Reynsluleysi á Alþingi

"Unglingavinna" á Alþingi. Reynsluleysi, eða andvaraleysi gagnvart skemmdarverkamönnum var orsök flýttra kosninga. 

Viðreisnarformaðurinn er djarfur og biður um umboð. Þarf ekki að vera versta lausnin ef menn á annað borð eru eftirgefanlegir eins og Sjálfstæðismenn eru. Sjálfur veit ég ekki hvers vegna Evrópusambandið þarf að vera "hræfugl" eins og margir prédika?

Mörgum ESB löndum virðist ganga vel um þessar mundir. Í Svíþjóð er mestur uppgangur. Jafnvel á Spáni sem hefur búið við atvinnuleysi og stjórnarmyndunarerfileika er hagvöxtur góður. Pólland er í uppsveiflu, því ætti ekki að vera að hægt að tengja krónuna við evru eins og Pólverjar gera?

Reynslulausir Píratar og Vinstri grænir lofa varla miklu þótt margir vilji nota þá sem grýlu. Bjartir, Viðreisn og Sjálfstæðis gætu málað sveifluminni framtíð og lækkað vexti.

Telur að Bjarni fái umboðið

Strengjabrúður væla, blöð gapa

Svipurinn á Bob Dylan er ekki þesslegur að honum þyki mikið til um að færast hærra, um eitt hænsna prik. Von að það fari illa um veislusettið í Stokkhólmsborg. Ljóðskáldið er auðsjáanlega upptekinn við að flytja list sína.

Fyrst Frank Sinatra komst ekki á bekk hjá hinum útvöldum, því þá ég? Versta sem getur hent akademíu fína fólksins, er þegar hún er ekki virt viðlits. Von að skandinavíska hirðin spyrji eins og hjá nakta keisaranum. Á hvaða vegferð erum við? Öll helstu blöð Norðurlanda eru eins og spyrjandi gapuxi?

Ernest Hemingway var þunglyndur og ekki fór mikið fyrir verðlaunaafhendingunni. Bókmenntaverðlaunin árið 1954 breyttu engu þar um. Árið 1955 var Kiljan heiðraður af sænskum vinum okkar. Um hverja mannssál á Íslandi fór vellíðan. Bjartur í Sumarhúsum var ekki lengur þverhaus, heldur sannur Íslendingur.

Sakar Dylan um hroka og dónaskap

Flokkar refsinornarinnar, Píratar og Vinstri grænir

Eva Joly kemur nokkrum dögum fyrir kosningar og fundar með stjórnarandstæðingum. Kastljós birtir drottningarviðtal við hana. Öll áróðursvél vinstri manna er á fullu í sviðsetningu. Hin "opinbera stofnun" RÚV dregur ekkert undan í endursýningum með nýjum og gömlum taflmönnum.

Allt á að vera í ólestri þegar aldrei hefur verið gert betur. Heilbrigðisstofnunum er úthúðað þegar allt er í besta standi. Hvergi betri heilbrigðisþjónusta, hvergi meiri jöfnuður og velmegun. Meiri hluti landsmanna veit ekki hvaðan stendur á sig veðrið.

Hafa trúað of lengi á hlutleysi stofnanna og fjölmiðla. Nú þegar sviðsmyndin breytist og menn sjá hvernig áróðurinn og tilbúningurinn kemur fram í kosningaspám verður mönnum fyrst órótt. Vinstri grænir og Píratar skora með hræðsluáróðri sinna þrautþjálfuðu fjölmiðlamanna. 

Það er ekki eins og Ísland sé eina landið í þessum breytingu. Flokkamergð og sundrung blasir við víða um lönd. Ekki þarf að fara lengra en til Bretlands. Í Bandaríkjunum og Mið-Evrópu er sama upp á teningunum. Nýir áróðursmeistara mála sviðið.

Seðlabankinn skoðar mál Sturlu

Sigmundur eins og ungabarn hjá RÚV

RÚV, hin pólitíska móðir allra landsmanna fylgist grannt með ferðum fyrrverandi formanns Framsóknarmanna. Sýnir það trygg og alúð sem hún veitir villuráfandi kjósendum í aðdraganda kosninga. Fréttamenn RÚV vita hvað telur; framtíð flokksins veltur á góðu samstarfi foringja. Mikilvægt er að vita hvort þeir séu í fýlu eða SMS sambandi? Staddir á Dalvík eða Aureyri. 

 

Talað oftar við Sigurð en mömmu sína

Loforð 10 vinstriflokka og villta RÚV stjórnar

Lágt er risið á Framsóknarflokknum þegar formaðurinn er að yfirbjóða, boða aukna skatta og komugjöld. Ríkistjórnin var nýbúin að hækka hjá öldruðum. Formaður Framsóknar virðist vera búinn að gleyma því eins og fleiru er skapaði hér velmegun. 

Loforðaflaumurinn er settur í 12 liði og á að laða að "félagshyggjufólk", undirbúa aðlögunina að vinstri stjórn. Allir fréttaþulir RÚV eru orðnir vel skólaðir í að reifa boðskap væntanlega vinstri stjórnar. Formaðurinn er þeirra ljósberi.

Fréttaþulir taka í hverjum fréttatíma háskólamenn í félagsvísindum fram á sviðið og spyrja álits. Aldrei hef ég séð neitt þvíumlíkt á BBC eða ITV, þar sem forðast er að blanda fréttamönnum inn í innanlandspólitík. Þar fletta þulir dagblöðunum og segja hlutlaust frá því sem þar birtist.

