. Reyndar eru fagráð á öllum mögulegum sviðum og allt ágætt um það að segja. Fagráð um sjúkraflutninga er skipað læknum og fleiri ágætum mönnum. Formaður Viðar Magnússon gjörgæslulæknir.

Fagráð nefnir fjölmennari og minni lönd, Sviss og Danmörk þar sem minni sjúkraþyrlur eru notaðar og kostnaður oft greiddur af tryggingafélögum. Sagt er að það þurfi 3-4 starfsstöðvar víða um land, en samt sem áður yrði það aldrei nóg ef 30 mínútna flug ætti að vera til næsta sjúkrahús. Þá á að notast við björgunarþyrlur, væntanlega í samvinnu við Gæsluna.

Í skýrslu Fagráðs er undirstrikað að heilbrigðisyfirvöld eigi að "ákveða þjónustuna." Þau þurfi að hafa eignarhald og bera ábyrgð á verkefninu. Rekstrakostnaður er sagður vera 650 milljónir á ári en ekkert um stofnkostnað, sérstakar starfstöðvar og stýringu heilbrigðisyfirvalda. Þyrlur eru ekki ódýrar og hætt er við að kostnaður myndi margfaldast og verða par milljarða áður en varir. 

Fagráð um sjúkraflutninga getur varla talist ábyrgt fyrr en það greinir frá áætluðum heildarkostnaði við framtakið.

Landhelgisgæslan er ein af þeim stofnunum sem menn bera mest traust til. Hún er hluti af viðbragðs og varnarkerfi landsmanna. Fáar stofnanir sýna eins mikið aðhald, en eru samt sem áður með yfirgripsmikla starfsemi. Gæslan er ávallt viðbúin þegar alvarleg útköll eru eða válegir atburðir og aðstoðar er þörf.

Ísland er stórt land með tiltölulega fáa íbúa, en sinnir öryggisgæslu á margfalt stærra hafsvæði en flest Evrópulönd. Samanburður við margfalt fjölmennari Evrópulönd er því ekki raunhæfur. Hér væri nær að efla Gæsluna með samvinnu og upplýsingaöflun.


mbl.is Minni þyrlur koma ekki í stað stærri
Tilkynna um óviðeigandi tengingu við frétt

Ferðaþjónustan viðkvæm fyrir sveiflum. Costco, Ikea og RÚV markaðsmenn?

Ólíkt ríkisrekstri eru fyrirtæki háð markaði og árstímabundum sveiflum. Í sjávarútvegi eru það aflabrögð og gæftir. Engum þarf að koma á óvart, nema kannski fréttamönnum RÚV að fyrirtækjarekstur er sveiflukenndur. Skattheimta og hátt gengi eru að sliga ferðaþjónustu?

Ferðaþjónustan viðkvæm fyrir sveiflum. Costco og Ikea eru sagðir markaðsmenn eða snillingar, en geta í krafti stærðar náð mun betri samningum og skipulagi en smáfyrirtæki. Öll fyrirtæki eru í baráttu og þurfa stöðugt að vera á vaktinni til að ná árangri.

Hjá RÚV vita menn þessi lögmál þegar kemur að samkeppni um auglýsingar. Gera allt sem þeir geta til að ná áhorfi, jafnvel þótt að öryggisatriði eins og veðurfréttir sitji á hakanum. Skotið inn á milli frétta og auglýsinga. Aldrei á sama tíma.

Flestir kannast við að fréttir eru og litaðar til að þær falli í kramið hjá sem flestum.

 

 

 

 


mbl.is Máttu búast við uppsögnunum
Tilkynna um óviðeigandi tengingu við frétt

Helvíti á jörð. Viðvaranir og grimmileg örleg virðast engu skipta.

Í áratugi var Almenna bókafélagið vörður og skjöldur þeirra afla sem reyndu að upplýsa um hættur sem einræðisherrar skapa. Á seinni árum hefur Hannes Hólmsteinn Gissurarson haldið uppi merkinu og sent frá sér margar bækur um efnið. Hann hefur ítrekað fengið á sig ómálefnalega gagnrýni frá fólki úr háskólasamfélaginu. Frá vinstri mönnum sem reyndu að gera skrifin tortryggileg. 

Örlagasaga Ottós er ekki ný af nálinni. Einræðisherrar eru oftar en ekki örlaganornir. Þeir skjóta upp kollinum þegar minnst varir og nota sér aðstæður til að auka eigin völd og áhrif. Sagan endurtekur sig í öllum þjóðfélögum í mismiklum mæli. Það eru sakleysingjarnir sem viðhalda ástandinu með aðgerðaleysi og stuðningi sínum. 