 

Standa frammi fyrir skýrum kostum

12 Velferðarflokkar berjast um hylli kjósenda

ASÍ og lífeyrissjóðir ráða för? Ráðherra á flótta þegar hann getur mælt með 12 árum. Alltof margir hætta vinnu alltof snemma og vesælast upp í aðgerðaleysi. Þurfa þá miklu fyrr að fara á öldrunarheimili vegna hreyfingaleysis og fylgisjúkdóma. Engum er greiði gerður með því halda honum frá vinnu.

Rómaveldi féll þegar foringjarnir lifðu í vellystingu og sællífi. Norðmenn vöknuð upp við vondan draum þegar olíuverðið féll. Nú fyrir kosningar keppast allir flokkar um að bjóða betur. Hvað verður um þá, ef viðskiptakjör versna efir áramótin? 

 

Aðlögunartími verður 24 ár en ekki 12

Umræður án húmors, en glæsileg dóttir Trumps mætir og styður föður sinn.

Báknið hefur þanist út og er óstöðvanlegt. Trump ætlar að létta af regluveldi, eftirliti með fyrirtækjum og borgurum. Í Bandaríkjunum eygja menn von um breytingar. Fækkun reglugerða og lægri skatta. Fólk hefur ekki lengur trú á fjölmiðlum eða regluveldi og styður Trump.

Langur vinnudagur og framleiðni eru almennt hvergi meiri. Uppskeran samt tiltölulega rýr. Bandaríkin eyða helmingi meira en 7 stærstu stórveldin í herkostnað. Í umræðum gærdagsins var ekkert komið inn á herkostnaðinn, en Trump sagði að Rússland væri ráðandi stríðsaðili í Sýrlandi. Bandaríkin áhrifalaus?

Trump stendur fyrir breytingum á kerfinu, en forðast að styggja herinn. Repúblikanaflokkurinn stendur ekki heill að baki Trump. Liðsmenn eins og McCain eru að fara á taugum út af atkvæðum kvenna. Sarah Palin og Monica Lewinsky hvergi nærri og gleymdar?

Margt er líkt með stjórnmálaþróuninni hér og í USA. Velmegun mikill, heilbrigðiskerfið með ágætum, en vantraust á ríkjandi stjórnvöldum. Pólitísk umræða í skotgröfunum án spaugs og gleði. 

Hvassar kappræður

Stórveldin stýra sprengjuregni. Ríki íslams lifir?

Frakkar ákváðu að hefja á ný loftárásir á Sýrland í september. Allir vita hverjar afleiðingarnar geta orðið. Rússar hafa sent mesta sprengjuregnið á saklausa íbúa Sýrlands. Samt lifir skæruliðahreyfingin.

Bandaríkin eiga sinn hlut í grimmdarlegum árásum á borgir í norðurhluta landsins. Í júlí létust um 100 manns í árásum sprengjuflugvéla þeirra. Langvin styrjöld í Sýrlandi eru átök sem hægt væri að leysa ef stórveldin vildu.  

Aðeins með öflugu almenningsáliti borgara og þrýstingi á stjórnvöld er hægt enda stríðið. Hvirfilbylir eru fyrir utan mannlegan mátt. Sprengjur og flugskeyti eru mannanna uppfinning. Í Víetnam voru það skæruliðar sem unnu á stórveldinu í lokin.

Ríki íslams tapað fjórðungi landsvæðis

Framsókn skiptir um lit eins og fiskur í sjó

Sigurvegarar í þessum kosningaslag eru Vinstri grænir. Samkoma eða flokkur sem elur á andúð og stéttarátökum. Helsti bandamaður þeirra vinnur á RÚV og notar stofnunina flokknum til framdráttar. Fyrrverandi útvarpsstjóri og forsætisráðherra þurftu að fara frá vegna aðgerða þessa manns.

Útvarpsstjórinn er nú búinn að ná vopnum sínum aftur og er fyrsti maður á lista Sjálfsstæðisflokks. Sigmundur Davíð gæti síðar þess vegna farið í sérframboð í Kraganum, á heimaslóðum og dregið til sín fylgi. Hætt er við að þá færi hrollur um ýmsa. 

Undraverður hæfileiki Framsóknar við að komast í stjórn með öllum flokkum er ekkert nýtt fyrirbrigði. Hann hefur verið lengst allra flokka við stjórn landsins. Athyglin nú endurspeglar aðdáun á þessa hæfileika. 

Gæti styrkt stöðu flokksins

100 ára afmæli. Er lýðræði skítkast?

Formaður flokksins er keikur og baráttuglaður þrátt fyrir árásir RÚV-verja. Styrkur flokksins í núverandi stjórnarsamstarfi eru efnahagsmálin. Framsókn kann að láta í sér heyra þótt á móti blási. Lilja Dögg er óreynt, en er líkleg til að ná árangri síðar.

Fulltrúar lýðræðisins sína mikinn styrk í öllu því umróti og skítkasti sem stjórnmálin eru oft á tíðum. Söknuður er af mörgum þingmönnum sem fara nú frá borði. Reynsluleysið er partur af ómarkvissum vinnubrögðum Alþingis. 

100 ára afmæli Alþýðuflokksins var ekki nema að nafninu til. 

 

Verða að standa saman