Í frétt Mbl.is 20.6 var þess getið að Otto hafi verið "Afburðasnjall og hjartahlýr". Það hefi getað átt við um marga íslenska rithöfunda sem aðhylltust stefnu kommúnista. Skálda sem fóru margar ferðir í austurveg til að verða blekktir og heilaþvegnir af fagurgala kommúnista.  

Örlagasaga Ottós er viðvörun til okkar. 


mbl.is „Og nú er lífi hans lokið“
Tilkynna um óviðeigandi tengingu við frétt

Hugmyndavinna Benedikts?

Vantar samstöðu hjá ríkisstjórninni? Í tvígang með skömmu millibili kemur fjármálaráðherra með tillögur sem ekki fá brautargengi forsætisráðherra. Boðuð Hækkun virðisaukaskatts á ferðaþjónustu fékk ekki góðar undirtektir.  Fjármáalráðherra ber ábyrgð á peningastefnu Seðlabanka og hefur engu áorkað í að hér skapist betra rekstraumhverfi fyrirtækja. Gengið er á mikilli hreyfingu og evran ekki í sjónmáli.

Tilaga nefndar fjármálaráðherra gekk út á að takamarka notkun á krónunni. Væntanlega til þess fallin að landsmenn myndu nota evru og dollar í meira mæli, eins og flestir sjá að mun verða. Ný tölvutækni er á góðri leið með að ýta út af borðinu seðlaprentun.

Ríkisstjórnin er á höttum eftir meira fjármagni til hinna ýmsu pósta. Hlutur ríkisins í þjóðarkökunni stefnir í 60 prósent. Einkavæðing í samgöngu og heilbrigðismálum hefur ekki gengið eftir vegna andstöðu vinstri manna. Kratarnir sem eru í öllum flokkum ríkisstjórnarinnar virðast vera ómarkvissir. Nota hvert málið á fætur öðru til að finna blóraböggla og ástæður fyrir aukinni skattheimtu.

Hvernig væri að þeir litu til Macron Frakklandsforseta sem hefur lofað að styrkja atvinnulífið og lækka skatta. Líkt og fyrri ríkistjórn Íslands gerði með góðum árangri. 


mbl.is Tíu þúsund kallinn ekki á förum
Tilkynna um óviðeigandi tengingu við frétt

Góð æfing? Tilefni til að ræsa "þjóðaröryggisráð" ?

Loksins er komið í ljós hvers vegna 260 lögreglu og björgunarsveitamenn hafi verið kallaðir út vegna fótboltaleiks í Laugardalnum. Trump hefur bent á að Bandaríkjamenn ætli ekki að vera einir á vaktinni og bera megin hluta kostnaðar við Nato.

Á sama tíma berast fregnir af handtökum á borgurum í Rússlandi sem ekki vilja vera umlyktir járntjaldi. Pútínstjórnin reynir að berja niður viðleitni fólks til að vera upplýst. Vera meðvitað um eigið þjóðfélag og þróun þess.

 


mbl.is Handtóku sjö fótboltabullur
Tilkynna um óviðeigandi tengingu við frétt

Hverjir greiða kostnaðinn? Vinsælt að spyrja eftir á.

Eitthundrað og tuttugu lögreglumenn og 140 björgunarsveitamenn. Er hér um æfingu að ræða eða viðvarandi nýtt ástand? Hefð er fyrir því þeir sem efna til skemmtana út á landi greiði löggæslukostnað. Hvað með íþróttirnar? Er fótbolti ekki skemmtun? Athyglisvert er að undanfarið hafa lögreglumenn og sumir fjölmiðlar ýtt undir að meira fé verði varið til löggæslu í ljósi voðaverka.

Eitt það besta við eylandið er fjarlægðin frá meginlandinu, en hún er líka ókostur. Er þörf á miklum viðbúnaði í ljósi þess að hér er öflug tollgæsla, lögregla, sérsveitamenn og landhelgisgæsla. Á landi langt norður  í hafi.

Fjölmiðlar eru iðnir við að brydda upp á nýjum kröfum á hendur ríkisvaldinu og opinberum aðilum. Allar nýjar kröfur leiða svo til hærri skatta sem fæstir vilja. Hvar endar veislan þegar hátt í 60 prósent þjóðartekna renna til hins opinbera?


mbl.is Aukin gæsla í dag og fram yfir leikinn
Tilkynna um óviðeigandi tengingu við frétt

Tækifærin í Costco. Matarfíklar snúi við blaðinu og taki ávextina

Costco er hagræðing í verslun. Álíka og þegar Bónus var að byrja og strikamerkingar tóku völdin. Lengi höfðu sjálfsgreiðslubúðir verið að þróast, en á réttu augnablik kom Jóhannes og sannaði að smáverslanir gátu tekið breytingum. Undanfari Costco er breytt tollaumhverfi, nokkuð sem Sjálfstæðisflokkurinn hafði sett á oddinn og barist fyrir.

Formaðurinn er hógvær sem fyrr. Vill helst ekki eigna sér sjálfsagða hluti. Staðreyndin er sú að hægt og hægt, oft með baráttu hafa hömlur á verslun verið afnumdar. Kaupgeta er hér mikill en samt sem áður fá þeir stjórnmálamenn sem hafa gert vel ekki fengið það lof sem þeir eiga skilið. Eru hálfgerð Theresubörn, sjá ekki tækifærin til sóknar eða geta eigna sér árangur.

Skemmtilega við Costco eru auðvitað bragðmiklu ávextirnir sem allir geta keypt án samviskubits. Jafnvel hafið megrunarkúr eins og ég og fleiri. Kona mín vildi ekki heyra athugasemdir mínar um feitu matarfíklana sem flýttu sér í Costco. Höfðu himinn höndum tekið og löppuðu út með jarðaber í fyrstu atrennu.

Ávöxtur margra ára hagræðingar, 700 hundruð verslana birtist hér í verslun Costco. Engin einn hrósar sér af fyrirbærinu. Ameríski draumurinn? Tæknibyltingar í flutningum, frjálsræðið og miskunnarlaus samkeppni er undanfari þess sem nú birtist í kaupfélagi. Það sem vel heppnast í Ameríku má helst ekki nefna á nafn fyrir friðhelgi vinstri manna. Kaupfélög á borð við Costco eru góð. Þá spyr maður af hverju eigum við ekki kaupfélög í dag sem blómstara. Vextir?

Um þá má ekki ræða því Seðlabankinn hefur einkarétt á íslensku Krónunni. Þrátt fyrir að á tölvuöld sé hægt að nota marga gjaldmiðla. Jóhannes í Bónus naut ekki lengi ávaxtanna. Það gerðu heldur ekki Silli og Valdi. Voru kallaðir öllum illum nöfnum, en létu sér fátt um finnast. Í Matardeild SS var fyrst tregt um breytingar þegar átti að hefja sjálfsafgreiðslu. Jóhannes og fleiri komu á stórum sjálfagreiðslubúðum SS.

Hagkaup í dag er ásakað um að mismuna sínum birgjum eins og Bónusar menn voru orðaðir við. Galdurinn var að hafa fá vörumerki og er enn í dag. Sérhæfing eins og hjá Costco.

 

 

 


mbl.is Algengustu mistökin sem fólk gerir í Costco
Tilkynna um óviðeigandi tengingu við frétt

Dómarar í slag við valdið eða í baráttu um titla og embætti?

Talsvert er um samráð hjá dómurum innan rannsóknarvalds og meðal lögfræðinga í kerfinu. Skýrasta dæmið er sakamálatilbúnaðurinn sem varð að Geirfinnsmáli og menn viðurkenna 40 árum síðar að hafi verið embættismistök. Gæsluvarðhaldsúrskurði er hér beitt í margfalt meira mæli en í nágranalöndunum. Þar ráða dómarar ferð og geta vísað málum frá. Einstaklingar verða í auknum mæli að berjast við kerfið í dómsmálum þar sem valdið hefur nægan tíma og peninga.

Dómarar eru hluti af ríkiskerfinu. Það er þeirra að koma auga á vankanta og ræða þá opinberlega meðal almennings. Jón Steinar. Upplýsa hvar pottur er brotinn í lýðfrjálsu landi. Líta verður aftur í tímann á þróunina og hefðina. Hvernig við höfum einangrast og fjarlægst Evrópu í ýmsum málum sem varða lögfræðistéttina. Fyrir nokkrum árum var ekki algengt að lögmenn færu til útlanda eða störfuðu að hluta til erlendis.

Margir hafa bent á að betra hefði verið að hafa æsta dómstól í Danmörku eftir lýðveldisstofnunina. Á mörgum sviðum erum við að súpa seiðið af miður góðum vinnubrögðum sem hefði verið hægt að forðast. Skoða verður hvort hérlendis sé ofvöxtur í dómsmálum og annað er varðar menntun lögfræðinga.

 

 

 


mbl.is Ekki gaman að lenda í slag við valdið
Tilkynna um óviðeigandi tengingu við frétt

Um bloggið

sigurfang.blog.is

Höfundur

Sigurður Antonsson
Sigurður Antonsson
Sprotamaður í fyrirtækjarekstri. Áhugamaður um stjórnmál og viðskiptamál, leikhús og listir.
Júní 2017
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Myndaalbúm

Nýjustu myndir

  • 20170304 172602
  • 20170304 172528
  • 20170304 172216
  • DSC_0007
  • Birdseye-09.05.2016 nett-2000x1126
  • Birdseye-09.05.2016 nett-2000x1126
  • Kindur

Innskráning

Ath. Vinsamlegast kveikið á Javascript til að hefja innskráningu.

Hafðu samband